بۇرىنعى كازينو بۇگىندە جاستار ورتالىعى

بۇگىندە وبلىستا 14 پەن 29 جاس ارالىعىندا 700 مىڭنان استام جاستار بار. بۇل – وبلىس حالقىنىڭ ۇشتەن ءبىر بولىگى, ۇلكەن كۇش. تۇرعىندارىنىڭ سانى 1 ميللي­ون­­­عا جەتەقابىل دەلىنەتىن شىم­كەنت قالاسىندا جاستاردىڭ ءبىر مە­زەت شۇيىركەلەسىپ, وزدەرىنىڭ كەلەلى ماسەلەلەرىن شەشىپ الۋعا مۇمكىندىك تۋعىزاتىن ورتالىعى جوق ەكەندىگى كوڭىلگە قاياۋ تۇسىرەتىن. نەگىزى, جوق ەمەس, بار ەدى. بۇرىنعى “ماشينو­ستروي­تەل”, كەيىننەن “الپامىس با­تىر” اتىنداعى الىپ ساراي تو­لىق­تاي جاستار يەلىگىنە بەرىلىپ, وسى جەر ارانىڭ ۇياسىنداي بولعانىن كوزىمىز كورىپ, كوڭىلىمىز سۇيسىنگەن. سان تاراۋ بولمەلەرى دە, ۇلكەن زالى دا ەشقاشان بوسامايتىن. ءتۇرلى كەش­تەر, ديسپۋتتار, ساليقالى باس­قو­سۋلار, قوعامداعى جاڭالىقتارعا جاستاردىڭ قاتىسى, ءۇن قوسۋى وس­ىن­دا جۇزەگە اسىپ جاتاتىن. الايدا, وبلىستىڭ كەيىنگى جىل­دارى ءجيى اۋىسىپ كەتكەن باس­شى­لارىنىڭ بىرىنە شىمكەنتتىڭ ءما­دەني احۋالى, قازاق قازاق بولعالى “سابالاپ” تارتىپ كەلە جاتقان دوم­بىراسىمەن قالىپ كەتكەنى ۇناماعان بولۋى كەرەك. جاستار ماسەلەسىن كەي­­ىننەن شەشەمىز دەپ, ارانىڭ ۇيا­سىنداي گۋىلدەپ جاتاتىن ورتالىعىن جاۋىپ, وپەرا جانە بالەت تەاترىنا اينالدىرىپ جىبەردى. ارينە, مەملەكەتتىڭ قىرۋار قارجىسىنا. وپەرا انشىلەرى مەن بالەت بي­شىلەرى الماتى مەن استانانىڭ ءوزىن­دە جەتپەي جاتقاندا مۇنىڭ قان­شالىقتى دۇرىس شەشىم بولعان­دىعى شىمكەنتتىكتەر ءۇشىن ءسال بەل­گىسىزدەۋ بولىپ قالدى. وپەرا جانە بالەت تەاترى جۇرتتىڭ قالاعانىنشا بارا بەرەتىن “تاماشا”, “شانشار” ءازىل-سىقاق تەاترى ەمەس, روزا رىم­باەۆا باستاعان جۇلدىزداردىڭ ءان شەرۋى ەمەس. كلاسسيكالىق ونەر دەپ اسپەتتەگەنىمەن, كلاسسيكالىق ءانشى, بيشىلەرى جوق تەاتردىڭ ايلاپ جا­بىق تۇراتىن ۋاقىتتارى دا بولدى. ەسەسىنە, جاستار كوشەدە قالعان. بارلىق جاقسىلىق – بالالارعا, ەلدىڭ بولاشاعى – جاستارعا دەپ, قۋ سوزبەن قۋىرداق قۋىرىپ ءجۇرىپ, ولار جايلى ۇلكەندەردىڭ ۇمىتىپ كەتەتىن جايلارى بار ەكەندىگى وسىن­دايدا كورىنىپ قالعان. جاستار وسى ماسەلەنى وبلىس باسشى­سى­نىڭ الدى­نا قويدى. جالعىز رەت