شىمكەنتتە 8 وتباسىعا پاتەر كىلتى تاپسىرىلدى

شىمكەنت. 5 ناۋرىز. شىمكەنتتە تابيعي گازدىڭ جارىلىسى سالدارىنان باسپاناسىز قالعان سەگىز وتباسىعا پاتەر كىلتى تاپسىرىلدى. بۇل تۋرالى egemen.kz ءتىلشىسى حابارلادى. بار-جوعى ەكى ايدىڭ ىشىندە زارداپ شەگۋشىلەردىڭ تىلەگى ورىندالىپ, قۋانىشقا كەنەلدى. سالتاناتتى شارا قالا اكىمدىگىندە ءوتتى. بۇل سەگىز وتباسى قاقاعان قىستىڭ ورتاسىندا باسپاناسىز قالعان بولاتىن. سودان بەرى جاتاقحانانى پانالاپ, كۇنەلتتى. بيلىك بەرگەن ۋادەسىندە تۇرىپ, ەكى ايدىڭ ىشىندە قايتادان ءۇيلى ەتتى. بەيسەنبەك جانبوسىنوۆ, قالا اكىمىنىڭ ورىنباسارى: «بيۋدجەتتەن 69 ميلليون تەڭگە ءبولىندى. ول قارجى – قالا اكىمدىگىنىڭ توتەنشە جاعدايدىڭ سالدارىنان جويۋعا باعىتتالعان قاراجات. بۇل اقشاعا ءۇش بولمەلى ەكى پاتەر, ەكى بولمەلى التى پاتەر ساتىپ الىندى». ەسكە سالايىق, 20-جەلتوقسان كۇنى اقنازارحان كوشەسىندەگى № 62 ۇيدە گاز جارىلىپ, وقىس وقيعا ورىن العان بولاتىن. سونىڭ سالدارىنان 8 پاتەرلى ءۇي قيراپ قالدى. ءسويتىپ, تۇرعىندار قاۋىپسىز جەرگە كوشىرىلدى. كۇشتى جارىلىستان ءۇيدىڭ نەگىزگى قابىرعالارى قيراعاندىقتان, ونى قالپىنا كەلتىرۋ وڭاي بولماعان. ونى اپاتتى دەپ تاپقان ماماندار باسپانانىڭ قالدىعىن ءسۇرىپ تە تاستادى. بۇل وقىس وقيعا 67 جاستاعى روزا كارچاگينانى ەسەڭگىرەتىپ تاستادى. بىراق اكىمدىك ماماندارىنىڭ باسپاناسىز قالمايسىز دەگەن ۋادەسى قايتا جىگەرلەندىرىپتى. بۇگىن جاڭا پاتەرىنىڭ كىلتىن العاندا كوزىنە جاس تا ۇيالادى. قۋانىشى قوينىنا سىيماي, پاتەردى ارنايى كەلىپ كوردى. باقتيار تايجان. دەرەك: egemen.kz. سۋرەت: وڭتۇستىك قازاقستان وبلىستىق اكىمدىگىنىڭ ءباسپاسوز قىزمەتى.