تاجىكستاندا حيدجاب كيگەندەر قاتاڭ باقىلاۋعا الىنباق

استانا. 31 ناۋرىز. تاجىكستانداعى حودجاند قالاسىنىڭ مەرى رادجاب احمادزودا شۇعىل جيىن وتكىزىپ, وعان ءتيىستى بولىمدەر مەن يوگا ءدىنىنىڭ قىزمەتكەرلەرى قاتىستى. بۇل تۋرالى news.tj حابارلادى. جيىندا قالا مەرى قۇقىق قورعاۋ قىزمەتكەرلەرىنە قاتاڭ تاپسىرما جۇكتەدى. وندا ءداستۇرلى ءدىندى ۇستاناتىن جاستار مەن ايەلدەردىڭ ءجۇرىس-تۇرىسىن, حيدجاب كيۋ ۇلگىسىن باقىلاۋدا ۇستاۋ قاجەتتىگى ايتىلدى. تۇرعىنداردىڭ ەكسترەميستىك اعىمنىڭ جەتەگىنە ەرىپ كەتپەۋىن قامتاماسىز ەتىپ, ۇلتتىق ۇلگىدە كيىنىپ ءجۇرۋىن تاپسىردى. سونداي-اق, قالا باسشىلىعى ارنايى رەيد ۇيىمداستىرىپ, ءتىپتى بازارلارداعى كيىم ساۋداسىن نازاردا ۇستاۋ قاجەتتىگىن ەسكەرتتى. ماسەلەن, يران مەن اۋعانىستاننان اكەلىنەتىن كيىمدەردى ساتپاۋعا تىيىم سالۋدى تاپسىردى. ال قالالىق ىشكى ساياسات ءبولىمى مەن يوگا ءدىن ىستەرى قىزمەتكەرلەرى ءار جۇما سايىن مەشىتتەرگە بارىپ حانيفا مازحابىنداعىلاردىڭ «سالافي» اعىمىنا ءوتىپ كەتپەگەندىگىن انىقتاۋ جونىندە تاپسىرما الدى. سانىمەن قاتار, قالا مەرى قىز-كەلىنشەكتەرمەن كەزدەسۋ ۇيىمداستىرىپ, ۇلتتىق مادەنيەتكە ساي كەلەتىن كيىم ۇلگىسىن كيۋدى ناسيحاتتاۋ قاجەتتىگىن ءتيىستى ورىندارعا تاپسىردى. جيىندا كوتەرىلگەن ماسەلەلەر اقپارات قۇرالدارى ارقىلى تاراتىلاتىن بولدى. تالعات رايىمبەك. دەرەك, سۋرەت: news.tj.