2015 جىلعى 24 اقپان, استانا قالاسى
اۋە كەمەلەرىن پايدالانۋشىلاردى اەروناۆيگاتسيالىق اقپاراتپەن
قامتاماسىز ەتۋ قاعيدالارىن بەكىتۋ تۋرالى
«قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى» قازاقستان رەسپۋبليكاسى 2010 جىلعى 15 شىلدەدەگى زاڭىنىڭ 14-بابى 1-تارماعى 41-18) تارماقشاسىنا سايكەس بۇيىرامىن:
1. قوسا بەرىلىپ وتىرعان اۋە كەمەلەرىن پايدالانۋشىلاردى اەروناۆيگاتسيالىق اقپاراتپەن قامتاماسىز ەتۋ قاعيدالارى بەكىتىلسىن.
2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ازاماتتىق اۆياتسيا كوميتەتى (ب.ك. سەيداحمەتوۆ):
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە زاڭنامادا بەلگىلەنگەن تارتىپپەن مەملەكەتتىك تىركەلۋىن;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇننىڭ ىشىندە مەرزىمدى باسپا باسىلىمدارىندا جانە «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى «ادىلەت» رەسپۋبليكالىق مەملەكەتتىك كاسىپورنىنىڭ اقپاراتتىق-قۇقىقتىق جۇيەسىندە رەسمي جاريالاۋعا كوشىرمەلەرىن جىبەرۋدى;
3) وسى بۇيرىقتىڭ قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرىلۋىن;
4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە وسى بۇيرىقتىڭ 2-تارماعىنىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە ۇسىنۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋدى وزىمە قالدىرامىن.
4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ
مىندەتىن اتقارۋشى ج. قاسىمبەك.
قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ
مىندەتىن اتقارۋشىنىڭ 2015 جىلعى 24 اقپانداعى №169
بۇيرىعىمەن بەكىتىلگەن
اۋە كەمەلەرىن پايدالانۋشىلاردى اەروناۆيگاتسيالىق اقپاراتپەن قامتاماسىز ەتۋ قاعيدالارى
1. جالپى ەرەجەلەر
1. وسى اۋە كەمەلەرىن پايدالانۋشىلاردى اەروناۆيگاتسيالىق اقپاراتپەن قامتاماسىز ەتۋ قاعيدالارى (بۇدان ءارى - قاعيدالار) قازاقستان رەسپۋبليكاسىنىڭ اۋە قوزعالىسىنا قىزمەت كورسەتۋ ورگاندارىنىڭ جاۋاپكەرشىلىك ايماعىندا ۇسىنىلاتىن اەروناۆيگاتسيالىق اقپاراتپەن قامتاماسىز ەتۋ ءتارتىبىن بەلگىلەيدى.
2. وسى قاعيدالاردىڭ تالاپتاردى اۋە كەمەلەرىن پايدالانۋشىلاردى اەروناۆيگاتسيالىق اقپاراتپەن قامتاماسىز ەتۋدى ۇيىمداستىرۋعا جانە قامتاماسىز ەتۋگە قاتىساتىن ازاماتتىق اۆياتسيا كاسىپورىندارىنىڭ, مەكەمەلەرى مەن ۇيىمدارىنىڭ بارلىق لاۋازىمدى تۇلعالارى جانە اۆياتسيالىق پەرسونالى ورىندايدى.
3. وسى قاعيدالاردا قولدانىلاتىن نەگىزگى انىقتامالار مەن تەرميندەر:
1) ابسوليۋتتىك بيىكتىك – تەڭىزدىڭ ورتا دەڭگەيىنەن نۇكتەنىڭ نەمەسە نۇكتە دەپ ەسەپتەلگەن وبەكتىنىڭ دەڭگەيىنە دەيىنگى تىك قاشىقتىق;
2) ادامي فاكتوردىڭ اسپەكتىلەرى - جوسپارلاۋ, سەرتيفيكاتتاۋ, كادرلاردى دايارلاۋ, تەحنيكالىق قىزمەت كورسەتۋ جانە اۆياتسياداعى پايدالانۋ قىزمەتتەرى پروتسەستەرىنە قولدانىلاتىن جانە ادامنىڭ مۇمكىندىكتەرىن ءتيىستى تۇردە ەسەپتەۋ ارقىلى ادام مەن جۇيەنىڭ باسقا كومپونەنتتەرى اراسىنداعى قاۋىپسىز قارىم-قاتىناستى قامتاماسىز ەتۋگە باعىتتالعان قاعيداتتار;
3) اەروناۆيگاتسيالىق اقپارات – اۋە كەمەلرىنىڭ ۇشۋىن قامتاماسىز ەتۋ اۋە قوزعالىسىنا قىزمەت كورسەتۋ جانە اۋە قوزعالىسىن باسقارۋ ماقساتتارى ءۇشىن دەرەكتەردى جيناۋ, تالداۋ جانە وڭدەۋ ناتيجەسىندە الىنعان اقپارات;
4) اەروناۆيگاتسيالىق اقپاراتتى باسقارۋ قىزمەتى - ناقتى بەلگىلەنگەن ارەكەت ەتۋ ايماعىندا قۇرىلعان قىزمەت, ول اۋە ناۆيگاتسياسىنىڭ قاۋىپسىزدىگىن, تۇراقتىلىعى مەن تيىمدىلىگىن قامتاماسىز ەتۋ ءۇشىن قاجەتتى اەروناۆيگاتسيالىق اقپاراتتاردىڭ دەرەكتەردىڭ ۇسىنىلۋىنا جاۋاپتى;
5) اەروناۆيگاتسيالىق دەرەكتەر - اەروناۆيگاتسيالىق ناقتى دەرەكتەردى, تۇجىرىمدامالاردى نەمەسە نۇسقاۋلىقتاردى بايلانىس, ءتۇسىندىرۋ نەمەسە وڭدەۋ ءۇشىن ىڭعايلى ءفورمالدى تارتىپپەن بايانداۋ;
6) اەروناۆيگاتسيالىق كارتا - اەروناۆيگاتسيا ءۇشىن ارنايى تاعايىندالعان جەر بەتىنىڭ ۋچاسكەسى, ونىڭ بەدەرى جانە جاساندى قۇرىلىستارى بەينەلەنگەن شارتتى بەينە;
7) اەروناۆيگاتسيالىق اقپاراتتار جيناعى - اەروناۆيگاتسيا ءۇشىن ەلەۋلى ماڭىزى بار ۇزاق مەرزىمدى اەروناۆيگاتسيالىق اقپاراتتى قامتيتىن مەملەكەت شىعارعان نەمەسە بەكىتكەن جاريالانىم;
8) اەروناۆيگاتسيالىق اقپارات جيناعىنا قوسىمشا - اەروناۆيگاتسيالىق اقپاراتتار جيناعىنداعى اقپاراتقا ەنگىزىلەتىن جانە جەكە پاراقتاردا جاريالاناتىن ۋاقىتشا وزگەرىستەر;
9) اەروناۆيگاتسيالىق اقپاراتتار جيناعىندا جاسالاتىن تۇزەتۋلەر - اەروناۆيگاتسيالىق اقپاراتتار جيناعىنداعى اقپاراتقا ەنگىزىلەتىن تۇراقتى وزگەرىستەر;
10) اەروناۆيگاتسيالىق اقپاراتتىڭ تسيركۋليارى - Nوتام شىعارۋدى نەمەسە ونى اەروناۆيگاتسيالىق اقپارات جيناعىنا ەنگىزۋدى قاجەت ەتپەيتىن, بىراق ۇشۋلاردىڭ قاۋىپسىزدىگى ماسەلەلەرىنە نەمەسە اەروناۆيگاتسيالىق, تەحنيكالىق, اكىمشىلىك جانە زاڭدىق ماسەلەلەرگە قاتىستى اقپاراتتى قامتيتىن حابارلاما;
11) اجىراتۋ قابىلەتى (اجىراتىمدىلىق) - قولدانىلاتىن ولشەنگەن نەمەسە ەسەپتەلگەن ءماننىڭ ءتارتىبىن انىقتايتىن بىرلىكتەردىڭ نەمەسە تسيفرلاردىڭ سانى;
