26 اقپاندا ورتالىق سايلاۋ كوميسسياسى بەكىتكەن كۇنتىزبەلىك جوسپارعا ساي 2015 جىلعى 26 ساۋىرگە تاعايىندالعان قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىندا كانديداتتاردى ۇسىنۋ باستالدى.
2 ناۋرىزدا اسقار جوراباي ۇلى سىرعاباەۆ ءوزىن ءوزى ۇسىنۋ تارتىبىمەن ءوز كانديداتۋراسىن ۇسىنۋ تۋرالى قازاقستان رەسپۋبليكاسى ورتالىق سايلاۋ كوميسسياسىنا ءوتىنىش بەردى.
3 ناۋرىزدا, سونداي-اق, ءوزىن ءوزى ۇسىنۋ تارتىبىمەن سافيوللا قالاباي ۇلى الداجانوۆ, ليمانا قويشيەۆا, باقىت تولەگەن ۇلى ابدۋكاريموۆ جانە سۋحراب امينجان ۇلى مىرزاشوۆ ءوز كانديداتۋرالارىن ۇسىندى.
وسىلايشا, قازىرگى ساتتە سايلاۋ ناۋقانى بارىسىندا بەس ۇمىتكەر ۇسىنىلدى. ولاردىڭ بىرەۋى – ايەل. «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭنىڭ 54-بابى 2-تارماعىنا ساي پرەزيدەنتتىككە كانديداتتىڭ كونستيتۋتسيا مەن «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭ قوياتىن تالاپتارعا سايكەستىگىن ورتالىق سايلاۋ كوميسسياسى ءوزىن ءوزى ۇسىنۋ تۋرالى ءوتىنىش بەرىلگەن ساتتەن باستاپ بەس كۇننىڭ ىشىندە انىقتايدى, دەپ حابارلادى قازاقستان رەسپۋبليكاسى ورتالىق سايلاۋ كوميسسياسىنىڭ ءباسپاسوز قىزمەتى.
