بايقاۋشىلار جۇمىسىنا كىرىستى

ەلىمىزدە تۇڭعىش رەت «سايلاۋدى بايقاۋ جونىندەگى رەسپۋبليكالىق قوعامدىق كوميسسيا» اتتى بىرلەستىك قۇرىلدى. قوعامدىق نەگىزدە قىزمەت اتقاراتىن بىرلەستىكتى نۇرلان ەرىمبەتوۆ باسقارادى. بۇگىندە اتالعان ۇيىمنىڭ فيليالدارى جەر-جەرلەردە قۇرىلىپ, جۇمىسىن باستادى. كەشە وسىنداي وكىلدىكتىڭ قىزىلوردا وبلىسىندا قۇرىلعانى دا ءمالىم بولدى. ايماقتىق فيليالدىڭ تورايىمدىعىنا ماريا جومارتقىزى بەكىتىلگەن. كوميسسيانىڭ مىندەتى قان­داي؟ جۇمىس جوسپارى قالاي تۇزىلمەك؟ ناقتى قانداي ءىس­تەر اتقارادى؟ وسى جانە باس­قا دا سۇراقتارعا ماريا جومارت­قىزى مەن ونىڭ ورىنباسارى باۋىرجان ماستەكوۆ جۋرناليستەر الدىندا جاۋاپ بەردى. قوعامدىق بىرلەستىك وكىل­دەرى سايلاۋ بارىسىنىڭ زاڭعا سايكەس, بارلىق تالاپتاردىڭ ساقتالىپ ءوتۋىن قاداعالايدى. سونىمەن قاتار, ۇگىت-ناسيحات جۇمىستارىنىڭ جۇرگىزىلۋ ءتارتىبى مەن ەرەجەلەرىنىڭ ساق­تالۋىنا دا ءمان بەرەدى. بۇگىن­دە وبلىس بويىنشا 345 سايلاۋ ۋچاسكەسى تىركەل­گەن. قوعامدىق كوميسسيا وكىل­دەرى وڭىردەگى ءاربىر ۋچاسكەدە جۇمىس ىستەيدى. ول ءۇشىن ەرىكتى-بايقاۋشىلاردان قۇ­رالعان 345 ادام جۇمىسقا تار­تىلعان. بايقاۋشىلاردىڭ بارلىعى ناقتى وقۋدان ءوتىپ, بەلگىلەنگەن سەمينار-ترەنينگتەرگە قاتىسىپ, ءبىلىم-بىلىگى جەتىلدىرىلىپ بارىپ قانا جۇمىسقا جىبەرىلەدى. بايقاۋشىلار سايلاۋ كو­ميسسيالارىنىڭ وتىرىستارىنا قاتىسىپ, سايلاۋشىلار سانى تۋرالى ناقتى اقپارات الىپ, داۋىس بەرۋ كەزىندە ۋچاس­كە باسىندا جۇمىس ىستەپ, داۋىس­تاردىڭ ءادىل سانالاۋىنا اتسالىسىپ, جان-جاقتى جۇمىس ىستەيتىن بولادى. بايقاۋشىلاردىڭ جۇ­مىسى ناتيجەلى بولۋى ءۇشىن ارنايى رەيد ۇيىم­داس­تىرىلادى. سو­نىمەن قاتار, اتقارىلعان جۇ­مىس­تارى تۋرالى بۇقارالىق اق­پارات قۇرالدارى مەن الەۋ­مەتتىك جەلىلەردە تۇراقتى جاريالانىپ وتىرادى. تاعى ءبىر ايتا كەتەرلىگى, بۇل ءبىر سايلاۋدىڭ شەڭبەرىندەگى ناۋ­قاندىق جۇمىس ەمەس. قوعام­دىق كوميسسيا الداعى ۋاقىت­تا تۇراقتى جۇمىس ىستەۋ­گە نيەتتى. مىسالى, كەلەر جىل­عى ءماجىلىس سايلاۋى كە­زىندە دە ءوز مىندەتتەرىن اتقار­ماق. سونداي-اق, تمد شەڭ­بەرىندەگى سايلاۋلارعا دا باي­قاۋشىلارىن جىبەرىپ, تاجىريبە الماسۋدى كوزدەپ وتىر. ەرجان بايتىلەس, «ەگەمەن قازاقستان». قىزىلوردا.