شىمكەنتتە پرەزيدەنت سايلاۋىنا دايىندىق جۇرگىزىلىپ جاتىر

شىمكەنت. 5 ناۋرىز. شىمكەنتتە پرەزيدەنت سايلاۋىن وتكىزۋگە دايىندىق ماسەلەسى تالقىلاندى. بۇل تۋرالى egemen.kz ءتىلشىسى حابارلادى. ارنايى جيىندا ورتالىق سايلاۋ كوميسسياسىنىڭ حاتشىسى باقىت مەلدەشوۆ پرەزيدەنتتىككە ۇمىتكەرلەردى ۇسىنۋ باستالعانىن ايتتى. «قازىر ۇمىتكەرلەردى ۇسىنۋ كەزەڭى ءجۇرىپ جاتىر. بۇگىنگە دەيىن بەس ۇمىتكەر تىركەلدى. ولاردىڭ كونستيتۋتسيانىڭ جانە «سايلاۋ تۋرالى» زاڭنىڭ نورمالارىنا سايكەستىگى تەكسەرىلۋدە. سودان كەيىن پاراقتارعا قول قويىلىپ, كانديداتتار داۋىس جيناۋعا كىرىسەدى», – دەدى ب. مەلدەشوۆ. قازىر سايلاۋ ۋچاسكەلەرىنىڭ شەكارالارىمەن اينالىسۋ قاجەت دەپ سانايدى ب. مەلدەشوۆ. «سايلاۋعا دايىندىق جانە وتكىزۋ كەزىندە حالىقارالىق ساراپشىلار قاتىسادى. بۇل سايلاۋ ءۇردىسىنىڭ جاريالىلىعى مەن اشىقتىعىنا ىقپال ەتەدى», – دەدى ول. ايتا كەتەيىك, وڭتۇستىك قازاقستان وبلىسىندا 1 029 سايلاۋ ۋچاسكەسى مەن 1 ملن.-نان استام سايلاۋشى بار. باقتيار تايجان. دەرەك: egemen.kz. سۋرەت: «قازاقپارات».