كەلەسى كەزدەسكەنشە, دەلفيلىك ويىندار!..

شىلدە ايىنىڭ 12-16 كۇندەرى ارالىعىندا وبلىس ورتالىعىندا رەسپۋبليكالىق ءVى دەلفيلىك جاستار ويىندارى بولىپ ءوتتى. اتالمىش جاستار مەرەكەسى “نۇر وتان” حالىقتىق-دەموكراتيالىق پارتياسىنىڭ, مادەنيەت, ءبىلىم جانە عىلىم مينيسترلىكتەرىنىڭ, ۇلتتىق دەلفيلىك كوميتەتتىڭ قولداۋىمەن ۇيىمداستىرىلدى. سەنبى كۇنى سالتاناتتى تۇردە قورىتىندى شاراسى وتكىزىلگەن بۇل ويىندارعا ەلىمىزدىڭ تۇكپىر-تۇكپىرىنەن 500-گە جۋىق ونەرلى جاس دارىندار كەلىپ قاتىستى. جالپى, دەلفيلىك ويىندار دەگەن نە, كوپشىلىك جاستارعا, بىلايعى قاۋىمعا اتى وزگەشەلەۋ, تۇسىنىكسىزدەۋ ەستىلەتىن وسى ءسوزدىڭ ءبىزدىڭ ەلىمىزگە قاتىسى قانشا­لىقتى؟ سونىمەن, دەلفي دەگەن ءسوز گرەكتىڭ كونە تىلىنەن اۋدارعاندا “سىرى تەرەڭ”, نەمەسە “سىرلى” دەگەن ماعىنانى بىلدىرەدى ەكەن. ءبىزدىڭ قازاق ەلىنە دە كەلىپ جەتكەن ادەت-عۇرپى بولەك وزگە ەلدىڭ تاريحى بۇل ويىندى اپوللون باتىردىڭ اتىمەن باي­لانىستىرادى. مىنە, وسى با­تىرىڭىز پيفون دەگەن ايدا­ھاردىڭ كوزىن جويىپ, جەڭىسكە جەتەدى.الگى باتىر سول جەردە جەڭىس ءانىن شىرقايدى. ءاننىڭ سوڭى ونەردىڭ سان ءتۇرلى اسپاپتارىندا جالعاسىپ شىرقالادى. بيگە ۇلاسادى. اپوللون باتىر جەڭىسكە جەتكەن سىرى تەرەڭ جەردىڭ اتى دەلفي دەپ اتالادى ەكەن. بۇل ب.د.د 582 جىل بولسا كەرەك. كەيىننەن بۇل ويىنعا تىيىم دا سالىنعان كورىنەدى. ەندى, مىنە, سوڭعى جىلدارى بۇل ونەرلىلەر سايىسى قايتا جاڭعىرا باستاعان. ساحنانىڭ دا گرەكيانىڭ ستيلىندە بەزەندىرىلىپ كورىنىس تاۋىپ تۇرعانى دا سوندىقتان. بۇل ويىننىڭ باستالۋ ءراسىمىنىڭ تۋىن بەينەلەۋ ونەرى نوميناتسياسى بويىنشا بىرنەشە رەت جۇلدەگەر اتانعان وبلىس ورتالىعىنداعى №8 مەكتەپ-ليتسەيدىڭ وقۋشىسى ءالىمجان مۇسا كوتەردى. بۇل تۋدىڭ قاتارىنان قالىسپاي “بىرلىگىمىز جاراسقان!” دەپ الاۋلاعان ۇراندار, جالاۋ­شالار جەلبىرەدى.وسى جەردە دەلفيلىك ويىنداردىڭ قازى-تورەشىلەرى ادىلەتتى ويىندار ءۇشىن انت بەرەدى. بيىلعى انت بەرۋ ءراسىمىن سكريپكا نوميناتسياسى بويىنشا بىرنەشە رەت جۇلدەگەر اتانعان استانا قالاسىنداعى №24 مەكتەپتىڭ وقۋشىسى نازگۇل جانازاروۆا ايتتى. جاستار ونەرىن باعالايتىن قازىلار القاسىنىڭ قاتارىندا د.ءالى (فورتەپيانو), ا.بايساقالوۆ (سكريپكا), م.ءاي­نەكوۆ (بەينەلەۋ ونەرى), س.قۇسا­يىنوۆا (قوبىز), گ.