12) ازاماتتىق اۆياتسيا سالاسىنداعى ۋاكىلەتتى ورگان - قازاقستان رەسپۋبليكاسىنىڭ اۋە كەڭىستىگىن پايدالانۋ جانە ازاماتتىق جانە ەكسپەريمەنتتىك اۆياتسيا قىزمەتى سالاسىندا باسشىلىقتى جۇزەگە اسىراتىن ورتالىق اتقارۋشى ورگان;
13) ايماقتىق ناۆيگاتسيا - اۋە كەمەلەرىنە كەز كەلگەن تراەكتوريا بويىنشا راديوماياكتىك ناۆيگاتسيالىق قۇرالداردىڭ ارەكەت ايماقتارى شەگىندە جانە اۆتونومدى قۇرالداردىڭ نەمەسە ولاردىڭ قۇرامداستارىنىڭ مۇمكىندىكتەرىمەن انىقتالاتىن شەكتەرىندە ۇشۋ جاساۋعا مۇمكىنشىلىك بەرەتىن ناۆيگاتسيا ءادىسى;
14) ايماقتاعى ۇشۋدىڭ ەڭ تومەنگى ابسوليۋتتىك بيىكتىگى - اسپاپتىق مەتەورولوگيالىق جاعدايلاردا پايدالانىلۋعا ءتيىستى جانە ادەتتە پارالەلدەرمەن جانە مەريدياندارمەن ايقىندالاتىن بەلگىلەنگەن ايماق شەگىندەگى كەدەرگىلەردىڭ ۇستىنەن ەڭ تومەنگى بيىكتىك قورىن قامتاماسىز ەتەتىن ەڭ تومەنگى ابسوليۋتتىك بيىكتىك;
15) اقپارات ءونىمى - دەرەكتەر شوعىرى نەمەسە اقپارات ءونىمىنىڭ ەرەكشەلىكتەرىنە جاۋاپ بەرەتىن دەرەكتەر شوعىرىنىڭ جيىنتىعى;
16) اسپاپتار بويىنشا قونۋعا كىرۋ سحەماسى – كەدەرگىلەرمەن سوقتىعىسۋدى بولدىرماۋدى كوزدەيتىن بەلگىلەنگەن تالاپتاردى ساقتاعان جاعدايدا, قونۋعا كىرۋدىڭ باستاپقى كەزەڭىنىڭ باقىلاۋ نۇكتەسىنەن نەمەسە, ءتيىستى جاعدايلاردا, بەلگىلەنگەن ۇشىپ كەلۋ مارشرۋتىنىڭ باسىنان باستاپ, قونۋ ورىندالۋى مۇمكىن نۇكتەگە دەيىن, ال ەگەر قونۋ ورىندالماعان بولسا, كۇتۋ ايماعىندا نەمەسە مارشرۋتتا كەدەرگىلەردىڭ ۇستىنەن ۇشىپ ءوتۋ كريتەريلەرى قولدانىلىپ باستالاتىن نۇكتەگە دەيىن پيلوتاجدىق اساپتار بويىنشا ورىندالاتىن الدىن الا بەلگىلەنگەن مانەۆرلەر سەرياسى;
17) اسىپ كەتۋ – ۆەرتيكال بويىنشا تەڭىزدىڭ ورتا دەڭگەيىنەن جەر بەتىنىڭ نەمەسە ونىمەن بايلانىستى وبەكتىنىڭ نۇكتەسىنە نەمەسە دەڭگەيىنە دەيىنگى اراقاشىقتىق;
18) اۋەايلاق اۋدانىنا كەلۋدىڭ ابسوليۋتتىك بيىكتىگى – راديۋسى 46 كم (25 م. ميل) اينالىم دوعاسى جارماسىندا ورنالاسقان بارلىق وبەكتىلەردىڭ ۇستىنەن 300 م (1000 فۋت) بولاتىن ەڭ تومەنگى بيىكتىك قورىن قامتاماسىز ەتەتىن, ورتالىعى قونۋعا كىرۋدىڭ باستاپقى كەزەڭىنىڭ باقىلاۋ نۇكتەسىندە نەمەسە, ەگەر قونۋعا كىرۋدىڭ باستاپقى كەزەڭىنىڭ نۇكتەسى جوق بولسا, وسى دوعانىڭ ۇشتارىن قونۋعا كىرۋدىڭ ارالىق كەزەڭىنىڭ نۇكتەسىمەن قوساتىن تۋرا سىزىقتارمەن شەكتەلگەن قونۋعا كىرۋدىڭ ارالىق كەزەڭىنىڭ باقىلاۋ نۇكتەسىندە بولاتىن ەڭ از ابسوليۋتتىك بيىكتىك;
19) اۋەايلاق - اۋە كەمەلەرىنىڭ تولىق نەمەسە جارتىلاي كەلۋى, كەتۋى جانە سول جازىقتىقتاعى قوزعالىسىنا ارنالعان جەر نەمەسە سۋ بەتىندەگى (كەز كەلگەن عيماراتتاردى, قۇرىلىستاردى جانە جابدىقتاردى قوسا) بەلگىلەنگەن ۋچاسكە;
20) اۋە تراسساسى - باقىلاناتىن اۋە كەڭىستىگى نەمەسە ءدالىز تۇرىندەگى ونىڭ بولىگى;
21) اۋەايلاقتىڭ باقىلاۋ نۇكتەسى – اۋەايلاقتىڭ گەوگرافيالىق ورنالاسقان جەرىن ايقىندايتىن نۇكتە;
22) اۋە قوزعالىسىنا قىزمەت كورسەتۋ مارشرۋتى – اۋە قوزعالىسىنا قىزمەت كورسەتۋدى قامتاماسىز ەتۋ ماقساتىندا قوزعالىس اعىنىن باعىتتاۋعا ارنالعان بەلگىلەنگەن مارشرۋت;
23) اۋە كەمەسىنە قىزمەت كورسەتۋ – ءتيىستى جاعدايلاردا ۇشۋ-اقپاراتتىق قىزمەت كورسەتۋدى, اۆاريالىق حابارلاۋدى, اۋە كەمەسىنە كونسۋلتاتسيالىق قىزمەت كورسەتۋدى, اۋە قوزعالىسىنا ديسپەتچەرلىك قىزمەت كورسەتۋدى (اۋداندىق ديسپەتچەرلىك قىزمەت كورسەتۋ, جاقىنداۋ كەزىندە ديچپەتچەرلىك قىزمەت كورسەتۋ نەمەسە اۋەايلاقتىق ديسپەتچەرلىك قىزمەت كورسەتۋ) بىلدىرەتىن جالپى تەرمين;
24) اۋەايلاقتان اسىپ كەتۋ – قونۋ الاڭىنىڭ ەڭ جوعارى نۇكتەسىنەن اسىپ كەتۋ;
25) اۋەايلاقتىڭ پايدالانۋ مينيمۋمدارى – تومەندەگىلەر ءۇشىن اۋەايلاقتى پايدالانۋعا شەكتەۋ قويۋ:
ۇشۋ-قونۋ جولاعىنداعى كورىنۋ ۇزاقتىعى جانە/نەمەسە كورىنۋ ماندەرىمەن جانە قاجەت بولعان جاعدايدا, بۇلتتىلىق پارامەترلەرىمەن بەلگىلەنەتىن ۇشىپ كوتەرىلۋ ءۇشىن;
قونۋعا ءدال كىرۋدى ورىنداۋ كەزىندە قوندىرۋ جانە ۇشۋ-قونۋ جولاعىندا كورىنۋ جانە/نەمەسە كورىنۋدىڭ الىستىعى جانە پايدالانۋ ساناتتارىنا سايكەس شەشىم قابىلداۋدىڭ ابسوليۋتتىك /سالىستىرمالى بيىكتىگى ماندەرىمەن بەلگىلەنەتىن قونۋلار ءۇشىن;
قونۋعا كىرۋدى ورىنداۋ كەزىندە قونۋ جانە ۇشۋ-قونۋ جولاعىندا كورىنۋ جانە/نەمەسە كورىنۋ الىستىعى جانە شەشىم قابىلداۋدىڭ ابسوليۋتتىك/سالىستىرمالى بيىكتىگى ماندەرىمەن بەلگىلەنەتىن تىك جازىقتىققا دالدەۋمەن قونۋلار ءۇشىن;
قونۋعا ءدال ەمەس كىرۋدى ورىنداۋ كەزىندە قونۋ جانە ۇشۋ-قونۋ جولاعىندا كورىنۋ جانە/نەمەسە كورىنۋدىڭ الىستىعى, تومەندەۋدىڭ ەڭ تومەنگى ابسوليۋتتىك/سالىستىرمالى بيىكتىگى ماندەرىمەن جانە قاجەت بولعان جاعدايدا بۇلتتىلىق پارامەترلەرىمەن بەلگىلەنەتىن قونۋلار ءۇشىن;
26) بازا - باسقا شامالاردى ەسەپتەۋدىڭ باسى نەمەسە نەگىزى رەتىندە قىزمەت ەتەتىن كەز كەلگەن شاما نەمەسە شامالار قاتارى;
27) بەدەر - اەروناۆيگاتسيالىق كارتالاردا گوريزونتالدارمەن, رەڭكتىك گيپسومەتريامەن, بوياۋ جۋمەن نەمەسە بيىكتىك بەلگىلەرىمەن بەرىلگەن جەر بەتىنىڭ تەگىس ەمەس جەرلەرى;
28) بىرىككەن اەروناۆيگاتسيالىق اقپارات پاكەتى - پاكەت مىناداي ەلەمەنتتەردەن تۇرادى:
اەروناۆيگاتسيالىق اقپاراتتار جيناعى, تۇزەتۋلەرىن قوسا;
اەروناۆيگاتسيالىق اقپاراتتار جيناعىنا ەنگىزىلەتىن تولىقتىرۋلار;
NOTAM جانە ۇشۋ الدىنداعى اقپارات بيۋللەتەنى;
