جاڭا اكىمدەر تاعايىندالدى

تاياۋدا شىعىس قازاقستان وبلىسىنىڭ اكىمى بەردىبەك ساپارباەۆتىڭ شەشىمىمەن بىرقاتار اۋداندار مەن قالالاردىڭ اكىمدەرى اۋىستىرىلدى. وبلىس اكىمىنىڭ ورىنباسارى ە.ساليموۆ زىريان قالاسىنىڭ اكىمى قىزمەتىنە تاعايىندالدى. ونەركاسىپ پەن قۇرىلىس سالاسىن جەتىك بىلەتىن ىسكەر, جاس باسشى ونەركاسىبى وركەندەگەن زىرياندا دا جاقسى ىستەرىمەن كوزگە تۇسەدى دەگەن ۇمىتتەمىز. ال كاتونقاراعاي اۋدانىنىڭ ءۇش جىل ءۇش اي جەمىستى باس­قارىپ,وڭىردە كوپ ىستەر تىن­دىر­عان, اۋداندى رەيتينگتىك كور­سەتكىشتە ءبىرىنشى ورىنعا شى­عارعان, وتكەن جىلى “قۇرمەت” وردەنىمەن مارا­پات­تالعان تىن­دىرىمدى دا بىلىكتى جاس باسشى سەرىك زاينۋلدين ءوزى تۋىپ-وسكەن زايسان اۋدانىنىڭ اكىمى قىز­مەتىنە كىرىسىپ كەتتى. ال مۇنىڭ الدىندا ءپرينتسيپتى, باستاعان ءىسىن اياقتامايىنشا تىنىم تاپپايتىن تاعى ءبىر ىسكەر ازامات, وسى اۋداندى ءۇش جىل باسقارعان انۋاربەك مۇحتارحانوۆ حالقى 70 مىڭنان اساتىن اياگوز اۋدانىنىڭ تىزگىنىن ۇستادى. كاتونقاراعاي اۋدانىنىڭ اكىمى بولىپ ارمان بەكبوسىنوۆ, ۇلان اۋدانىنىڭ باسشىسى بولىپ جومارت مۇراتوۆ تاعايىندالدى. وبلىس اكىمىنىڭ ورىنباسارى ورىنتاعىنا ەرمەك كوشەرباەۆ وتىردى. وڭداسىن ەلۋباي, وسكەمەن.