«تۇركسوي»-دىڭ تىنىسى اشىلا ءتۇستى

ءال-فارابي اتىنداعى قازۇۋ-دىڭ شىعىستانۋ فاكۋلتەتىندە «تۇركسوي» حالىق­ارا­لىق ۇيىمىنىڭ قولداۋىمەن «الماتى – يسلام مادەنيەتىنىڭ استاناسى-2015» باعدار­لاماسى اياسىندا تۇركسوي كافەدراسى مەن عىلىم-ءبىلىم جانە مادەني «تۇركسوي» ورتالىعىنىڭ اشىلۋ سالتاناتى ءوتتى. ءىس-شارا قازاقستان حالقى اسسامبلەياسىنىڭ  قۇرىلعانىنا 20 جىل تولۋىنا وراي وتكىزىلىپ وتىر. ايتۋلى وقيعاعا «تۇركسوي» حالىقارالىق ۇيىمىنىڭ باس حاتشىسى دۇيسەن قاسەيىنوۆ, قازاقستان رەسپۋبليكاسىنداعى تۇركيا, ازەربايجان, وزبەك­ستان, تۇرىكمەنستان, قىرعىز­ستان­نىڭ ەلشىلىكتەرى مەن كونسۋل­دىقتارىنىڭ قىزمەتكەرلەرى, الماتى قالاسىنداعى قازاقستان حالقى اسسامبلەياسى جانىنان قۇرىلعان تۇركىتىلدەس ەتنو­مادەني بىرلەستىكتەر, سونىمەن قاتار, قازۇۋ-دىڭ عالىمدارى, وقى­تۋشىلارى مەن ستۋدەنت-ماگيس­ترانتتارى قاتىستى. بەلگىلەنگەن مەرزىمدە شاقى­رىلعان قوناقتار شىعىستانۋ فاكۋلتەتىنە جينالدى. الدىمەن «تۇركسوي» كافەدراسىنىڭ اشىلۋ سالتاناتىنا جينالعان قاۋىم تاريحي لەنتا قيۋ ءراسىمىنىڭ كۋاسى بولدى, ءداستۇرلى شاشۋ شاشىلدى. بۇدان كەيىن عىلىم-ءبىلىم جانە مادەني «تۇركسوي» ورتالىعى دا لەنتا قيۋمەن اشىلدى. جينالعان قاۋىم ۇلكەن زالدى لىق تولتىردى. العاش ءسوز العان ءال-فارابي اتىنداعى قازۇۋ-دىڭ رەكتورى, اكادەميك عالىمقايىر مۇتانوۆ ۇلكەن جيىندى اشىپ, قاتىسۋشىلاردى قۇتتىقتادى. كەلەسى ءسوز كەزەگىندە باس حاتشى دۇيسەن قاسەيىنوۆ: «بۇل اشىلعان كافەدرا قازاقستان مەن تۇركى ەلدەرى اراسىنداعى تاعى ءبىر كوپىر بولماق, ونىڭ قىزمەتى تۇركى حالىقتارىنىڭ تىلدەرىن, مادەني ينتەگراتسيا ماسەلەلەرىن, الەۋمەتتىك-ەكونوميكالىق جانە سايا­سي پروتسەستەرىن زەرتتەۋ ورتا­لىعى بولاتىنى ءسوزسىز», دەدى. سون­داي-اق الماتى قالاسىندا تۇرىك مادە­نيە­تىنىڭ حالىقارالىق ۇيىمى («تۇركسوي») 1993 جىلدىڭ 12 شىلدەسىندە تۇركىتىلدەس ەلدەردىڭ باسشىلىعىمەن قۇرىلعانىن, سوڭعى ەكى جىلدا باۋىرلاس تۇركى حالىقتارى مادەنيەتىنىڭ دامۋى, ىقپالداسۋى, تانىتىلۋى جانە الەمدىك ارەنادا ناسيحاتتالۋى باعىتىندا بىرنەشە كولەمدى شارالاردى ىسكە اسىرعانى تۋرالى ايتتى. تۇركيا ەلشىلىگىنەن كەلگەن سۋپحي اتان, ازەربايجان ەلشىلىگىنەن رۋستاموۆ نيزامي يساحوگلى, تاعى دا باسقا ەلشىلىكتەن كەلگەن ­جاۋ­اپتى تۇلعالار ايتۋلى وقيعاعا ۇلكەن باعا بەرىپ, شىن جۇرەكتەن قۇتتىقتادى. ءال-فارابي اتىنداعى قازۇۋ-دىڭ رەكتورى, اكادەميك عا­لىم­قايىر مۇتانوۆ دۇيسەن قورا­باي ۇلىنىڭ ۇيىمعا باسشىلىق ەتكەن ءۇش جىلعا جۋىق ۋاقىت ىشىندە كوپ شارۋالار اتقارعانىن, ۇيىمنىڭ بەدەلىن كوتەرگەنىن, ونى تۇركى بىرلىگىن نىعايتاتىن ءىرى قۇرىلىمعا اينالدىرا العانىن ايتا كەلىپ, وسى قىزمەتى ءۇشىن ۇلتتىق ۋنيۆەرسيتەتتىڭ «التىن مەدالىمەن» ماراپاتتادى. تۇركسوي-دىڭ باس حاتشىسى دۇيسەن قاسەيىنوۆ قازۇۋ-دىڭ رەكتورى, اكادەميك عالىمقايىر مۇتانوۆتى «تۇركسوي» مەدالىمەن ماراپاتتادى. «تۇركسويدىڭ» حالىق­ارا­لىق ءباسپاسوز سىيلىعىمەن «ەگە­مەن قازاقستان» رەسپۋبليكالىق گازەتى» اكتسيونەرلىك قوعامىنىڭ پرەزيدەنتى ساۋىتبەك ابدراح­مانوۆ جانە «الماتى اقشامى» گازەتىنىڭ ديرەكتورى-باس رەداكتورى قالي سارسەنباي ماراپاتتالدى. «ەگەمەن قازاقستان» باسىلىمىنىڭ الماتى ءبولىم­شەسىنىڭ جەتەكشىسى قورعانبەك امانجول, ۋنيۆەرسيتەت پروفەس­سورلارى وتەگەن كۇمىسباەۆ, ءومىرحان ءابديمان ۇلى «توقتاعۇل» مەدالىن ومىراۋلارىنا تاقتى. شارافاددين ءامىروۆ, «ەگەمەن قازاقستان». الماتى.