اەروناۆيگاتسيالىق اقپاراتتىڭ تسيركۋليارى;
باقىلاۋ تىزبەسى جانە قولدانىستاعى Nوتام تىزبەسى;
29) ۆەكتورلاۋ - اۋە كەمەلەرىن اقق باقىلاۋ جۇيەلەرىن قولدانۋ نەگىزىندە بەلگىلى ءبىر كۋرستاردى كورسەتۋ ارقىلى ناۆيگاتسيالىق باعىتتاۋدى قامتاماسىز ەتۋ;
30) گەويد تولقىنى (گەويد بيىكتىگى) - گەويد بەتى مەن ماتەماتيكالىق تۇرعىدان انىقتالعان رەفەرەنتس-ەلليپسويد بەتى اراسىنداعى قاشىقتىق (وڭ نەمەسە تەرىس ماعىنا);
31) گەويد - جەردىڭ گراۆيتاتسيالىق ورىسىندەگى تەڭىزدىڭ بەكىتىلگەن ورتا دەڭگەيى مەن ونىڭ ماتەريكتەر الىپ جاتقان جالعاسىنا سايكەس كەلەتىن بالامالى الەۋەتتى بەتى. جەرگىلىكتى گراۆيتاتسيالىق اۋىتقۋلاردىڭ سالدارىنان گەويد ءپىشىنى دۇرىس ەمەس قالىپتاسقان, سوندىقتان اۋىرتپالىق كۇشىنىڭ باعىتى كەز كەلگەن نۇكتەدە گەويد بەتىنە پەرپەنديكۋليار;
32) گليسسادا - قونۋعا كىرۋدىڭ سوڭعى كەزەڭىندە تىك باعىتتاۋ ءۇشىن ورناتىلعان تومەندەۋ ءپىشىنى;
33) گريگورياندىق كۇنتىزبە – كوپشىلىك قابىلداعان كۇنتىزبە; العاشقى رەت يۋلياندىق كۇنتىزبەمەن سالىستىرعاندا تروپيكالىق جىلعا بارىنشا سايكەس كەلەتىن جىلدى انىقتاۋ ءۇشىن 1582 جىلى ەنگىزىلگەن;
34) دالدىك - ەسەپتەۋ نەمەسە ولشەۋ ءمانىنىڭ ناقتى مانگە سايكەس كەلۋ دارەجەسى. تۇرعان جەردى ولشەۋ دالدىگى, ادەتتە, ناقتى تۇرعان جەرى انىقتالعان ىقتيمال دارەجەسىمەن بەلگىلەنگەن شەكتەگى حابارلانعان جەرىنەن بەرگى قاشىقتىقپەن بەرىلەدى;
35) دەرەكتەر ساپاسى - ۇسىنىلعان دەرەكتەردىڭ ناقتىلىق, اجىراتىمدىلىق جانە تۇتاستىق تۇرعىسىنان دەرەكتەردى پايدالانۋشى قوياتىن تالاپتارعا جاۋاپ بەرە الاتىندىعىنىڭ دارەجەسى نەمەسە دەڭگەيى;
36) دەرەكتەر شوعىرىنىڭ جيىنتىعى - ءونىمنىڭ بىردەي ەرەكشەلىكتەرىنە سايكەس كەلەتىن دەرەكتەر شوعىرىنىڭ جيىنتىعى;
37) دەرەكتەر شوعىرى - دەرەكتەردىڭ بەلگىلى ءبىر جيىنتىعى;
38) دەرەكتەردى بەرۋ جەلىسى بويىنشا «ديسپەتچەر-پيلوت» بايلانىسى - دەرەكتەردى بەرۋ جەلىسىن قولدانۋ ارقىلى اۋە قوزعالىسىنا قىزمەت كورسەتۋ ماقساتىندا ديسپەتچەر مەن پيلوت اراسىنداعى بايلانىس قۇرالى;
39) ەكىنشى اينالىمعا كەتۋ سحەماسى – قونۋعا كىرۋدى جالعاستىرۋ مۇمكىن بولماعان جاعدايدا ۇستانۋعا ءتيىستى ءتارتىپ;
40) ەكىنشى اينالىمعا كەتۋ نۇكتەسى – اسپاپتار بويىنشا قونۋعا كىرۋ سحەماسىنداعى كەدەرگىلەردىڭ ۇستىنەن بيىكتىكتىڭ ەڭ تومەنگى قورىن قامتاماسىز ەتۋ ءۇشىن ەكىنشى اينالىمعا كەتۋدىڭ الدىن الا جاسالعان سحەماسى بويىنشا ۇشۋ باستالعان نەمەسە وعان دەيىن ۇشۋ باستالعان نۇكتە;
41) جابىن – وسىمدىكتىڭ سالىستىرمالى بيىكتىگى ەسكەرىلگەندەگى تاقىر جەر;
42) جەرگە قونۋ ايماعى – جەرگە قوناتىن ۇشاقتار ۇشۋ-قونۋ جولاعىنا ءبىرىنشى جاناسۋعا ارنالعان ۇشۋ-قونۋ جولاعىنىڭ تابالدىرىعىنىڭ الدىنداعى ۋچاسكە;
43) جەرگە قونۋ مەن جەر ۇستىنەن كوتەرىلۋ ايماعى – تىكۇشاق جەرگە قونۋدى نەمەسە جەر ۇستىنەن كوتەرىلۋدى ورىنداي الاتىن جۇكتەمە تۇسەتىن الاڭ;
44) جەرگىلىكتى جەر – جاساندى كەدەرگىلەردەن باسقا تاۋ, توبەشىك, جوتا, الاپ, سۋ شوعىرى, ماڭگىلىك مۇز بەن قار ءتارىزدى تابيعي ەلەمەنتتەرى بار جەر بەتى;
45) جەرگىلىكتى جەردەگى كەدەرگىلەر تۋرالى دەرەكتەردى ەسەپكە الۋ شەگى كەدەرگىلەر (جەرگىلىكتى جەر) تۋرالى دەرەكتەر جاساۋ ماقساتىندا قولدانىلاتىن بەلگىلى شەك;
46) جولدىڭ نۇكتەلەرى – ايماقتىق ناۆيگاتسيا مارشرۋتىن نەمەسە ايماقتىق ناۆيگاتسيانى قولداناتىن اۋە كەمەسىنىڭ ۇشۋ تراەكتورياسىن انىقتاۋ ءۇشىن قولدانىلاتىن ناقتى گەوگرافيالىق پۋنكت. جولدىڭ نۇكتەلەرى تومەندەگىدەي بەلگىلەنەدى:
«فلاي-باي» جول نۇكتەسى – مارشرۋتتىڭ نەمەسە سحەمانىڭ كەلەسى ۋچاسكەسىنە شىعۋدى قامتاماسىز ەتۋ ءۇشىن الدىن الا بۇرىلۋدى كوزدەيتىن جول نۇكتەسى; نەمەسە
«فلايوۆەر» جول نۇكتەسى – مارشرۋتتىڭ نەمەسە سحەمانىڭ كەلەسى ۋچاسكەسىنە شىعۋ ماقساتىندا بۇرىلۋدى باستايتىن جول نۇكتەسى;
47) جولدىڭ سىزىعى – اۋە كەمەسىنىڭ جەر بەتىنە ۇشۋ تراەكتورياسىنىڭ ادەتتە باعىتى كەز كەلگەن نۇكتەدە سولتۇستىك باعىتتان (اقيقات, ماگنيتتىك نەمەسە بۇرىشتىق مەريديانداردان) ساناپ شىعارىلاتىن بۇرىش گرادۋستارىمەن بەلگىلەنەتىن پروەكتسياسى;
48) جۇمىس الاڭى - اۋەايلاقتىڭ مانەۆرلەۋ الاڭى مەن پەرروننان (پەررونداردان) تۇراتىن اۋە كەمەلەرىنىڭ ۇشىپ كوتەرىلۋىنە, قونۋىنا جانە رۋلدەۋگە ارنالعان بولىگى;
49) جىلجىتىلعان ۇشۋ-قونۋ جولاعىنىڭ تابالدىرىعى – ۇشۋ-قونۋ جولاعىنىڭ باستالعان جەرىندە ورنالاسپاعان تابالدىرىق;
50) كەدەرگىلەردى ۇشىپ ءوتۋدىڭ ابسوليۋتتىك بيىكتىگى – ۇشۋ-قونۋ جولاعىنىڭ ءتيىستى شەگىن اسىپ ءتۇسۋ ۇستىندەگى نەمەسە ءتيىستى جاعدايلاردا كەدەرگىلەردى ۇشىپ ءوتۋدىڭ ءتيىستى كريتەريلەرىن ساقتاۋدى قامتاماسىز ەتۋ ءۇشىن قولدانىلاتىن اۋەايلاقتان اسىپ ءتۇسۋ ۇستىندەگى ەڭ كىشى ابسوليۋتتىك بيىكتىك;
51) كەدەرگىلەردى ۇشىپ ءوتۋدىڭ سالىستىرمالى بيىكتىگى - ۇشۋ-قونۋ جولاعىنىڭ ءتيىستى شەگىن اسىپ ءتۇسۋ ۇستىندەگى نەمەسە ءتيىستى جاعدايلاردا كەدەرگىلەردى ۇشىپ ءوتۋدىڭ ءتيىستى كريتەريلەرىن ساقتاۋدى قامتاماسىز ەتۋ ءۇشىن قولدانىلاتىن اۋەايلاقتان اسىپ ءتۇسۋ ۇستىندەگى ەڭ كىشى سالىستىرمالى بيىكتىك;
