قىزىلاعاشتاعى قۇرىلىس ساپاسى

تەكسەرىلىپ, كوركەيتۋ جۇمىستارىنا دا ەرەكشە ءمان بەرىلىپ وتىر قىزىلاعاش اۋىلىن قالپىنا كەلتىرۋ بارىسى بيلىكتىڭ ۇنەمى نازارىندا بولعاندىقتان, وبلىس اكىمىنىڭ ءبىرىنشى ورىنباسارى اماندىق باتالوۆ قۇرىلىس كومپانيالارىمەن تۇرعىن ۇيلەر مەن الەۋمەتتىك نىسانداردى سالۋ بارىسىنا باقىلاۋدى نازاردان تۇسىرگەن ەمەس. مۇندا وتكەن مەرزىمدە 437 تۇرعىن ءۇي پاي­دالانۋعا بەرىلسە, سوڭعى­لارىنىڭ قۇرىلىستارى اياقتالۋعا جاقىن­دادى. سونىمەن قاتار, ينفرا­قۇ­رىلىم جۇيەسى بارلىق نىساندارعا تارتىلىپ, كوشەلەر تولىق اسفالتتالدى. كوكتەمدە وتىرعى­زىلعان جاسىل جەلەك تامىر تارت­قان. تۇرعىنداردىڭ ءجۇرىپ-تۇرۋىنا قولايلى ايالداما سا­لىنىپ, اۋىل­دى كورنە­كى­لىكتەرمەن بەزەندىرۋ ماسەلەلەرىنىڭ تياناعىن كەلتىرۋگە دە دەن قويىلعان. قىزىلاعاشتاعى سۋ تاسقىنى قۇرباندارىنا ارنالعان ەسكەرتكىش الاڭ اباتتاندىرىلۋدا. ساۋلەتشى قابي باۋلىقوۆ ەسكەرتكىشتىڭ دايىن ەكەندىگىن, ەندى بىرەر كۇندە تۇعىرىنا ورناتىلاتىنىن جەت­كىزدى. الىپ ەسكەرتكىش اۋىلدىڭ شىعى­سىنداعى ساياباققا جاقىن ورناتىلاتىن بولدى. ول الداعى ۋاقىتتا ەلدى مەكەن جۇرتشى­لىعىنىڭ باسىنان وتكىزگەن الاپات وقيعانى, بىرلىك پەن ىنتىماق ناتيجەسىندە اۋىلدىڭ جاڭارعانىن ەسكە سالادى. قىزىلاعاشتىقتارمەن اڭگىمە بارىسىندا كەيبىر تۇرعىندار قۇرىلىستىڭ سوڭعى كەزدە سوزىلىپ كەتكەنىنە رەنىشتەرىن جاسىرمادى. ماسەلە نازارعا الىنىپ, قۇرى­لىسشىلارعا ەسكەرتۋ جاسالدى. وسىلايشا “قۇرىلىس ساپاسىن تەكسەرۋ بەسكۇندىگى” جاريالانىپ, قۇرىلىس ۇجىمدارىنىڭ جۇمى­سىنا باقىلاۋ مەن باسشىلىق جاساۋ قاجەتتىگى كۇن تارتىبىنە وتكىر قويىلعانى دا جاقسىلىق دەۋگە بولادى. قازىرگى كەزدە بالاباقشا, مەك­تەپ, مونشا, سپورت كەشەنىنىڭ قۇرىلىستارى قارقىن العان. مونشا قۇرىلىسىن كاسىپكەر, وبلىستىق ءماسليحاتتىڭ دەپۋتاتى ۋسەين كاسانوۆ جۇرگىزىپ, بۇگىندە جۇمىسى اياقتالۋعا جاقىنداعان. ال, مەكتەپ پەن بالاباقشانى سالعان “اۋىلقۇرىلىسى” جاۋاپ­كەرشىلىگى شەكتەۋلى سەرىكتەستىگى ساپاعا ەرەكشە ءمان بەرگەنىن باسشىلار وڭ باعالادى. ءبىلىم شاڭىراعىنىڭ الدىنا اقيىق اقىن ءىلياس جانسۇگىروۆتىڭ ءمۇسىنىن قويۋ جوسپارلانعان. كوشە-كوشەنى ارالاپ, ەلدى مەكەننىڭ اباتتاندىرىلۋىنا كوڭىل بولگەندەر گۇلميرا سۇلتان­عاليەۆا, بولات ورازعاليەۆ, تاعى باسقا تۇرعىنداردىڭ تىلەكتەرىنە جاۋاپ بەرىپ, ەلدى مەكەندەگى قۇرىلىسقا سوڭعى نۇكتە قويىلاتىن كۇن جاقىن ەكەنىن جەتكىزدى. اۋىلداعى مادەنيەت ۇيىنە ورنالاسقان كىتاپحانادا 15 مىڭ كىتاپ قورى بولسا, تاعى دا 2 ملن. تەڭگەگە جاڭا كىتاپتار الىناتىن بولدى. ال, 400 دانا جاڭا باسىلىم بالالارعا ارنالعان ادەبيەتتەر ەكەن. سونداي-اق كور­كەمونەرپازدار ۇيىرمەسىنە قاجەتتى “ياماحا” مۋزىكا جابدىعى, مي­كروفون, داۋىس كۇشەيتكىش, تاعى باسقا دا قۇرال- جابدىقتار جاستاردىڭ بوس ۋاقىتىن ءتيىمدى وتكىزۋىنە نەگىز بولماقشى. قىزىلاعاشتىقتار وزدەرىنە جاسالعان قامقورلىققا ريزا ەكەندىكتەرىن اڭگىمە اراسىندا ءجيى ايتادى. –ەلباسىنا راحمەت. ءۇيىمىز اقتوعان اۋىلىندا ەدى. تاسقىننان كەيىن جۇرتى عانا قالدى. قىسقا مەرزىمدە 80 شارشى مەترلىك جاڭا ۇيگە قونىستاندىق. ەندى قىستان قىسىلمايمىز. ويتكەنى, جىلۋ ەدەننىڭ استىنان جىبەرىلگەن. تابانىمىزعا بىردەن جىلۋ كەلەدى. ءۇيدىڭ ىشىنە سۋ تارتىلدى, كورپە-جاستىق, ىدىس-اياق, گاز پليتاسى, اس ءۇي جيھازى, 4 توسەك, ۇستەل ورىندىق, تەلەديدار بەرىلدى. كۇزدە استىق, مال بەرىلەدى. باسىمدا ءۇيىم, باۋىرىمدا قازانىم, بۇدان ارتىق نە كەرەك, –دەدى ارمان ەسىمدى ازامات شىن كوڭىلدەن. وسىنداي جىلى لەبىزدى ورالمان وتباسى داۋلەتحان مەن ءاليما سماعۇلدار دا ايتادى. اۋىل جاڭاردى, ونىمەن بىرگە حالىقتىڭ كوڭىل-كۇيى دە كوتەرىلدى. كۇمىسجان بايجان. الماتى وبلىسى.