يرينا اپەكسيموۆا تاگانكا تەاترىنا ديرەكتور بولدى

استانا. 5 ناۋرىز. رەسەيدىڭ بەلگىلى كينو جانە تەاتر ءارتىسى يرينا اپەكسيموۆا ماسكەۋدەگى تاگانكا تەاترىنىڭ ديرەكتورى بولىپ تاعايىندالدى. بۇل تۋرالى تاسس حابارلادى. تانىمال اكتريسا بۇل قىزمەتتە ۆلاديمير فلەيشەردى الماستىردى. مۇنى ماسكەۋ مادەنيە دەپارتامەنتىنىڭ باسشىسى سەرگەي كاپكوۆ قۇلاقتاندىردى. «مەن جاقىن كۇندەردە ونى ۇجىمعا تانىستىرامىن», - دەدى ول. اكتريسا ءوزىنىڭ تاگانكا تەاترىنداعى جۇمىسىن 2012 جىلدان بەرى ديرەكتور بولىپ كەلە جاتقان رومان ۆيكتيۋك تەاترىنداعى قىزمەتىمەن بىرگە اتقارۋدى جوسپارلاپ وتىرعانىن ايتتى. «مەنىڭ كەلىسىمشارت مەرزىمىم ءبىتتى, ءبىز مادەنيەت دەپارتامەنتىمەن مەنىڭ قىزمەتتەن كەتەتىنىم تۋرالى كەلىستىك», - دەپ ءتۇسىندىردى بۇل اۋىس-ءتۇيىستى تاگانكا تەاترىن 2013 جىلدان بەرى باسقارعان فلەيشەر. يرينا اپەكسيموۆا 1990 جىلى محات-تىڭ مەكتەپ-ستۋدياسىن (ولەگ تاباكوۆتىڭ شەبەرحاناسى) ءبىتىرىپ, ا.پ.چەحوۆ اتىنداعى محات-قا جۇمىسقا تۇردى. مۇندا ول 2000 جىلعا دەيىن جۇمىس جاسادى. وسىدان كەيىن ۆيكتيۋك تەاترىندا اكىمشىلىك جۇمىس اتقارا باستادى. تەاتر مەن كينودا 60-تان استام رولدە وينادى. ولاردىڭ اراسىندا «بۋرجۋيدىڭ تۋعان كۇنى», «شىرلي-مىرلي», «جانالعىش» سەكىلدى تانامىل فيلمدەرگە ءتۇستى. تاگانكا تەاترىنىڭ نەگىزىن قالاۋشى جانە كوركەمدىك جەتەكشىسى يۋري ليۋبيموۆ 2014 جىلعى قازان ايىندا قايتىس بولدى. رەجيسسەردىڭ جاسى 97-دە ەدى. مۇرات ايتقوجا. دەرەك, فوتو: lenta.ru.