پەتروپاۆلدا 200 قاڭعىباسقا جاردەم كورسەتىلدى

پەتروپاۆل. 5 ناۋرىز. پەتروپاۆلدا جەرگىلىكتى پوليتسەيلەر «بومج» وپەراتسياسىنىڭ العاشقى كۇنى ءۇيسىز-كۇيسىز, دالا كەزىپ جۇرگەن ەكى جۇزگە جۋىق ادامدى ءتيىستى ورىنعا جەتكىزىپ, جاردەم كورسەتتى. بۇل تۋرالى قالالىق ىشكى ىستەر باسقارماسى حابارلادى. قابىلداۋ-ءبولۋ ورتالىعى باسشىسىنىڭ ورىنباسارى رۋسلان الىباەۆتىڭ ايتۋىنشا, نە جۇمىس, نە باسپانا جوق, ايتەۋىر سۇيرەتىلىپ, ولمەشىنىڭ كۇنىن كورىپ جۇرگەن بۇل ساناتتاعىلاردىڭ اراسىندا قىلمىسقا ۇرىنۋشىلاردىڭ سانى از كورىنبەيدى. وعان جىل باسىنان 80-گە جۋىق ءتارتىپ بۇزۋشىلىقتىڭ, ونىڭ ىشىندە 6 قىلمىستىڭ جاسالعانى دالەل. قابىلداۋ-ءبولىم ورتالىعىنا اكەلىنگەن قاڭعىباس ادامداردىڭ 68-ىندە ءتيىستى قۇجاتتارى بولماي شىققان. ارالارىندا ايەلدەر دە بار. ەندى ولار مەديتسينالىق تەكسەرىلۋدەن وتكەننەن كەيىن كىم ەكەندىكتەرى ناقتىلانعانشا 30 كۇنگە دەيىن ارنايى باقىلاۋدا ۇستالىناتىن بولادى. 54 جاستاعى ءبىر كەزبەنى پوليتسيا قىزمەتكەرلەرى جىلۋ تراسساسى جانىنان اش-جالاڭاش كۇيىندە كەزىكتىرىپتى. ءبىر كەزدەرى ءتاپ-ءتاۋىر جۇمىس اتقارعان ول وتباسىداعى كيكىلجىڭنىڭ سالدارىنان اراققاقا سالىنعان. بالا-شاعادان ايىرىلعان سوڭ قاڭعىباستار قاتارىنا قوسىلعان. سوڭىندا ادام توزبەس كەيىپكە ەنگەن. «اۋىلدىق جەردە كۇنەلتۋ قيىنعا سوققاندىقتان وبلىس ورتالىعىنا كەلگەن ەدىم. مۇندا دا تىرلىگىم وڭالىپ كەتە قويعان جوق. جۇمىس ىزدەپ كوردىم. تۇرىمە قاراپ ەشكىم قابىلدامايدى. ورتالىقتا جاقسى تاماقتاندىرادى. جۋىنىپ-تازالانىپ, ءال جيىپ العاننان كەيىن تاعى جۇمىس ىزدەپ كورەمىن», دەيدى ن. ەسىمدى ازامات. ءومىر ەسقالي. دەرەك: پەتروپاۆل قالالىق ىشكى ىستەر باسقارماسى. سۋرەت: news.nur.kz.