حالىق 8 ناۋرىز مەرەكەسىندە ءۇش كۇن دەمالادى

استانا. 5 ناۋرىز. ەلىمىزدە مەملەكەتتىك مەرەكە رەتىندە اتالىپ وتىلەتىن حالىقارالىق ايەلدەر كۇنىندە حالىق  ءۇش كۇن – 7, 8 جانە 9 ناۋرىزدا دەمالادى. 8 ناۋرىز جەكسەنبى كۇنىنە سايكەس كەلگەندىكتەن, دەمالىس كۇنى دۇيسەنبى – 9 ناۋرىزعا شەگەرىلەدى. بۇل تۋرالى egemen.kz ءتىلشىسى حابارلادى. ال ناۋرىز مەيرامىنا وراي ەلىمىز 5 كۇن دەمالادى. دالىرەگى, 21-23 ناۋرىز مەرەكەگە وراي دەمالىس, ياعني بۇل – سەنبى جانە دۇيسەنبى ارالىعى. وسىلايشا, مەرەكەنىڭ العاشقى 2 كۇنى كەزەكتى دەمالىسقا تاپ كەلگەندىكتەن, 24-25 ناۋرىز كۇندەرى دە دەمالامىز. ەسكە سالا كەتەيىك, «قازاقستان رەسپۋبليكاسىنىڭ مەرەكەلەرى تۋرالى» زاڭعا سايكەس, مەرەكە اپتانىڭ دەمالىس كۇندەرىنە ءدوپ كەلسە, دەمالىس كۇنى مەيرام كۇنىنەن كەيىنگى جۇمىس كۇنىنە شەگەرىلەدى. سونىمەن, ناۋرىز ايىنداعى مەرەكەلەردە 8 كۇن دەمالىس بولادى. جولدىباي بازار. دەرەك: egemen.kz. سۋرەت: altaynews.kz.