52) كەدەرگىلەردەن بوس ايماق – قونۋعا كىرۋدىڭ ىشكى بەتىنىڭ, اۋىسپالى ىشكى بەتتەرىنىڭ جانە ۇزىلگەن قونۋ كەزىندە ەكىنشى اينالىمعا كەتۋ بەتىنىڭ جانە وسى بەتتەرمەن شەكتەلگەن ۇشۋ جولاعى بولىگىنىڭ ۇستىندەگى, سالماعى جەڭىل جانە اەروناۆيگاتسيا ماقساتىندا قاجەتتى بەرىك ەمەس نەگىزدەگى ەشبىر قوزعالمايتىن كەدەرگى شىعىپ تۇرمايتىن اۋە كەڭىستىگى;
53) كەدەرگىلەردىڭ ۇستىنەن ۇشىپ ءوتۋدىڭ ەڭ تومەنگى ابسوليۋتتىك بيىكتىگى – بەلگىلى ۋچاسكەدەگى كەدەرگىلەردىڭ ۇستىنەن قاجەتتى بيىكتىك قورىن قامتاماسىز ەتەتىن ۇشۋدىڭ ەڭ تومەنگى ابسوليۋتتىك بيىكتىگى;
54) كەدەرگىلەردەن بوس جولاق – ۇشاق سونىڭ ۇستىنەن بەلگىلەنگەن بيىكتىككە دەيىن باستاپقى بيىكتىكتىڭ ءبىر بولىگىنە كوتەرىلۋى ءۇشىن جارامدى ۋچاسكە رەتىندە تاڭداپ الىنعان نەمەسە دايىندالعان, ءتيىستى ۋاكىلەتتى ورگاننىڭ باقىلاۋىنداعى جەر نەمەسە سۋ بەتىندەگى تىك بۇرىشتى ۋچاسكە;
55) كەدەرگى - بارلىق جىلجىمايتىن (ۋاقىتشا نەمەسە تۇراقتى) جانە جىلجيتىن نىساندار نەمەسە ولاردىڭ مىنا جەرلەردەگى بولىگى:
اۋە كەمەلەرىنىڭ جەر بەتىندە قوزعالۋىنا ارنالعان ايماقتا ورنالاسقان;
ۇشىپ بارا جاتقان اۋە كەمەلەرىنىڭ قاۋىپسىزدىگىن قامتاماسىز ەتۋ ءۇشىن بەلگىلى ءبىر جەردە تۇرعىزىلعان;
وسى جەرلەر شەگىندە ورنالاسقان جانە اۋە ناۆيگاتسياسى ءۇشىن قاۋىپ توندىرەتىن دەپ باعالانعان;
56) كەرى سحەما - اۋە كەمەسىنە اسپاپتار بويىنشا قونۋعا كىرۋ سحەماسىنىڭ باستاپقى ۋچاسكەسىندە باعىتتى وزگەرتۋگە مۇمكىندىك بەرەتىن سحەما. بۇل مانەۆر ستاندارتتى بۇرىلۋ نەمەسە قوناتىن سىزىققا بۇرىلۋدى قامتۋى مۇمكىن;
57) كولدەنەڭ - بىردەي اسىپ ءتۇسۋ نۇكتەسىن بايلانىستىراتىن كارتاداعى نەمەسە سحەماداعى سىزىق;
58) كۇتۋ ايماعىنداعى ۇشۋ سحەماسى - اۋە كەمەسىنە كەلەسى شەشىمدى كۇتۋ ءۇشىن بەلگىلى ءبىر اۋە كەڭىستىگى شەڭبەرىندە بولا تۇرۋعا مۇمكىندىك بەرەتىن الدىن الا بەلگىلەنگەن مانەۆر;
59) قاۋىپتى ايماق – سونىڭ شەگىندە بەلگىلى ءبىر ۋاقىت ارالىعىندا اۋە كەمەلەرىنىڭ ۇشۋىنا قاۋىپ توندىرەتىن قىزمەت جۇزەگە اسىرىلۋى مۇمكىن بەلگىلى اۋقىمداعى اۋە كەڭىستىگى;
60) قونۋعا كىرۋ مەن ۇشىپ كوتەرىلۋدىڭ سوڭعى كەزەڭىنىڭ ايماعى – ۇستىنەن قونۋعا كىرۋ مانەۆرىنەن باستاپ اۋەدە قالقىپ تۇرۋ رەجيمىنە دەيىنگى سوڭعى كەزەڭ نەمەسە قونۋ ورىندالاتىن جانە ۇشىپ كوتەرىلۋ مانەۆرى باستالاتىن بەلگىلەنگەن ايماق. قونۋعا كىرۋ مەن ۇشىپ كوتەرىلۋدىڭ سوڭعى كەزەڭىنىڭ ايماعى 1-كلاستى ۇشۋ-تەحنيكالىق سيپاتتامالارى بار ۇشاقتار پايدالاناتىن جاعدايلاردا بۇل بەلگىلەنگەن ايماق ۇزىلگەن ۇشىپ كوتەرىلۋدىڭ ورنالاستىرىلعان ايماعىن قامتيدى;
61) قونۋعا كىرۋدىڭ سوڭعى ۋچاسكەسى – سونىڭ شەگىندە ۇشۋ-قونۋ جولاعىنىڭ جارماسىنا شىعۋ جانە قونۋعا تومەندەۋ جۇرگىزىلەتىن اسپاپتار بويىنشا قونۋعا كىرۋ سحەماسىنىڭ ۋچاسكەسى;
62) قونۋعا كىرۋدىڭ سوڭعى كەزەڭى – قونۋعا كىرۋدىڭ سوڭعى كەزەڭىنىڭ بەلگىلەنگەن باقىلاۋ نۇكتەسىندە (نەمەسە نۇكتەسىندە) نەمەسە وسىنداي نۇكتە جوق بولعان جاعدايدا:
ەگەر ونداي كوزدەلگەن بولسا, «يپپودروم» ۇلگىسىندەگى سحەمادا ەڭ سوڭعى ستاندارتتى بۇرىلۋ, قوناتىن سىزىققا بۇرىلۋ نەمەسە جاقىنداۋ جولىنىڭ سىزىعىنا بۇرىلۋ سوڭىندا; نەمەسە
قونۋعا كىرۋ سحەماسىنداعى جولدىڭ ەڭ سوڭعى سىزىعىنا شىعۋ نۇكتەسىندە باستالىپ, اۋەايلاق اۋدانىنداعى قونۋ ورىندالۋى نەمەسە ەكىنشى اينالىمعا كەتۋ باستالۋى مۇمكىن نۇكتەدە اياقتالادى.
63) قونۋعا كىرۋدىڭ سوڭعى كەزەڭىنىڭ باقىلاۋ نۇكتەسى (نەمەسە نۇكتەسى) –اسپاپتار بويىنشا قونۋعا كىرۋ سحەماسىنىڭ قونۋعا كىرۋدىڭ سوڭعى كەزەڭىنىڭ ۋچاسكەسى باستالاتىن باقىلاۋ نۇكتەسى (نەمەسە نۇكتەسى);
64) قونۋعا كىرۋدىڭ باستاپقى ۋچاسكەسى – اسپاپتار بويىنشا قونۋعا كىرۋ سحەماسىنىڭ قونۋعا كىرۋدىڭ باستاپقى كەزەڭىنىڭ باقىلاۋ نۇكتەسى مەن قونۋعا كىرۋدىڭ ارالىق كەزەڭىنىڭ باقىلاۋ نۇكتەسى اراسىنداعى نەمەسە, ءتيىستى جاعدايلاردا, قونۋعا كىرۋدىڭ سوڭعى كەزەڭىنىڭ باقىلاۋ نۇكتەسى (نەمەسە نۇكتەلەرى) اراسىنداعى ۋچاسكەسى;
65) جەرگە قونۋ الاڭى - اۋە كەمەلەرىنىڭ قونۋىنا جانە ۇشىپ كوتەرىلۋىنە ارنالعان جۇمىس الاڭىنىڭ ءبىر بولىگى;
66) قونۋعا كىرۋدىڭ ارالىق ۋچاسكەسى – اسپاپتار بويىنشا قونۋعا كىرۋ سحەماسىنىڭ تيىسىنشە قونۋعا كىرۋدىڭ ارالىق كەزەڭىنىڭ باقىلاۋ نۇكتەسى مەن قونۋعا كىرۋدىڭ سوڭعى كەزەڭى نۇكتەسىنىڭ (نەمەسە نۇكتەسىنىڭ) باقىلاۋ نۇكتەسى نەمەسە كەرى سحەمانىڭ, «يپپودروم» ۇلگىسىندەگى سحەمانىڭ نەمەسە ەسەپتەۋ ادىسىمەن سالىناتىن جول سىزىعىنىڭ سوڭى جانە قونۋعا كىرۋدىڭ سوڭعى كەزەڭىنىڭ باقىلاۋ نۇكتەسى (نەمەسە نۇكتەسى) ارالىعىنداعى ۋچاسكەسى;
67) قونۋعا ۆيزۋالدى كىرۋ سحەماسى – ۆيزۋالدى باعدار بويىنشا قونۋعا كىرۋدىڭ باستاپقى كەزەڭىنىڭ باقىلاۋ نۇكتەسىنەن نەمەسە, ءتيىستى جاعدايلاردا, بەلگىلەنگەن ۇشىپ كەلۋ مارشرۋتىنىڭ باسىنان باستاپ, قونۋ ورىندالۋى مۇمكىن جانە, ەگەر قونۋ ورىندالماعان بولسا, ودان كەيىن ەكىنشى شەڭبەرگە كەتۋ سحەماسى ورىندالۋى مۇمكىن الدىن الا بەلگىلەنگەن مانەۆرلەر سەرياسى;
68) قونۋعا ءدال كىرۋ سحەماسى - ILS نەمەسە راR بەرەتىن ازيمۋت جانە گليسسادا تۋرالى اقپاراتتى پايدالاناوتىرىپ, اسپاپتار بويىنشا قونۋعا كىرۋ سحەماسى;
69) قوسىلۋ مەكەنجايلارى - دەرەكتەردى اۋە قوزعالىسىنا قىزمەت كورسەتۋ ورگانىنا بەرۋ جەلىسىن قوسۋ ءۇشىن قولدانىلاتىن ورناتىلعان كود;
