الماتى وبلىسىندا سەرىكتەستىك ۇجىمى ەلباسىنىڭ اتىنا حات جولدادى

الماتى وبلىسىندا جول جوندەۋ جۇمىستارى مەن اۋىلشارۋاشىلىعى سالاسىنا باعىتتالعان «شاڭىراق» جاۋاپكەرشىلىگى شەكتەۋلى سەرىكتەستىگىنىڭ قىزمەتكەرلەرى 26 ساۋىردە وتەتىن كەزەكتەن تىس پرەزيدەنت سايلاۋىن قولدايتىندىقتارىن ءبىلدىرىپ, ەلباسىنىڭ اتىنا ۇجىمدىق جەدەلحات جولدادى. بۇل تۋرالى zhetysu.gov.kz حابارلادى. اتالعان سەرىكتەستىك وسى كۇنى جالپى قۇنى 5,5 ملرد. تەڭگەنى قۇرايتىن الماتى-وسكەمەن رەسپۋبليكالىق اۆتوجولى مەن وبلىس اۋماعىنداعى بىرقاتار ەلدى-مەكەندەردىڭ جولدارىنا دا جوندەۋ جۇمىستارىن جۇرگىزۋدە. سەرىكتەستىك باسشىسى جانايدار جىلقايداروۆ ۇجىم اتىنان ەلباسىنىڭ قازىرگى جۇرگىزىپ وتىرعان ساياساتىن تولىقتاي قولدايتىندىقتارىن جەتكىزدى. سوعان بايلانىستى الداعى ۋاقىتتا وتەتىن كەزەكتەن تىس پرەزيدەنت سايلاۋىنا ەلباسىنىڭ ءوز كانديداتۋراسىن ۇسىنۋىن سۇراپ, ءوز ويىن ءبىلدىردى. ايتا كەتەر جايت, شارۋاشىلىق جول جوندەۋ جۇمىستارىنان بولەك مال وسىرۋمەن دە اينالىسادى. بۇگىنگى كۇنى سەرىكتەستىكتە 120 تەحنيكا, 20 مىڭ قوي, 1000-عا جۋىق جىلقى جانە 480 ءىرى قارا مالى وسىرىلەدى. نۇربول الدىباەۆ. دەرەك, سۋرەت: zhetysu.gov.kz.