سالتاناتتى جاعدايدا اتاپ ءوتتى

كوكشەتاۋداعى دوستىق ءۇيى الەمدە بالاماسى جوق قوعامدىق كەلىسىم ۇيىمىنىڭ بەلسەندىلەرى مەن قالا جۇرتشىلىعىن قۇشاق جايا قارسى الدى. وبلىس اكىمى, اقمولا وبلىستىق قازاقستان حال­قى اسسامبلەياسىنىڭ ءتورا­عاسى سەرگەي كۋلاگيننىڭ اتى­نان ونىڭ ورىنباسارى مارزيات توحاەۆا جۇرتشى­لىقتى ايتۋلى مەرەكە – قحا قۇرى­لۋىنىڭ 20 جىلدىعىمەن قۇتتىقتادى. ەلباسى نۇرسۇلتان نازارباەۆ­تىڭ باستاماسىمەن قۇرىلعان اسسامبلەيا كوپۇلتتى حالقىمىزدى ۇيىستىرۋشى, كونستيتۋتسيالىق بەدەلدى ورگان رەتىندە قالىپتاستى, دەدى مارزيات يۋسۋپوۆنا. ونىڭ قىزمەتى حالىقارالىق قوعامداستىق تاراپىنان جوعارى باعاسىن الدى. قازاقستان حالقى اسسامبلەياسىنان سايلانعان توعىز دەپۋتات پارلامەنت مىنبەرىنەن ەل دامۋىنىڭ وزەكتى ماسەلەلەرىن كوتەرۋدە. وبلىستا 43 ەتنومادەني بىرلەس­تىك بەلسەندى جۇمىس ىستەۋدە, دەدى ودان ءارى بايانداماشى. قوعامدىق ۇيىمدار وتكىزىپ جاتقان تانىمدىق شارالار كوپۇلتتى حالقىمىزدىڭ قۇندى داستۇرلەرى مەن مادەني جاۋھارلارىن اشىپ كورسەتىپ, ءار جۇرەككە دوستىق پەن بىرلىك مارجاندارىن شاشۋدا. وبلىس اسسامبلەيا جىلىنىڭ العاشقى اكتسياسى – «قازاقستان حالقى اسسامبلەياسى – 20 ىزگى ءىس» قوزعالىسىنىڭ سيمۆولى – «تايقازاندى» ءبىرىنشى بولىپ قابىلداپ الدى. رەسپۋبليكالىق ەستا­فەتا شەڭبەرىندە وبلىس «مەيى­رىم» قايىرىمدىلىق اكتسياسىن وتكىزىپ, 752 وتباسىنا 17 ميلليون تەڭگە كولەمىندە كومەك كورسەتىلدى. سونداي-اق, «اسسامبلەيا – بىرلىك جولىندا», «بەيبىتشىلىك پەن ءتۇسى­نىستىكتىڭ جول كارتاسى» مەگاجوبا­لارى جۇرتشىلىق ىقىلاسىن اۋ­داردى. قازاقستان حالقى اس­سام­­بلەياسى كەڭە­سىنىڭ كەزەكتەن تىس پرە­زي­دەنتتىك ساي­لاۋ وتكىزۋ ءجونىن­­دەگى ۇسى­نىسىن اقمو­لالىقتار قىزۋ قول­داپ, تاعدىرشەشتى ساياسي وقيعاعا بەل­سەن­دىلىكپەن قاتىساتىن بولادى. سالتاناتقا قاتىسۋشىلاردى ايتۋلى مەرەكەمەن قۇتتىقتاعان قازاقستان حالقى اسسامبلەياسىنىڭ مۇشەسى, وبلىستىق «قازاق ءتىلى مەن مادەنيەتى» قو­عامدىق ۇيىمىنىڭ توراعاسى مەي­رامبەك قيىقوۆ, كوكشەتاۋ قالاسىنىڭ قۇرمەتتى ازاماتى, جازۋشى سىرىم راحيموۆ, قازاقستان تاتارلارى اسسوتسياتسياسى ارداگەرلەر كەڭەسىنىڭ توراعاسى فارۋك بوگاپوۆ, قالاداعى نازارباەۆ زياتكەرلىك مەكتەبىندە ءدارىس بەرىپ جۇرگەن امەريكالىق ۇستاز پاتريسيا كۋلينەين ەلىمىزدىڭ ساياسي ومىرىندە سالماقتى ورىن الاتىن اسسامبلەيانىڭ ءمان-ماڭىزى تۋرالى كەلەلى اڭگىمە قوزعادى. شارا بارىسىندا اسسامبلەيا قۇر­داستارى – كوكشەتاۋ تەحني­كالىق ينس­تيتۋتىنىڭ كۋرسانتى اكە­تاي جان­بولات, ج.مۋسين اتىن­داعى قازاق پەداگو­گيكالىق كول­لەدجىنىڭ وقۋشىسى ايجان قۇس­مان, ش.ءۋاليحانوۆ اتىن­داعى كوك­شەتاۋ مەملەكەتتىك ۋنيۆەر­سيتەتى­نىڭ ستۋدەنتى اقنۇر ءدىلمۇ­قاش, ا.مىر­زاح­مەتوۆ اتىنداعى ۋنيۆەر­سيتەتتىڭ ستۋ­دەنتى ەربولات بالتينگە قۇرمەت كور­سەتىلىپ, مۇسىلمان ايەلدەرى لي­گاسىنداعى اجەلەرى باتاسىن بەردى. باقبەرگەن امالبەك, «ەگەمەن قازاقستان». اقمولا وبلىسى.