70) ماگنيتتىك اۋىتقۋ – اقيقات جانە ماگنيتتىك مەريدياننىڭ سولتۇستىك باعىتى اراسىنداعى بۇرىش;
71) مارشرۋت بويىنشا ۇشۋدىڭ ەڭ تومەنگى ابسوليۋتتىك بيىكتىگى – مارشرۋت ۋچاسكەسىندەگى ءتيىستى ناۆيگاتسيالىق قۇرالدار مەن اۋە قوزعالىسىنا قىزمەت كورسەتۋ بايلانىس قۇرالدارىنىڭ سيگنالدارىن بارابار قابىلداۋدى قامتاماسىز ەتەتىن, اۋە كەڭىستىگىنىڭ قۇرىلىمىنا سايكەس كەلەتىن جانە كەدەرگىلەردىڭ ۇستىنەن قاجەتتى بيىكتىك قورىن قامتاماسىز ەتەتىن ۇشۋدىڭ ەڭ تومەنگى ابسوليۋتتىك بيىكتىگى;
72) مانەۆرلەۋ الاڭى - اۋەايلاقتىڭ اۋە كەمەلەرىنىڭ ۇشىپ كوتەرىلۋىنە, قونۋىنا جانە رۋلدەۋىنە ارنالعان پەرروننان باسقا بولىگى;
73) مەتادەرەكتەر – دەرەكتەر تۋرالى دەرەكتەر;
74) ورنالاسقان جەر (گەوگرافيالىق) - نۇكتەنىڭ جەر بەتىندەگى ورنالاسقان جەرىن انىقتايتىن ماتەماتيكالىق تۇرعىدان انىقتالعان رەفەرەنتس-ەلليپسويد ارقىلى بەرىلەتىن كوورديناتتار (ەنى مەن ۇزىندىعى);
75) وتكەلدىڭ ابسوليۋتتىك بيىكتىگى – اۋە كەمەسىنىڭ ابسوليۋتتىك بيىكتىكتە نەمەسە ودان تومەن تۇرعان جەرى تىك جازىقتىقتا اۆبسوليۋتتىك بيىكتىك شاماسىندا بەرىلەدى;
76) پەررون – جولاۋشىلاردى وتىرعىزۋ نەمەسە ءتۇسىرۋ, پوشتا نەمەسە جۇكتى تيىەۋ نەمەسە ءتۇسىرۋ, ماي قۇيۋ, تۇراقتاۋ نەمەسە تەحنيكالىق قىزمەت كورسەتۋ ماقساتىندا اۋە كەمەلەرىن ورنالاستىرۋعا ارنالعان قۇرلىقتاعى اۋەايلاق الاڭىنىڭ بەلگىلى اۋماعى;
77) رەڭكتىك گيپسومەتريا – جەر بەتىنەن اسىپ كەتۋ دەڭگەيىن كورسەتۋ ءۇشىن قولدانىلاتىن تۇستەر مەن ولاردىڭ رەڭكتەرىنىڭ جۇيەلىك گراداتسياسى;
78) رۋلدەۋ مارشرۋتتارى – تىكۇشاقتاردىڭ تۇكۇشاق الاڭىنىڭ ءبىر بولىگىنەن ەكىنشى بولىگىنە ءجۇرۋىنىڭ بەلگىلەنگەن تراەكتورياسى. رۋلدەۋ مارشرۋتى رۋلدەۋ مارشرۋتىنىڭ وستىك سىزىعىنىڭ بويىمەن وتەتىن, تۇكۇشاقتاردى بۇرۋعا ارنالعان اۋەدەگى نەمەسە جەردەگى رۋلدەۋ جولى قامتيدى;
79) رۋلدەۋ جولى – قۇرلىقتاعى اۋەايلاقتاعى اۋە كەمەلەرىنىڭ بۇرىلۋى ءۇشىن ورناتىلعان جانە اۋەايلاقتىڭ ءبىر بولىگىن ەكىنشىسىمەن قوسۋعا ارنالعان بەلگىلى ءبىر جول, ونىڭ ىشىندە:
اۋە كەمەسىنىڭ تۇراقتاعى رۋلدەۋ جولاعى – رۋلدەۋ جولى رەتىندە بەلگىلەنگەن جانە تەك اۋە كەمەلەرىنىڭ تۇراق ورىندارىنا جاقىنداۋعا ارنالعان پەررون بولىگى;
پەرروندىق رۋلدەۋ جولى. پەرروندا ورنالاسقان جانە پەررون ارقىلى رۋلدەۋ مارشرۋتىن قامتاماسىز ەتۋگە ارنالعان رۋلدەۋ جولدارى جۇيەسىنىڭ ءبىر بولىگى;
پەرروندىق رۋلدەۋ جولى – ۇشۋ-قونۋ جولاعىمەن ءسۇيىر بۇرىش ارقىلى جالعانعان جانە قونعان ۇشاققا باسقا شىقپا رۋلدەۋ جولدارىندا قول جەتكىزىلەتىن جىلدامدىقتارعا قاراعاندا جوعارىراق جىلدامدىقپەن ۇشۋ-قونۋ جولاعىنان شىعىپ كەتۋگە جانە سونىڭ ارقاسىندا ۇشۋ-قونۋ جولاعىندا بولۋ ۋاقىتىن بارىنشا ازايتۋعا مۇمكىندىك بەرەتىن رۋلدەۋ جولى;
80) ساپا - مەنشىكتى سيپاتتامالار جيىنتىعىنىڭ قويىلعان تالاپتاردى ورىنداۋ دارەجەسى;
81) ساپا مەنەدجمەنتى - ۇيىمنىڭ ساپاعا قاتىستى باسشىلىق ەتۋ جانە باسقارۋ جونىندەگى ۇيلەستىرىلگەن قىزمەتى;
82) ساپانى قامتاماسىز ەتۋ - ساپاعا قويىلاتىن تالاپتاردىڭ ورىندالاتىنىنا سەنىم تۋعىزۋعا باعىتتالعان ساپا مەنەدجمەنتىنىڭ بولىگى;
83) ساپانى باسقارۋ - ساپاعا قويىلاتىن تالاپتاردىڭ ورىندالۋىنا باعىتتالعان ساپا مەنەدجمەنتى بولىگى;
84) سالىستىرمالى بيىكتىك – ۆەرتيكال بويىنشا كورسەتىلگەن باستاپقى دەڭگەيدەن باستاپ, نۇكتە رەتىندە قابىلدانعان دەڭگەيگە, نۇكتەگە نەمەسە وبەكتىگە دەيىنگى اراقاشىقتىق;
85) سەكتورداعى ەڭ تومەنگى ابسوليۋتتىك بيىكتىك – پايدالانىلۋى مۇمكىن جانە ورتاسىندا نەگىزگى نۇكتە, اۋەايلاقتىڭ باقىلاۋ نۇكتەسى نەمەسە تىكۇشاق ايلاعىنىڭ باقىلاۋ نۇكتەسى ورنالاسقان راديۋسى 46 كم (25 م. ميل) شەڭبەر سەكتورىنداعى بارلىق وبەكتىلەردىڭ ۇستىنەن ەڭ تومەن دەگەندە 300 م (1000 فۋت) ارتىق بيىكتىكتى قامتاماسىز ەتەتىن ەڭ از ابسوليۋتتىك بيىكتىك;
86) تەجەۋدىڭ اقىرعى جولاعى – ەكپىننىڭ ورنالاسقان ۇزىندىعىنىڭ سوڭىنداعى ۇزىلگەن ۇشىپ كوتەرىلۋ ورىن العان جاعدايدا اۋە كەمەسىن توقتاتۋ ءۇشىن جارامدى ۋچاسكە رەتىندە دايىندالعان جەر بەتىنىڭ بەلگىلى ءبىر تىك بۇرىشتى ۋچاسكەسى;
87) تەحنوگەندى ورتا – جەر بەتىندەگى بارلىق جاساندى قۇرىلىستار, ماسەلەن, قالالار, تەمىرجولدار جانە ارنالار;
88) تۇراق ورنى - پەررونداعى اۋە كەمەسىن قويۋ ءۇشىن ارنايى بولىنگەن ۋچاسكە;
89) تۇتاستىق (اەروناۆيگاتسيالىق دەرەكتەر) - اەروناۆيگاتسيالىق دەرەكتەردىڭ, ولاردى دايىنداعان نەمەسە تۇزەتۋ ەنگىزۋگە رۇقسات ەتىلگەن ساتتەن باستاپ جوعالماعانىنىڭ نەمەسە وزگەرمەگەنىنىڭ انىقتالعان كەپىلى;
90) تىيىم سالۋ ايماعى – اۋە كەمەلەرىنىڭ ۇشۋىنا تىيىم سالىنعان مەمەلەكەت اۋماعىندا نەمەسە اۋماقتىق سۋلار ۇستىندەگى بەلگىلەنگەن ولشەمدەگى اۋە كەڭىستىگى;
91) تىكۇشاق ايلاعى - تىكۇشاقتاردىڭ تولىق نەمەسە جارتىلاي كەلۋى, كەتۋى جانە سول جازىقتىقتاعى قوزعالىسىنا ارنالعان اۋەايلاق نەمەسە قۇرىلىستاعى بەلگىلى ءبىر بەت ۋچاسكەسى;
92) ۇشۋ-قونۋ جولاعىنداعى كورىنۋ الىستىعى – ۇشۋ-قونۋ جولاعىنىڭ وستىك سىزىعىندا ورنالاسقان اۋە كەمەسىنىڭ پيلوتى ۇشۋ-قونۋ جولاعىندا ۇستىندەگى تاڭبالاۋ بەلگىلەرىن نەمەسە ۇشۋ-قونۋ جولاعى شەكتەيتىن نەمەسە ونىڭ وستىك جەلىسىن بەلگىلەيتىن وتتاردى كورە الاتىن اراقاشىقتىق;
