پاتريك كليۋيۆەرت باس جاتتىقتىرۋشى بولدى

استانا. 5 ناۋرىز. فۋتبولدان نيدەرلاندى قۇراماسىنىڭ بۇرىنعى ويىنشىسى, ايگىلى شابۋىلشى پاتريك كليۋيۆەرت كيۋراساو ۇلتتىق كومانداسىنىڭ باس جاتتىقتىرۋشىسى بولىپ تاعايىندالدى. بۇل تۋرالى eurosport.ru حابارلادى. كليۋيۆەرت ءۇشىن بۇل باس جاتتىقتىرۋشى رەتىندەگى العاشقى تاجىريبە. بۇعان دەيىن ول نيدەرلاندى ۇلتتىق قۇراماسىنىڭ باس باپكەرى لۋي ۆان گالدىڭ كومەكشىسى قىزمەتىن اتقارىپ كەلدى. كيۋراساو فۋتبولىنىڭ باسشىلارى بۇگىن پاتريك كليۋيۆەرتتى فۋتبولشىلارمەن رەسمي تۇردە تانىستىرماق. جالپى, بۇل ەل فيفا رەيتينگىندە 209 كوماندانىڭ اراسىندا 160-ورىندا كەلەدى. كاريب تەڭىزىندە ورنالاسقان ارال مەملەكەتتىڭ كليۋيۆەرتكە قويىپ وتىرعان باستى تالابى 2018 جىلعى الەم چەمپيوناتىنا جولداما الۋ. جۋىردا كيۋراساو مونسەرراتا قۇراماسىمەن وينايدى. ەگەر بۇل ويىندا جەڭىسكە جەتەر بولسا, كليۋيۆەرتتىڭ شاكىرتتەرى كەلەسى تارتىستا كۋبامەن كۇش سىناسپاق. 38 جاستاعى نيدەرلاندىلىق مامان جاتتىقتىرۋشىلىق قىزمەتىن 2010 جىلى باستادى. ««بارسەلونانى» جاتتىقتىرسام دەيمىن. ازىرگە بۇل ارمان عانا. سول ارماننىڭ جۇزەگە اسقانىن قالايمىن. ءۇمىتىم زور. ەگەر «رەال مادريدتەن» دە ۇسىنىس ءتۇسىپ جاتسا, قارسى بولماس ەدىم», دەيدى داڭقتى فۋتبولشى. پاتريك كليۋيۆەرتتىڭ فۋتبولشى رەتىندەگى جۇلدىزدى شاعى 1998-2004 جىلدارى «بارسەلونا» ساپىندا وتكەنىن ايتا كەتەيىك. ەلامان قوڭىر. دەرەك: eurosport.ru. سۋرەت: armfootball.com