قاراعاندى وبلىسى اكىمىنىڭ ورىنباسارى تاعايىندالدى

قاراعاندى. 24 شىلدە. قازاقستان رەسپۋبليكاسى پرەزيدەنتى اكىمشىلىگىنىڭ كەلىسىمى بويىنشا قاراعاندى وبلىسى اكىمىنىڭ وكىمىمەن شاگۋراشيد قالي ۇلى مامالينوۆ وبلىس اكىمىنىڭ ورىنباسارى بولىپ تاعايىندالدى. بۇل تۋرالى وبلىس اكىمىنىڭ ءباسپاسوز قىزمەتى حابارلادى. شاگۋراشيد مامالينوۆ 1958 جىلى تۋعان. ءبىلىمى جوعارى, 1984 جىلى تسەلينوگراد اۋىل شارۋاشىلىعى ينستيتۋتىن جانە 2006 جىلى د. قوناەۆ اتىنداعى ۋنيۆەرسيتەتتى تامامداعان. بىلىكتىلىگى بويىنشا - زووينجەنەر, قۇقىقتانۋ باكالاۆرى. ەڭبەك جولىن 1975 جىلى ماشينيست بولىپ باستاعان. قاراعاندى وبلىسى تەلمان اۋدانىندا (قازىرگى بۇقار جىراۋ اۋدانى) كومسومول جانە پارتيا جۇمىستارىندا بولعان. جيىرما جىلدان استام تەلمان, ميچۋرين (قازىرگى اباي اۋدانى) اۋداندارىندا اۋىل شارۋاشىلىعى سالاسىندا باسشى قىزمەتتەر اتقاردى. بىرنەشە رەت قاراعاندى وبلىستىق ءماسليحاتىنا دەپۋتات بولىپ سايلاندى (1999-2007 جج). 1999 جىلى «قۇرمەت» وردەنىمەن ماراپاتتالعان. 2007 جىلدان مەملەكەتتىك قىزمەتتە. وبلىستىق اۋىل شارۋاشىلىعى باسقارماسىنىڭ ديرەكتورى, كەيىن باستىعى بولعان. 2010-2013 جج. – بۇقار جىراۋ اۋدانىنىڭ اكىمى. 2013 جىلدىڭ ماۋسىمىنان جاڭا تاعايىنداۋعا دەيىن قاراعاندى وبلىستىق تابيعي رەسۋرستار جانە تابيعاتتى پايدالانۋدى رەتتەۋ باسقارماسىنىڭ باسشىسى قىزمەتىن اتقاردى. قايرات ءابىلدينوۆ. دەرەك, سۋرەت: قاراعاندى وبلىسى اكىمىنىڭ ءباسپاسوز قىزمەتى.