ەمەس. اباي ساياباعىنىڭ ىشىندە “فا­ۆوريت” دە­­گەن كازينو بولعان. وبلىس باس­شىلىعى يەسىمەن كەلىس­سوز جۇرگىزىپ ءجۇرىپ, جوبالاۋ قۇنى 55 ملن. تەڭ­گەگە بيزنەستىڭ الەۋمەتتىك جاۋاپ­كەر­شىلىگى اياسىندا جاستارعا لايىق­تاپ قايتا جوندەپ بەردى. مەملەكەتتىك جاستار ساياساتىن قولداۋ ماقساتىندا اشىلعان جاس­تار ورتالىعى ءومىردىڭ اعىسىنا قا­يى­­عىن سالىپ, مارعاۋ كەتە بەر­مەي­دى. ­ماقسات, مۇراتى ۇلكەن. جاس­تار­دىڭ قۇقىعىن قورعايدى, بەلسەن­دى­لىگىن ۇشتايدى. الەۋمەتتىك ماسەلە­لەر­­دە شەشىلمەگەن تۇيىندەردى تار­قا­تۋعا جاردەمدەسەدى. ورتالىق نەگى­زىنەن ءۇش باعىتتا جۇمىس جاساماق, سو­عان وراي بولىمدەر قۇرىلعان. ولار تالداۋ, مونيتورينگ جانە الەۋ­مەتتىك زەرتتەۋ ماسەلەسىمەن اي­نا­لىسادى. ونىڭ ىشىنە, ارينە, تالانتتاردى قولداۋ, جۇمىسپەن قامتۋ سياقتى وزەكتى جايتتەر كىرەدى. بۇگىندە وبلىستا 14 پەن 29 جاس ارالىعىندا 700 مىڭنان استام جاستار بار. بۇل – وبلىس حالقىنىڭ ۇشتەن ءبىر بولىگى, ۇلكەن كۇش. – ءبىز تالانتتى جاستاردىڭ وي-ار­مانىن جۇزەگە اسىرۋعا كومەكتە­سەمىز. مەرەكەلىك شارالارىن ءوت­كىزۋگە لايىقتالعان ارناۋلى ءبول­مەلەرىمىز بار. جاستار – قوعامنىڭ قوزعاۋشى كۇشى. ولاردىڭ العان ءبى­لىمى, تاربيەسى مەملەكەتىمىزدىڭ كە­مەل­دەنۋىنە سەپ­تەسەدى. ءبىز سوعان جاع­داي جاساي­مىز, – دەدى جاستار ورتا­لى­عىنىڭ ديرەك­تورى اسقار ابۋباكىروۆ. جاستار ورتالىعىنىڭ اشىلۋ سال­ت­اناتىندا ءسوز العان وبلىس اكىمى ا.مىر­زاحمەتوۆ جاستاردىڭ بولا­شا­عىمىز ەكەنىن قۇر سوزبەن ايتىپ قوي­ماي, ولارعا ناقتى ىسپەن قام­قورلىق كورسەتۋىمىز كەرەك دەدى. “ديپ­لوممەن – اۋىلعا” باعدارلا­ما­سىنىڭ ورىن­دالۋىنا جۇيەلى ءتۇر­د­ە اتسالىسۋ كە­رەك. ءىستىڭ كوزىن تاۋ­ىپ, بيزنەسپەن اي­نا­لىسۋ ءۇشىن ءدوڭ­گە­لەك ۇستەل, ترە­نينگتەر وتكىزىلسە, وعان ءىرى كاسىپ­كەرلەر شاقىرىلسا, سەڭ قوزعالار ەدى. وبلىسقا وپەرا جانە بالەت تەات­رى كەرەك. بىراق, ول جاستار ساياساتى ەسە­بى­نەن بولماۋى كەرەك ەدى. وسى ولقى­لىق تۇزەتىلدى. ۇلكەن وبلىستىڭ ۇلكەن قالاسىنداعى ۇلكەن ءتۇيىن اراعا ءۇش جىل سالىپ وسىلايشا تارقاتىلدى. باقتيار تايجان, وڭتۇستىك قازاقستان وبلىسى.