93) ۇشۋ-قونۋ جولاعىنىڭ جانىنداعى كۇتۋ ورنى – ۇشۋ-قونۋ جولاعىنىڭ, كەدەرگىلەردى شەكتەۋ بەتىن نەمەسە, ەگەر اۋەايلاقتىق ديسپەتچەرلىك پۋنكتتەن باسقا نۇسقاۋلار كەلىپ تۇسپەگەن بولسا, بۇرىلاتىن اۋە كەمەلەرى مەن كولىك قۇرالدارى توقتاپ جانە كۇتىپ تۇراتىن اسەر سەزگىش/شەكتى ILS/MLS ايماعىن قورعاۋعا ارنالعان بەلگىلى ءبىر ورىن;
94) ۇشۋ-قونۋ جولاعىنىڭ تابالدىرىعى – قونۋ ءۇشىن پايدالانىلۋ مۇمكىن ۇشۋ-قونۋ جولاعى ۋچاسكەسىنىڭ باس جاعى;
95) ۇشۋ الدىنداعى اقپارات بيۋللەتەنى - ۇشۋ الدىندا دايىندالعان, ايرىقشا پايدالانىلۋ ماڭىزى بار اعىمداعى Nوتام اقپاراتى;
96) ۇشۋ-قونۋ جولاعى - اۋە كەمەلەرىنىڭ قونۋى مەن ۇشۋى ءۇشىن دايىندالعان قۇرلىقتاعى اۋەايلاقتىڭ بەلگىلى ءبىر تىك بۇرىشتى ۋچاسكە;
97) ۇشۋدى شەكتەۋ ايماعى - اۋە كەمەلەرىنىڭ ۇشۋى بەلگىلى شارتتارمەن شەكتەلگەن اۋماق نەمەسە اۋماقتىق سۋلار ۇستىندەگى بەلگىلەنگەن ولشەمدەگى اۋە كەڭىستىگى;
98) ۇشىپ كەلۋ مارشرۋتتارى – اسپاپتار بويىنشا قونۋعا كىرۋ سحەماسىندا كورسەتىلگەن, مارشرۋت بويىنشا ۇشۋ كەزەڭى اياقتالعاننان كەيىن اۋە كەمەلەرى قونۋعا كىرۋدىڭ باستاپقى كەزەڭىنىىڭ باقىلاۋ نۇكتەسىنە شىعا الاتىن مارشرۋتتار;
99) ۇشۋ ەشەلونى - قىسىمىنىڭ بەلگىلەنگەن 1013,2 گەكتوپاسكال (گپا) مانىنە جاتقىزىلعان جانە باسقا دا وسىنداي بەتتەردەن بەلگىلەنگەن قىسىم ينتەرۆالدارىنىڭ مانىنە الىس تۇرعان تۇراقتى اتموسفەرالىق قىسىمنىڭ بەتكى جاعى;
100) تسيكلدىق ارتىق كودتى پايدالانۋ ارقىلى باقىلاۋ - دەرەكتەردى جوعالىپ كەتۋدەن نەمەسە وزگەرۋدەن قورعاۋدىڭ بەلگىلى دەڭگەيىن قامتاماسىز ەتەتىن, دەرەكتەردىڭ تسيفرلىق مانىنە قاتىستى قولدانىلاتىن ماتەماتيكالىق الگوريتم;
101) ەلەكتروندىق اەروناۆيگاتسيالىق كارتانىڭ ديسپلەيى – قاجەتتى اقپاراتتى كورسەتۋ ارقىلى ۇشۋ ەكيپاجدارىنا ىڭعايلى تاسىلمەن جانە ۋاقىتىلى مارشرۋتتاردى جوسپارلاۋدى, ۇشۋ مارشرۋتىن باقىلاۋدى جانە ناۆيگاتسيانى جۇزەگە اسىرۋعا مۇمكىندىك بەرەتىن ەلەكتروندىق قۇرىلعى;
102) اSنتام - اۋە كەمەلەرىنىڭ ۇشۋدى ورىنداۋى ءۇشىن ماڭىزدى ءمانى بار جانارتاۋ قىزمەتىنىڭ وزگەرۋى تۋرالى, جانارتاۋدىڭ اتىلۋى جانە (نەمەسە) جانارتاۋ ك ۇلىنەن بولعان بۇلت تۋرالى ەرەكشە پىشىمدە ۇسىنىلعان اقپارات قامتىلعان ارنايى سەرياداعى Nوتام;
103) Nوتام - ەلەكتر بايلانىسى قۇرالدارىمەن تارالاتىن جانە ۋاقتىلى ەسكەرتىلگەن جاعدايدا, ۇشۋلاردى ورىنداۋمەن بايلانىستى پەرسونال ءۇشىن ماڭىزدى بولىپ تابىلاتىن كەز كەلگەن ازروناۆيگاتسيالىق جابدىقتى ىسكە قوسۋ, ونىڭ جاي-كۇيى نەمەسە وزگەرۋى, قىزمەت كورسەتۋ جانە قاعيدالار نەمەسە قاۋىپ-قاتەر تۋرالى اقپاراتتى قامتيتىن حابارلاما;
104) SNوWتام - قار, مۇز, ەرىگەن قاردان بولعان باتپاق نەمەسە توقتام سۋ, اۋەايلاقتىڭ جۇمىس الاڭىنداعى باتپاق پەن مۇزدىڭ بولۋىنان تۋىنداعان قاۋىپتى جاعدايلاردىڭ ورىن العانى نەمەسە ولاردى جويۋ تۋرالى بەلگىلەنگەن پىشىمدە حابارلايتىن ارنايى سەرياداعى Nوتام.
4. وسى قاعيدالاردا تومەندەگىدەي قىسقارتىلعان سوزدەر قولدانىلادى:
ااق – اەروناۆيگاتسيالىق اقپارات قىزمەتى;
اقق – اۋە قوزعالىسىنا قىزمەت كورسەتۋ;
رج – رۋلدەۋ جولى;
تو – تۇراق ورنى;
تسج – تەجەۋدىڭ اقىرعى جولاعى;
ۇقج – ۇشۋ-قونۋ جولاعى;
اۇە – اسپاپتار بويىنشا ۇشۋ ەرەجەلەرى;
AIC – اەروناۆيگاتسيالىق اقپارات تسيركۋليارى;
AIP – اەروناۆيگاتسيالىق اقپارات جيناعى;
اما – ايماقتاعى ەڭ تومەنگى ابسوليۋتتىك ۇشۋ بيىكتىگى;
ARP – اۋەايلاقتىڭ باقىلاۋ نۇكتەسى;
CRC – تسيكلدىق ارتىق كود;
DA/H – شەشىم قابىلداۋدىڭ ابسوليۋتتىك/سالىستىرمالى بيىكتىگى;
FATO – قونۋعا كىرۋ جانە ۇشۋدىڭ سوڭعى كەزەڭى ايماعى;
HRP – تىكۇشاق ايلاعىنىڭ باقىلاۋ نۇكتەسى;
IAF – قونۋعا كىرۋدىڭ باستاپقى كەزەڭىنىڭ نۇكتەسى;
IF – قونۋعا كىرۋدىڭ ارالىق كەزەڭىنىڭ نۇكتەسى;
MAPt – ەكىنشى اينالىمعا كەتۋ نۇكتەسى;
MDA/H – تومەندەۋدىڭ ەڭ تومەنگى ابسوليۋتتىك/سالىستىرمالى بيىكتىگى;
مەا – مارشرۋت بويىنشا ۇشۋدىڭ ەڭ تومەنگى ابسوليۋتتىك بيىكتىگى;
موسا – كەدەرگىلەردى ۇشىپ ءوتۋدىڭ ەڭ تومەنگى ابسوليۋتتىك بيىكتىگى;
MSL – تەڭىزدىڭ ورتاشا دەڭگەيى;
وسا/ن – كەدەرگىلەردى ۇشىپ ءوتۋدىڭ ابسوليۋتتىك/سالىستىرمالى بيىكتىگى;
OFZ – كەدەرگىلەردەن بوس ايماق;
PBN – سيپاتتامالارعا نەگىزدەلگەن ناۆيگاتسيا;
PIB – ۇشۋ الدىنداعى اقپارات بيۋللەتەنى;
RNAV – ايماقتىق ناۆيگاتسيا;
RVR – ۇقج-دا كورىنۋ الىستىعى;
TAA – اۋەايلاق ماڭىنا ۇشىپ كەلۋدىڭ ابسوليۋتتىك بيىكتىگى;
TLOF – جەرگە قونۋ جانە كوتەرىلۋ ايماعى;
UTC – دۇنيەجۇزىلىك ۇيلەستىرۋ ۋاقىتى.
WGS-84 – 1984 جىلعى دۇنيەجۇزىلىك گەودەزيالىق جۇيە.
5. كولدەنەڭ جازىقتىقتا ەسەپتەۋ جۇيەسى (گەودەزيالىق) رەتىندە اەرونايۆگاتسيالىق اقپاراتپەن قامتاماسىز ەتۋ ماقساتىندا 1984 (WGS-84) دۇنيەجۇزىلىك گەودەزيالىق جۇيەسى قولدانىلادى. ەنى مەن بويلىقتى بىلدىرەتىن گەوگرافيالىق كوورديناتالار (WGS-84) دۇنيەجۇزىلىك گەودەزيالىق جۇيەسىنە قاتىستى كورسەتىلەدى.
6. جۇلدىزشامەن (*) WGS-84 كوورديناتالارىنا وزگەرتىلگەن گەوگرافيالىق كوورديناتالار جانە وسى قاعيدالاردىڭ 1-قوسىمشاسىنىڭ تالاپتارىنا ساي كەلمەيتىن گەودەزيالىق ءتۇسىرۋ دالدىگى بەلگىلەنەدى.
