«نۇر وتاننىڭ» XVI سەزىنە قاراعاندى وبلىسىنان 110 دەلەگات سايلاندى

قاراعاندى. 5 ناۋرىز. «نۇر وتان» پارتياسى قاراعاندى وبلىستىق فيليالىنىڭ كەزەكتەن تىس XXII كونفەرەنتسياسى بولىپ ءوتتى. بۇل تۋرالى وبلىستىق اكىمدىكتىڭ ءباسپاسوز قىزمەتى حابارلادى. كونفەرەنتسيا جۇمىسىنا پارتيا ارداگەرلەرى, فيليال باسشىلارى جانە ولاردىڭ ورىنباسارلارى, پارتيالىق باقىلاۋ كوميسسياسى, «جاس وتان» جاستار قاناتىنىڭ وكىلدەرى قاتىستى. كونفەرەنتسيا اشىلۋىندا «نۇر وتان» پارتياسىنىڭ قاراعاندى وبلىسى بويىنشا فيليالىنىڭ توراعاسى نۇرمۇحامبەت ابدىبەكوۆ كەزەكتەن تىس وتكىزىلگەلى وتىرعان پرەزيدەنت سايلاۋىن «قازاقستان - 2050» جانە «ماڭگىلىك ەل» يدەيالارىنىڭ جۇزەگە اسۋىن قامتاماسىز ەتۋدەگى تاريحي مۇمكىندىك دەپ اتاپ كورسەتتى. «بۇگىندە, قازاقستان رەسپۋبليكاسى ەكونوميكاسىنىڭ دامۋىنداعى جاڭا كەزەڭگە كوتەرىلگەن كەزىندە, وبلىستاعى «نۇروتاندىقتار» پارتيا توراعاسى نۇرسۇلتان ءابىش ۇلى نازارباەۆتى پرەزيدەنت سايلاۋىنا ۇمىتكەر رەتىندە تولىقتاي قولداپ وتىر», – دەدى ايماق باسشىسى ءوز سوزىندە. جيىن سوڭىندا وبلىستىق فيليالدىڭ ءبىرىنشى ورىنباسارى قاديشا وسپانوۆا پارتيانىڭ XVI سەزىنە دەلەگات بولىپ باراتىن 110 ادامنىڭ ءتىزىمىن جاسادى. بۇل ءتىزىم كونفەرەنتسياعا قاتىسۋشىلارى تاراپىنان تولىقتاي قولداۋ تاپتى. ايقىن نەسىپباي. دەرەك, سۋرەت: قاراعاندى وبلىستىق اكىمدىگىنىڭ ءباسپاسوز قىزمەتى.