ەكونوميكالىق ينتەگراتسيانى دامىتۋعا ارنالدى

پرەمەر-ءمينيستردىڭ ءبىرىنشى ورىنباسارى باقىتجان ساعىنتاەۆ ماسكەۋدە وتكەن ەۋرازيالىق ەكونوميكالىق كوميسسيا (ەەك) كەڭەسىنىڭ وتىرىسىنا قاتىستى, دەپ حابارلادى پرەمەر-ءمينيستردىڭ ءباسپاسوز قىزمەتى. ەەك كەڭەسى اياسىندا ەۋ­ر­ازيالىق ەكونوميكالىق وداققا (ەاەو) قاتىسۋشى-مەملەكەتتەردىڭ ەكونوميكالىق ينتەگراتسياسىن دامىتۋعا باعىتتالعان بىرقاتار  اۋقىمدى ماسەلەلەر تالقىلاندى. وتىرىس بارىسىندا ەاەو جانە يران يسلام رەسپۋبليكاسى اراسىندا ەركىن ساۋدا ايماعىن قۇرۋ تۋرالى كەلىسىم جاساۋدىڭ قانشالىقتى پايدالى ەكەندىگى تۋرالى ماسەلەنى جان-جاقتى زەرتتەۋ جونىندە زەرتتەۋ توبىن قۇرۋ تۋرالى شەشىم قابىلداندى. يزرايلمەن ەركىن ساۋدا ايماعىن قۇرۋ تۋرالى كەلىسسوزدەردى باستاۋ مۇمكىندىگى تۋرالى ماسەلە دە تالقىلاندى. سونىمەن بىرگە, ەۋرازيالىق ەكو­نوميكالىق كوميسسياعا كو­رەي رەسپۋبليكاسىمەن ساۋدا-ەكونوميكالىق ىنتىماق­تاستىقتى دامىتۋدىڭ بولاشاعىن زەرتتەۋ ماقساتىندا عىلىمي-زەرتتەۋ جۇمىسىن جۇرگىزۋ تاپسىرىلدى. ءارتۇرلى ەلدەرمەن ىنتىماق­تاستىق بايلانىستى كەڭەيتۋ ەاەو مەملەكەتتەرىنىڭ سىرتقى ساۋدا قۇرىلىمىن ارتاراپتاندىرۋعا جانە ونىڭ كولەمىن كەڭەيتۋگە ءۇمىت ارتۋعا مۇمكىندىك بەرەدى. سونىمەن بىرگە, وتىرىس بارىسىندا وداققا مۇشە مەملەكەتتەر جانە ەەك اراسىندا ءۇشىنشى تاراپپەن حالىقارالىق ساۋدا بويىنشا كەلىسپەۋشىلىك ماسەلەلەرى تۋعان كەزدە ءوزارا ىنتىماقتاستىق بايلانىس جاساۋ ماسەلەلەرى قارالدى. مۇنداي ءوزارا ىنتىماقتاستىق بايلانىس ساۋدا ماسەلەسى بويىنشا داۋ-داماي بولعان كەزدە ەاەو مەملەكەتتەرىنىڭ مۇددەسىن قورعاۋدىڭ تيىمدىلىگىن ارتتىرادى. ءونىمنىڭ قاۋىپسىزدىگى ءجونىن­دەگى مىندەتتى تالاپتاردى بەلگى­لەۋگە قاتىستى بىرىڭعاي كوزقاراس قالىپتاستىرۋ ءۇشىن ەاەو تەح­ني­كالىق رەگلامەنتىنىڭ قۇرىلىمدىق ءتۇرى جانە مازمۇنى بويىنشا ۇسىنىستار ماقۇلداندى. سونىمەن بىرگە, ۇلتتىق ءون­دىرۋشىلەر مەن تۇتىنۋشىلاردىڭ مۇددەسىن قامتاماسىز ەتۋگە بايلانىستى جەكەلەگەن كەدەندىك-تاريفتىك رەتتەۋ ماسەلەلەرى قارالدى. جالپى العاندا, ەەك كەڭەسىنىڭ ماجىلىسىنە قاتىسۋشىلار ماسكەۋدە وتكەن كەزدەسۋلەر بارىسىندا ەۋرازيالىق ەكونوميكالىق ينتەگراتسيانى دامىتۋدىڭ وزەكتى ماسەلەلەرى بويىنشا ءوزارا ءتيىمدى شەشىمدەر تاپتى.   «ەگەمەن-اقپارات».