7. اەروناۆيگاتسيالىق اقپاراتپەن قامتاماسىز ەتۋ ماقساتىندا تىك جازىقتىقتا ەسەپتەۋ جۇيەسى رەتىندە تەڭىزدىڭ ورتا دەڭگەيى (MSL) قولدانىلادى.
8. اەروناۆيگاتسيالىق اقپاراتپەن قامتاماسىز ەتۋ ماقساتىندا ۋاقىتتى ەسەپتەۋ جۇيەسى رەتىندە گريگورياندىق كۇنتىزبە مەن دۇنيەجۇزىلىك ۇيلەستىرىلگەن ۋاقىت (UTC) قولدانىلادى.
9. ازاماتتىق اۆياتسيا سالاسىنداعى ۋاكىلەتتى ورگان قازاقستان رەسپۋبليكاسىنىڭ اۋماعىندا, سونداي-اق اۋە قوزعالىسىنا قىزمەت كورسەتۋ ءۇشىن قازاقستان رەسپۋبليكاسى جاۋاپتى بولاتىن اۋدانداردا ۇسىنىلاتىن اەروناۆيگاتسيالىق اقپاراتتىڭ دايەكتى, ساپالى جانە ۋاقتىلى بولۋىن قامتاماسىز ەتۋ ءۇشىن قاجەت بارلىق شارالاردى قابىلدايدى.
10. ازاماتتىق اۆياتسيا سالاسىنداعى ۋاكىلەتتى ورگان ۇسىنىلاتىن اەروناۆيگاتسيالىق اقپاراتتىڭ دايەكتىلىگىن, دالدىگىن جانە ۋاقىتىلىلىعىن قامتاماسىز ەتۋدى باقىلايدى.
11. اەروناۆيگاتسيالىق اقپاراتتى ازاماتتىق اۆياتسيا سالاسىنداعى ۋاكىلەتتى ورگاننىڭ ۆەدومستۆولىق باعىنىسىنداعى مەملەكەتتىك كاسىپورىن بولىپ تابىلاتىن اەروناۆيگاتسيالىق ۇيىمىنىڭ اەروناۆيگاتسيالىق اقپاراتتى باسقارۋ قىزمەتى (بۇدان ءارى - ااب قىزمەتى) دايىنداپ, تاراتادى.
12. كوزبەن شولىپ ۇشۋ جانە اسپاپتار بويىنشا ۇشۋ (ۇشىپ شىعۋ, ۇشىپ كەلۋ جانە قونۋعا كىرۋ) سحەمالارىن ازىرلەۋدى جانە اەروناۆيگاتسيالىق كارتالاردى دايىنداۋدى ااب قىزمەتى جۇزەگە اسىرادى.
13. ااب قىزمەتى ۇشۋلاردىڭ قاۋىپسىزدىگى, تۇراقتىلىعى جانە ءتيىمدى ورىندالۋى ءۇشىن قاجەت اقپاراتتار (دەرەكتەر) اعىنىن قامتاماسىز ەتەدى.
14. ااب قىزمەتى قازاقستان رەسپۋبليكاسىنىڭ بۇكىل اۋماعىنا, سونداي-اق قازاقستان رەسپۋبليكاسى ءوز اۋماعىنان تىس جەرلەردەگى اۋە قوزعالىسىنا قىزمەت كورسەتەدى, جاۋاپتى اۋداندارعا قاتىستى اەروناۆيگاتسيالىق اقپاراتتار مەن دەرەكتەردى الادى نەمەسە جاسايدى, تەكسەرەدى, جيناقتايدى, رەداكتسيالايدى, پىشىمگە كەلتىرەدى, باسىپ شىعارادى, ساقتايدى جانە تاراتادى.
15. اەروناۆيگاتسيالىق اقپارات بىرىككەن اەروناۆيگاتسيالىق اقپارات پاكەتى تۇرىندە دە, وسى پاكەتتىڭ جەكەلەگەن ەلەمەنتتەرى تۇرىندە دە تاراتىلادى.
16. بىرىككەن اەروناۆيگاتسيالىق اقپارات پاكەتى مىناداي ەلەمەنتتەردەن تۇرادى:
1) AIP, سونىڭ ىشىندە وعان ەنگىزىلگەن تۇزەتۋلەر مەن تولىقتىرۋلار;
2) NOTAM جانە ۇشۋ الدىنداعى اقپارات بيۋللەتەنى;
3) اەروناۆيگاتسيالىق اقپارات نۇسقاۋحاتى;
4) باقىلاۋ تىزبەلەرى مەن قولدانىستاعى Nوتام تىزبەلەرى.
17. ااب قىزمەتى حالىقارالىق ازاماتتىق اۆياتسيا تۋرالى كونۆەنتسيانىڭ «اەروناۆيگاتسيالىق اقپارات قىزمەتتەرى» 15-قوسىمشاسىنىڭ جانە اەروناۆيگاتسيالىق اقپارات قىزمەتتەرى جونىندەگى نۇسقاۋلىق (Dوس 8126, حالىقارالىق ازاماتتىق اۆياتسيا ۇيىمىنىڭ (بۇدان ءارى - يكاو) قۇجاتى) تالاپتارىنا سايكەس, بىرىككەن اەروناۆيگاتسيالىق اقپارات پاكەتىنىڭ بارلىق ەلەمەنتتەرىنىڭ جاريالانۋىن قامتاماسىز ەتەدى.
18. تاۋلىك بويعى قىزمەت كورسەتۋ قىمتاماسىز ەتىلمەگەن جاعدايلاردا, ونى اەروناۆيگاتسيالىق اقپارات قىزمەتى اۋە قوزعالىسىنا قىزمەت كورسەتۋگە جاۋاپتى اۋدانداردا تولىق ۇشۋ بارىسىندا, سونداي-اق ۇشۋ الدىندا جانە ودان كەيىن ەكى ساعات ىشىندە ۇسىنادى. قىزمەت كورسەتۋ ءتيىستى ۇيىمنىڭ سۇراۋى بويىنشا كەز كەلگەن باسقا ۋاقىتتا ۇسىنىلادى.
19. اەروناۆيگاتسيالىق اقپارات قىزمەتتەرىن ۇيىمداستىرۋ كەزىندە, سونداي-اق اەروناۆيگاتسيالىق اقپاراتتى (دەرەكتەردى) قۇراستىرۋ, مازمۇنىن بەلگىلەۋ, وڭدەۋ جانە تاراتۋ كەزىندە ولاردى ءتيىمدى پايدالانۋعا اكەلەتىن ادامي فاكتورلاردىڭ اسپەكتىلەرى ەسكەرىلەدى.
اقپاراتتىڭ بۇتىندىگىن ەسكەرە وتىرىپ, ادامدار اراسىندا ءوزارا ءىس-قيمىل جاساۋ تالاپ ەتىلگەن جاعدايلاردا, جانە تاۋەكەل فاكتورلارى انىقتالعان كەزدە ولاردى جويۋ بويىنشا شارالار قولدانىلادى.
2. اۋە كەمەلەرىن پايدالانۋشىلاردى اەروناۆيگاتسيالىق اقپاراتپەن قامتاماسىز ەتۋ ءتارتىبى
پاراگراف 1. اەروناۆيگاتسيالىق اقپاراتتار جيناعى (AIP)
20. AIP ستاندارتتالعان ەلەكتروندىق دەرەكتەردى ساقتاۋ مەن ىزدەۋ مۇمكىندىگى ءۇشىن سايكەستەندىرىلگەن بەلگىلەرمەن جابدىقتالعان ءۇش بولىمدەر, تاراۋلار جانە بولىمشەلەرمەن قامتىلعان.
21. AIP-تىڭ «جالپى ەرەجەلەر» (GEN) 1-بولىمىندە ءار ءبولىمىنىڭ ءتيىستى ورىندارىندا مىنالار قامتىلعان:
1) اەروناۆيگاتسيالىق قۇرالدارعا,قىزمەت كورسەتۋگە جانە پروتسەدۋرالارعا جاۋاپتى قۇزىرەتتى ورگاننىڭ اتاۋى, ولار تۋرالى اقپاراتتار AIP ساقتالعان;
2) حالىقارالىق پايدالانۋ ءۇشىن قىزمەت كورسەتۋدى نەمەسە قۇرالداردى ۇسىنۋدىڭ جالپى تالاپتارى;
3) ۇلتتىق قاعيدالار مەن مەملەكەت تاجىريبەسى مەن پايدالانۋشىعا مەملەكەت تالاپتارى جانە يكاو-نىڭ ءتيىستى تالاپتارى اراسىنداعى ايىرماشىلىقتى جىلدام بەلگىلەۋگە مۇمكىندىك بەرەتىن يكاو-نىڭ ۇسىنىلاتىن تاجىريبەسىنىڭ ءتيىستى ستاندارتتارى اراسىنداعى ماڭىزدى ايىرماشىلىقتار تىزبەسى.
سحەمالار, كارتالار نەمەسە دياگراممالار قاجەت بولعان جاعدايدا, تولىقتىرۋ ءۇشىن نەمەسە كەستەنىڭ نەمەسە AIP ءماتىنىنىڭ ورنىنا قولدانىلادى.
22. ءاربىر AIP دەربەس قۇجات بولىپ تابىلادى جانە كىرىسپەسى بولادى.
23. ءاربىر AIP-تا قامتىلعان نەمەسە باسقا كوزدەردەگى اقپاراتتار قايتالانبايدى.
