ارنايى ۋاكىلدىڭ ليتۆاعا ساپارى

3-4 ناۋرىزدا قازاقستان رەس­پۋب­ليكاسى پرەزيدەنتىنىڭ ارنايى ۋاكىلى, پارلامەنت سەنا­تى حالىقارالىق قاتىناستار, قور­عانىس جانە قاۋىپسىزدىك كوميتەتىنىڭ توراعاسى يكرام ادىربەكوۆ ليت­ۆادا بولدى جانە 2017-2018 جىلداردا بۇۇ قاۋىپسىزدىك كەڭەسىنىڭ تۇراقتى ەمەس مۇشەسى لاۋازىمىنا قازاقستاندى ىلگەرىلەتۋ جونىندەگى ءبىزدىڭ ەلىمىزدىڭ ءوتىنىشى اياسىندا ليتۆانىڭ سىرتقى ىستەر ءمينيسترى ليناس لينكياۆيچيۋسپەن, سەيم توراعاسىنىڭ ءبىرىنشى ورىنباسارى ۆيداس گەدۆيلاسپەن, ۇكىمەت كانتسلەرى الميناس ماچيۋليسپەن جانە كولىك جانە كوممۋنيكاتسيا­لار ءمينيسترى ريمانتاس سين­كياۆيچيۋسپەن كەزدەستى. سىرتقى ساياسات ۆەدومستۆوسى باسشىسىمەن كەزدەسۋ بارىسىن­دا ي.ادىربەكوۆ قازاقستان پرە­زيدەنتى ن.ءا.نازارباەۆتىڭ 2017-2018 جىلداردا بۇۇ قاۋىپسىزدىك كەڭەسىنىڭ تۇراقتى ەمەس مۇشەسى بولۋ جونىندەگى قازاقستاننىڭ ءوتىنىشىن قولداۋ بويىنشا ليتۆا رەسپۋبليكاسىنىڭ پرەزيدەنتى د.گريباۋسكايتەگە ارنالعان جولداۋىن تابىس ەتتى. جۇزدەسۋدە ساياسي جانە ەكونو­مي­كالىق سالالارداعى ەكىجاقتى قاتىناستار دامۋىنىڭ كەلەشەگى دە تالقىلاندى. ساۋدا جانە ينۆەس­تي­تسيالىق ىنتىماقتاستىقتى تەرەڭ­دەتۋ بارىسىندا ەكى ەلدىڭ الەۋەتىن ەسكەرۋ قاجەتتىگى اتاپ ءوتىلدى. ي.ادىربەكوۆ ۆيداس گەد­ۆي­لاسپەن كەزدەسۋىندە ەكى ەل ارا­سىنداعى ءوزارا قاتىناستاردى, ونىڭ ىشىندە پارلامەنتارالىق بايلانىستاردى ۇلعايتۋ ماسەلەلەرى تۋرالى پىكىر الماستى, دەپ حابارلادى پارلامەنت سەناتىنىڭ ءباسپاسوز قىزمەتى.