جولىمبەتوۆا (ەسترادالىق ءان سالۋ), و.دۇيسەن (دومبىرا), ت.نۇركەنوۆ ء(داستۇرلى ءان سالۋ) سياقتى تاعى دا باسقا ونەر سالالارىنىڭ وكىلدەرى بولدى. وبلىس ورتالىعىندا ەلىمىزدىڭ ءار جەرىنەن كەلگەن تالانتتى دارىندى ۇل-قىزدار ءبىر جەتى بويى ءوز ونەر­لەرىمەن جۇرتشىلىقتى, قۇربى-قۇرداستارىن ءتانتى ەتتى. تالانت­تارىن ۇشتاعان كىشكەنتاي ونەرپازدار ءوسىپ كەلە جاتقانىنىڭ كۋاسى بولدىق. ويىننان گورى ءوز تىلىمىزشە, ءوز ۇعىمىمىزشا ايتقاندا, كادىمگى ونەر, دوستىق مەرەكەسى سالتانات قۇردى. دەگەنمەن, مىڭنان تۇلپار دەگەندەي, ونەرلىلەر بايقاۋدا, سايىستا انىقتالادى. سىرلى اۋەنمەن, سىرلى ۇنمەن وسى ويىندارعا ىلەسە بىلگەن ونەرپازدار بايقاۋدىڭ سوڭىنا دەيىن قالىپ, ونەر مارەسىنە جەتتى. ءسويتىپ, جۇما 16 شىلدە كۇنى وبلىس ورتالى­عىن­داعى ەستاي اتىنداعى مادەنيەت سارايىندا دەلفيلىك ويىندار­دىڭ قورىتىندىسى شىعارىلدى. جەڭىمپازدار انىقتالدى. ەلىمىز­دەگى دەلفيلىك ويىندار كومي­تەتىنىڭ توراعاسى ۇلار مۇقاجا­نوۆتىڭ ايتۋىنشا, بيىل دا بۇل ويىندار ءوز دارەجەسىندە ءوتتى. قاتىسۋشىلار سانى كوپ بولدى. جاياۋ مۇسا, ەستاي, مايرا سياقتى انشىلەر دۇنيەگە كەلگەن وڭىردە ونەرلى ۇل-قىزدار جەتەدى. سوندىق­تان دا تالانتتى جاستاردىڭ كوپشىلىگى ءوڭىردىڭ اتىن شىعارۋعا اتسالىستى. مىسالى, باياندا قۇيقىل­جىتىپ ءان ورىنداعان ءمادي بوتاگوز اتىنا زاتى ساي بولىپ ءبىرىنشى ورىن يەلەنسە, الما م­ە­يىرحانوۆا قوبىزدا ويناپ, ءالىمجان مۇسا بەينەلەۋ ونەرى بويىنشا جەڭىمپازدار اتاندى. سونىمەن قاتار, ۇلتتىق ونەر كورمەسى دە ۇيىمداستىرىلدى. مۇندا كوبىنەسە وڭتۇستىك قازاق­ستان وبلىسىنان كەلگەن جاس­تاردىڭ ۇلتتىق قولونەر ەڭبەكتەرى قويىلدى. ەلىمىزدىڭ ءبىلىم جانە عىلىم مينيسترلىگى جاستار ساياساتى جانە تاربيە جۇمىسى دەپارتامەنتىنىڭ ديرەكتورى قوجاحمەت ءماديردىڭ ايتۋىنشا, ونەر بايقاۋىنا قا­تىسقان جەڭىمپاز ونەرپازدار ونەردىڭ ءار سالاسى بويىنشا ەندى الەمدىك دەڭگەيدە ەل نامىسىن قورعايدى ەكەن. ياني, ءبىرىنشى ورىندى يەلەنگەن ونەرپازدار حالىقارالىق دەلفيلىك ويىن­دارعا قاتىسادى. وبلىس ورتالىعىندا وتكەن وسىنداي قىزىقتى ونەر مەرە­كەسىنىڭ سوڭى قورىتىندى گالا-كونتسەرتكە ۇلاستى. ونەر بايگە­سىن­دە تالانتىن كوپكە تانىتا بىلگەن جاس ءانشى-بيشىلەر بيىكتەن كورىندى. فاريدا بىقاي, پاۆلودار. سۋرەتتەردى تۇسىرگەن ۆ.بۋگاەۆ.