24. ءاربىر AIP-تىڭ كۇنى كورسەتىلەدى. ەگەر AIP قوسىمشا سالىنعان پاراقتار رەتىندە جاريالانسا, ءاربىر بەتىنىڭ كۇنى كورسەتىلەدى. كۇنى, ايى (اتاۋى) جانە جىلى كورسەتىلگەن كۇن اقپاراتتىڭ جاريالانعان كۇنى نەمەسە كۇشىنە ەنگەن كۇنى بولىپ تابىلادى.
25. پايدالانۋشىعا جيناق اقپاراتىنىڭ جاڭارۋىنا كومەكتەسۋ ءۇشىن AIP سەرياسىنىڭ ءار بەتىنىڭ قولدانىلاتىن كۇندەرىنىڭ سوڭعى تىزبەسى ۇنەمى باسىلىپ شىعارىلادى. بەتتىڭ نومىرى/كارتانىڭ اتاۋى جانە سوڭعى تىزبەنىڭ شىعۋ كۇنى ەڭ سوڭعى تىزبەدە كورسەتىلەدى.
26. ءاربىر AIP جانە قوسىمشا بەتتەر رەتىندە شىعارىلاتىن جيناقتىڭ ءار بەتىندە مىنالار ناقتى كورسەتىلگەن ەسكەرتپەلەر بولادى:
1) AIP بەلگىسى;
2) وسى جيناقتا قىمتىلعان اۋماق, جانە قاجەت بولعان جاعدايدا, بۇل اۋماقتىڭ بولىكتەرى;
3) جيناقتى شىعاراتىن مەملەكەتتىڭ, اتاۋى, جانە جيناقتى باسىپ شىعاراتىن ۇيىمنىڭ نەمەسە ورگاننىڭ اتاۋى;
4) بەتتەردىڭ نومىرى/كارتالاردىڭ اتاۋى;
5) ەگەر اقپارات كۇمان تۋدىرسا, دۇرىستىعىنىڭ دارەجەسى.
27. AIP-قا بارلىق وزگەرىستەر نەمەسە قايتا باسىلىپ شىعارىلعان بەتتەردەگى جاڭا اقپارات ەسكەرتپەمەن ناقتى كورسەتىلەدى جانە تىركەلەدى.
28. AIP-قا ەنگىزىلگەن پايدالانۋ سيپاتتاعى ماڭىزدى وزگەرىستەر AIRAC قاعيدالارىنا سايكەس جاريالانادى جانە AIRAC قىسقارتۋلارىمەن ناقتى بەلگىلەنەدى.
29. AIP ولاردى جاڭارتۋ ءۇشىن قاجەتتى تۇراقتى ۋاقىت ينتەرۆالىن ساقتاپ وزگەرتىلەدى نەمەسە قايتا باسىپ شىعارىلادى.
30. AIP-قا تۇراقتى وزگەرىستەر AIP-قا تۇزەتۋلەر رەتىندە جاريالانادى.
31. AIP-قا ءاربىر تۇزەتۋگە جۇيەدى نومىردە رەتتىك ءنومىر بەرىلەدى.
32. باس بەتتى قوسا, AIP-قا تۇزەتۋلەردىڭ ءاربىر بەتىندە جاريالانعان كۇنى كورسەتىلەدى.
33. باس بەتتى قوسا, AIP-قا تۇزەتۋلەردىڭ ءاربىر بەتىندە AIRAC سايكەس كۇشىنە ەنگەن كۇنى كورسەتىلەدى. كۇشىنە ەنگەن كۇنى 0000 UTC-دان وزگە ۋاقىت كورسەتىلگەن جاعدايلاردا, بۇل ۋاقىت باس بەتىندە كورسەتىلەدى.
34. AIP-كە تۇزەتۋلەر شىعارىلعان جاعدايدا, تۇزەتۋگە ەنگىزىلگەن اەروناۆيگاتسيالىق اقپاراتتىڭ بىرىكتىرىلگەن پاكەتىنىڭ سول ەلەمەنتتەرىنىڭ رەتتىك نومىرلەرىنە سىلتەمە قوسىلادى, ەگەر وندايلار بولسا.
35. AIP-قا تۇزەتۋلەردىڭ باس بەتىندە تۇزەتۋلەردە قوزعالعان ماسەلەلەر قىسقاشا تۇردە كورسەتىلەدى.
36. AIP-قا تۇزەتۋلەر بەلگىلەنگەن ۋاقىت ارالىعىندا نەمەسە جاريالاۋ كۇنىنە سايكەس جاريالانبايتىن بولسا, وندا بۇنداي جاعدايدا, قولدانىستاعى Nوتام تىزبەسىن اشىق ماتىندە اي سايىن جاريالاۋ ارقىلى NIL حابارلاماسى شىعارىلادى جانە جاريالانادى.
37. ۇزاقمەرزىمدى سيپاتتاعى ۋاقىتشا وزگەرىستەر (3 اي نەمەسە ودان كوپ) جانە اۋقىمدى ماتىندىك جانە/نەمەسە گرافيكالىق ماتەريالداردى قامتيتىن قىسقامەرزىمدى سيپاتتاعى اقپارات AIP-قا تولىقتىرۋلار رەتىندە جاريالانادى.
38. AIP-قا ءاربر تولىقتىرۋعا كۇنتىزبەلىك جىل بويى كەزەكپەن ءوسىپ وتىراتىن رەتتىك ءنومىر بەرىلەدى.
39. AIP-قا قوسىمشالاردىڭ بەتتەرى AIP-تا ساقتالادى, ولاردىڭ مازمۇنى تولىق نەمەسە جارتىلاي كۇشىندە قالعانعا دەيىن.
40. AIP-قا قوسىمشادا قاتە تابىلعان كەزدە نەمەسە AIP-قا تولىقتىرۋلاردىڭ ارەكەت ەتۋ كەزەڭى وزگەرتىلگەن جاعدايدا, ونىڭ ورنىنا AIP-قا جاڭا تولىقتىرۋلار شىعارىلادى.
41. AIP-قا تولىقتىرۋلار Nوتام-نىڭ ورنىنا تاراتىلعاندا, وعان Nوتام-نىڭ رەتتىك نومىرىنە سىتەمە قوسىلادى.
پاراگراف 2. اەروناۆيگاتسيالىق اقپاراتتىڭ نۇسقاۋحاتى (AIC)
42. اIس مىنالارعا جاۋاپ بەرەمەيتىن اەروناۆيگاتسيالىق اقپاراتتى تاراتۋ قاجەت بولعاندا, بارلىق جاعدايلاردا قۇراستىرىلادى:
1) AIP-قا ەنگىزۋگە قاتىستى وسى قاعيدانىڭ 2-تاراۋىنىڭ 1-پاراگرافىندا باياندالعان تالاپتارعا;
2) Nوتام قۇراستىرۋعا قاتىستى وسى قاعيدانىڭ 2-تاراۋىنىڭ 8-پاراگرافىندا باياندالعان تالاپتار.
43. اIس مىنالاردى تاراتقاندا قۇراستىرىلادى:
1) زاڭنامانىڭ, ۇيعارىمنىڭ نەمەسە قۇرالداردىڭ كەز كەلگەن بىرقاتار وزگەرىستەرنە قاتىستى ۇزاقمەرزىمدى بولجام;
2) ۇشۋ قاۋىپسىزدىگىنە ىقپال ەتەتىن ناقتى تۇسىندىرمە نەمەسە كونسۋلتاتسيالىق سيپاتتاعى اقپارات;
3) تەحنيكالىق, زاڭنامالىق نەمەسە تەك اكىمشىلىك ماسەلەلەرگە قاتىستى تۇسىندىرمە نەمەسە كونسۋلتاتسيالىق سيپاتتاعى اقپارات نەمەسە حابارلاما.
44. وسى قاعيدانىڭ 43-تارماعىندا كورسەتىلگەن اقپاراتقا جاتادى:
1) اەروناۆيگاتسيالىق قاعيدالاردىڭ, قىزمەت كورسەتۋدىڭ جانە قۇرالداردىڭ ماڭىزدى وزگەرىستەرىنە قاتىستى بولجامدار;
2) جاڭا ناۆيگاتسيالىق جۇيەلەردى قاتارعا ەنگىزۋگە قاتىستى بولجامدار;
3) ۇشۋ قاۋىپسىزدىگىنە قاتىسى بار اۆياتسيالىق وقيعالار/جاعدايلاردى تەكسەرۋ ناتيجەسىندە الىنعان ماڭىزدى اقپارات;
4) زاڭسىز ارالاسۋ اكتىلەرىنەن حا
• 22 تامىز, 2015
قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ بۇيرىعى №169
سوڭعى جاڭالىقتار
الماتىدا جەتكىزۋ قىزمەتتەرىنە تالاپ كۇشەيەدى
قوعام • بۇگىن, 23:48
قاراعاندىداعى تاۋ-كەن كاسىپورنىنا 4 ملن تەڭگە ايىپپۇل سالىندى
ايماقتار • كەشە
ارام اقشاعا قۇنىققان الاياق التى جىلعا سوتتالدى
قوعام • كەشە
ەلىمىزدىڭ ءۇش وڭىرىندە اۋا رايىنا بايلانىستى جولدار جابىلدى
اۋا رايى • كەشە
جاڭا كونستيتۋتسيا جانە ۇلت ساۋلىعى: ساراپشى كوزقاراسى
اتا زاڭ • كەشە
ءبىلىم ساپاسىن ارتتىرۋدىڭ جاڭا مۇمكىندىگى
ءبىلىم • كەشە
ەرتەڭ استانادا ءبىرىنشى اۋىسىم وقۋشىلارى قاشىقتان وقيدى
اۋا رايى • كەشە
الداعى كۇندەرى ەل اۋماعىندا اياز كۇشەيەدى
اۋا رايى • كەشە
