ەلشىمەن ەكىجاقتى اڭگىمە

كەشە قازاقستان رەسپۋبليكاسى پارلامەنتى سەناتىنىڭ توراعاسى قاسىم-جومارت توقاەۆ پولشانىڭ قازاقستانداعى ەلشىسى ياتسەك كليۋچكوۆسكيدى قابىلدادى, ول جوعارى دەڭگەيدەگى پارلامەنتتىك الماسۋلاردى ۇدەتۋدىڭ ماڭىزى تۋرالى ايتتى. پولشا سەناتىنىڭ توراعاسى (مارشالى) ب.بورۋسەۆيچتىڭ تىلەگى ەسكەرىلىپ, ونىڭ بيىل قازاقستانعا رەسمي ساپارىن ۇيىمداستىرۋ تۋرالى ۋاعدالاستىققا قول جەتكىزىلدى. پولشا ەلشىسىنىڭ وتىنىشىنە وراي سەنات توراعاسى قازاقستانداعى سايلاۋ الدىنداعى جاعداي, «نۇرلى جول» باعدارلاماسىن ىسكە اسىرۋ بارىسى, قازاقستان حالقى اسسامبلەياسىنىڭ الداعى 20 جىلدىعىن مەرەكەلەۋ جايىن تانىستىردى. ق.توقاەۆ مەملەكەت باسشىسى ن.نازارباەۆتىڭ «نۇر وتان» سەزىندە جاريا ەتكەن بەس ينستيتۋتتىق رەفورمانىڭ مازمۇنىنا ەرەكشە نازار اۋداردى. ول, سونداي-اق, ايماقتاعى احۋال تۋرالى ءوز ويلارىمەن ءبولىسىپ, ەۋرازيالىق ەكونوميكالىق وداق جانە شانحاي ىنتىماقتاستىق ۇيىمىنىڭ قىزمەتى تۋرالى ەلشىنى حاباردار ەتتى. پولشا ەلشىسى قازاقستان حالقى اسسامبلەياسىنىڭ جۇمىسىن جوعارى باعالادى, ونىڭ پىكىرىنشە, قىزمەتى كوپۇلتتى قازاقستان حالقىنىڭ بىرتۇتاستىعىن نىعايتۋعا باعىتتالعان اسسامبلەيا ماڭىزدى ينستيتۋتقا اينالدى. مەملەكەت باسشىسى باسقاراتىن قازاقستان حالقى اسسامبلەياسىنىڭ ءتيىمدى جۇمىسى, مىڭداعان پولياك دياسپوراسىنىڭ مۇددەلەرى ەسكەرىلگەنى كورىنىس تاۋىپ وتىرعانى اتاپ ءوتىلدى. يا.كليۋچكوۆسكيدىڭ پىكىرىنشە, قازاقستاندا جۇرگىزىلىپ كەلە جاتقان سىندارلى ۇلتتىق ساياسات الەمنىڭ ءتۇرلى ايماقتارىنداعى كۇردەلى وقيعالاردىڭ اياسىندا اسا ماڭىزدى بولىپ تابىلادى, دەپ حابارلادى قازاقستان رەسپۋبليكاسى پارلامەنتى سەناتىنىڭ ءباسپاسوز قىزمەتى.