29 جاستاعى قۇرالاي 8 بالانىڭ اناسى

ۇشەمنىڭ سالماقتارى دا شامالاس, 2,5 كيلودان. ولاردىڭ اناسى, قازىعۇرت اۋدانىنىڭ تۋماسى قۇرالاي تاعاەۆا بۇعان دەيىن بەس پەرزەنتتىڭ اناسى ەدى. ءبىر قىزىعى, ۇشەمنىڭ الدىندا ەگىز قىزداردى دۇنيەگە اكەلگەن ەكەن. ءالى وتىزعا دا جەتپەگەن قاي­راتتى كەلىنشەكتىڭ ۇيىندە ۇيەل­مەلى-سۇيەلمەلى جەتى قىز, ءبىر التىن ايدارلى ۇل ءوسىپ جاتىر. دۇنيەگە ءوز دەنەڭنەن كەسىپ بەر­گەندەي پەرزەنت اكەلۋ وڭاي ەمەس. ال, ۇشەمنىڭ ءجونى ءبىر باسقا. قۇرالاي ءوزىنىڭ امان-ەسەن بوسانۋىنا جاعداي جاساعان شىم­­كەنت قالاسىنداعى №1 پەري­نا­تالدىق ورتالىقتىڭ باس دارىگەرى ءمادينا كوكەنوۆا مەن نارەستەلەر ءبولى­مىنىڭ مەڭ­گەرۋشىسى سال­تانات اق­­قوشقاروۆاعا جانە مەيىر­بي­كە­لەرگە العىسىن ايتادى. وڭتۇستىكتى جۇرت بەكەردەن-بەكەر التىن قۇرساق دەپ اتامايدى. ماسەلەن, سولتۇستىك وبلىستارداعى انالاردىڭ ءبىر جىلدا تۋاتىن سابيلەرىن قۇدايعا شۇكىر, وڭتۇستىك انالارى ءبىر ايدا جارىق دۇنيەگە اكەلەدى. قازاقستان – كەڭ-بايتاق. اللا­نىڭ بەرگەن باعىن قولدا بەكەم ۇستاۋ ءۇشىن, تاۋەلسىزدىگىمىزدىڭ تۇ­عى­رى بيىك, ەگەمەندىگىمىز باياندى بو­لۋى ءۇشىن قازاق كوبەيۋى كەرەك. ءوز جەرىنە وزگەلەر كوز الارتپاس ءۇشىن مىقتى بولماسقا بولمايدى. كەڭ قۇرساق وڭتۇستىك دەمو­گرافياعا وسىلايشا ۇلەس قوسىپ جاتىر. باقتيار تايجان, «ەگەمەن قازاقستان». وڭتۇستىك قازاقستان وبلىسى. سۋرەتتى تۇسىرگەن قايسار شەرىم.