شىمكەنتتە اپاتتان ءۇيسىز قالعاندارعا باسپانا بەرىلدى

شىمكەنت. 5 ناۋرىز. شىمكەنتتە تابيعي گازدىڭ جارىلىسى سالدارىنان باسپاناسىز قالعان سەگىز وتباسىعا پاتەر كىلتى تاپسىرىلدى. بار-جوعى ەكى ايدىڭ ىشىندە زارداپ شەگۋشىلەردىڭ تىلەگى ورىندالىپ, قۋانىشقا كەنەلدى. بۇل تۋرالى egemen.kz ءتىلشىسى حابارلادى. سالتاناتتى شارا قالا اكىمدىگىندە ءوتتى. بۇل سەگىز وتباسى قاقاعان قىستىڭ ورتاسىندا باسپاناسىز قالعان بولاتىن. سودان بەرى جاتاقحانانى پانالادى. بيلىك بەرگەن ۋادەسىندە تۇرىپ, ەكى ايدىڭ ىشىندە قايتادان ءۇيلى ەتتى. «بيۋدجەتتەن 69 ميلليون تەڭگە ءبولىندى. ول قارجى قالا اكىمدىگىنىڭ توتەنشە جاعدايدىڭ سالدارىنان جويۋعا باعىتتالعان قاراجات. بۇل اقشاعا ءۇش بولمەلى ەكى پاتەر, ەكى بولمەلى التى پاتەر ساتىپ الىندى»,– دەيدى قالا اكىمىنىڭ ورىنباسارى بەيسەنبەك جانبوسىنوۆ. ەسكە سالايىق, 20 جەلتوقسان كۇنى اقنازارحان كوشەسىندەگى №62 ۇيدە گاز جارىلىپ, وقىس وقيعا ورىن العان بولاتىن. سونىڭ سالدارىنان 8 پاتەرلى ءۇي قيراپ قالدى. تۇرعىندار قاۋىپسىز جەرگە كوشىرىلدى. كۇشتى جارىلىستان ءۇيدىڭ نەگىزگى قابىرعالارى قيراعاندىقتان, ونى قالپىنا كەلتىرۋ وڭاي بولماعان. ءۇيدى اپاتتى دەپ تاپقان ماماندار باسپانانىڭ قالدىعىن ءسۇرىپ تە تاستادى. باقتيار تايجان. دەرەك: egemen.kz. سۋرەت: kz.otyrar.kz.