جاڭا...

...وداق قۇرىلدى وبلىس اكىمى سەرگەي ديا­چەن­كو “اقمولا وبلىسىنىڭ قۇ­رىلىس سالاسى كاسىپورىندارى وداعى” بىرلەستىگىنىڭ قۇرىلتاي جينالىسىنا قاتىسىپ, قۇرى­لىس­شىلار الدىندا تۇرعان ءمىن­دەتتەردى ناقتىلادى. ەلباسى جول­داۋىنا سايكەس, ء“ار ءوڭىر­دە­گى ءاربىر يندۋستريالىق جوبا بيلىكتىڭ عانا ەمەس, جۇرتشى­لىق­تىڭ دا باقىلاۋىندا بولا­دى. بۇل ورايدا, بۇگىن قۇرىلىپ وتىرعان جاڭا وداق ىقپالدى ءىس-ارەكەتىمەن تانىلۋى ءتيىس”, دەپ اتاپ كورسەتتى ول. وبلىس قۇرىلىسشىلارى, سالا جۇگىن موينىنا العان جەكە كاسىپكەرلەر مەن زاڭدى تۇلعا­لار, كورشى پەتروپاۆل قالا­سى­نىڭ وكىلدەرى قاتىسقان جيىندا “زەلەنستروي” جشس ديرەكتو­رى, وبلىستىق ءماسليحات دەپۋ­تا­تى گ.وسينەنكو, وبلىستىق قۇ­رىلىس باسقارماسىنىڭ باستىعى م.كوساچەۆ, وبلىستىق كاسىپ­كەر­لىك جانە ونەركاسىپتى دا­مى­تۋ باسقارماسىنىڭ باستىعى م.قويشىباەۆ جانە باسقالار ءسوز سويلەدى. وداقتىڭ باسقارما توراعاسى بولىپ ت.شاپاعاتوۆ سايلاندى. باقبەرگەن امالبەك,  اقمولا وبلىسى. ...اۋرۋحانا پايدالانۋعا بەرىلدى ەلباسىنىڭ “100 مەكتەپ, 100 اۋرۋحانا” باعدارلاماسى ايا­سىن­دا ىلە اۋدانىنىڭ قۇيعان اۋىلىندا جاڭا اۋرۋحانا ءۇيى پاي­دالانۋعا بەرىلدى. وعان 74 ملن.تەڭگە قارجى جۇمسالىپ, قۇ­رىلىستى “تۇمار” جاۋاپ­كەر­شىلىگى شەكتەۋلى سەرىكتەستىگىنىڭ قۇ­رىلىسشىلارى ساپالى سا­لىپ, مەرزىمىندە ەل يگىلىگىنە ۇسىندى. اۋرۋحانانىڭ اشىلۋىن حا­لىق قۋانىشپەن قابىلداپ, اۋدان اكىمى باستاعان كوپشىلىك ونىڭ ىشكى جاعدايىمەن تانى­سىپ, اق حالاتتى ابزال جان­دار­دىڭ جاڭا مەديتسينالىق قۇرال-جابدىقتاردى مەڭگەرگەندىگىن ءوز كوزدەرىمەن كوردى. جيىنعا قاتىسقاندار مەم­لە­كەت باسشىسىنا العىستارىن جەتكىزىپ, دەنساۋلىق ساقتاۋ سا­لاسىنا جاسالعان قامقورلىققا ريزاشىلىقتارىن ءبىلدىردى. ەندى باسى اۋىرىپ, بالتىرى سىزدا­عان­دار ات سابىلتپاي, ءوز اۋى­لىن­دا ەمدەلۋىنە مۇمكىندىك تۋدى. كۇمىسجان بايجان, الماتى وبلىسى. ...ەسكەرتكىش اشىلدى “ۇلتىمنىڭ نامىسى – مە­نىڭ نامىسىم”. سيدنەي وليم­پيا­داسىنىڭ قاھارمانى بەكزات ساتتارحانوۆ وسىلاي دەپ ەدى. ارداكۇرەڭىنىڭ ۇزەڭگىسىنە اياق سالعان كۇيى قايتپاس ساپارعا ات­تا­نىپ كەتكەن ۇلاننىڭ وتانى, ءوز ۇلتى دەگەندە شىعاردا جانى باسقا بولاتىن. “قازاق – رۋحى بيىك حالىق. ءوز جۇرتىما وليم­پيا ويىندارىنىڭ ءۇش التىنىن سىيلايمىن”, دەگەنى دە قۇلاق تۇبىندە جاڭعىرادى دا تۇرادى. ەلىم دەگەن ەردى ۇمىتۋ مۇمكىن ەمەس قوي. تۇركىستان قالاسىنىڭ اكىمى قايرات مولداسەيىتوۆ جارادى. ول ءوز ەلىن الەمگە ءماش­ھۇر ەتكەن بەكزات ساتتار­حا­نوۆقا ەسكەرتكىش ورناتۋعا مۇ­رىندىق بولدى. ەندى كيەلى ءتۇر­كىستان شاھارىنا كىرە بەرىستەگى  بەكزات ەسكەرتكىشى ءبىر­دەن كوزگە تۇسەدى. باقتيار تايجان, وڭتۇستىك قازاقستان وبلىسى.