نان باعاسى قىمباتتاماۋى ءتيىس

پرەمەر-ءمينيستردىڭ ءبىرىنشى ورىنباسارى ومىرزاق شوكەەۆتىڭ توراعالىق ەتۋىمەن سەلەكتورلىق كەڭەس ءوتتى. كۇن ءتارتىبى ەلىمىزدەگى ازىق-ت ۇلىك باعاسى جايىندا ءوربىدى. اتالعان جيىندى ءو.شوكەەۆ پرەمەر-ءمينيستردىڭ تاپسىرماسى بويىنشا وتكىزىپ وتىرعانىن ايتا كەلە, بۇگىنگى تاڭداعى دەرەكتەر بويىنشا بىرقاتار وبلىستاردا ازىق-ت ۇلىكتىڭ, سونىڭ ىشىندە نان-توقاش ونىمدەرىنىڭ باعاسىنىڭ قىم­باتتاپ جاتقانىن, الايدا, جالپىلاي العاندا ەلىمىزدە ازىق-ت ۇلىك باعا­سىنىڭ قىمباتتاۋىنا ەشقانداي دا دا العىشارتتار جوق ەكەنىن ايتتى. سونداي-اق ول جەرگىلىكتى بيلىك ورگاندارىنىڭ دەلدالدارعا باقىلاۋ ورناتا الماۋى وڭتۇستىك قازاقستان جانە جامبىل وبلىستارىنداعى نان باعاسىنىڭ قىمباتتاۋىنا اكەلىپ وتىرعانىن دا نازاردان تىس قال­دىر­مادى. اۋىل شارۋاشىلىعى ءمينيسترى اقىلبەك كۇرىشباەۆ وڭتۇستىك قا­زاقستان جانە جامبىل وبلىستارىن قوسپاعاندا وزگە وڭىرلەردە ناننىڭ باعاسى تۇراقتى ەكەنىن تىلگە تيەك ەتتى. ال اتالعان قوس وبلىستا ءبىر ءبول­كە ناننىڭ باعاسى 5-7 تەڭگەگە قىمباتتاعان. ءمينيستردىڭ ايتۋىن­شا, بۇگىنگى كۇندە ءبىر توننا اس­تىق­تىڭ باعاسى 15-16 مىڭ تەڭگەدەن 20-21 مىڭ تەڭگەگە دەيىن وسسە, ەلىمىز­دەگى ۇن وندىرەتىن بارلىق جۇيە قۇ­رۋشى كاسىپورىندار سوڭعى ايلاردا جوعارعى سورتتى ۇننىڭ باعاسىن نەبارى 2 تەڭگەگە, ءبىرىنشى سورتتى ۇندى 3 تەڭگەگە كوتەرگەن. سونداي-اق, ءوز سوزىندە ا.كۇرىشباەۆ ۇن باعا­سىنىڭ از عانا قىمباتتاعانى نان باعاسىنىڭ كۇرت وسۋىنە نەگىز بولىپ تابىلمايدى, دەدى. وتىرىستا ءبىرىنشى ۆيتسە-پرە­مەر ومىرزاق شوكەەۆ باسە­كە­لەستىكتى قورعاۋ اگەنتتىگىنە وڭتۇستىك قازاقستان جانە جامبىل وبلىس­تارى اكىمدىكتەرىمەن بىرىگىپ, وسى وڭىرلەردە نان باعاسىنىڭ نەگىزسىز قىمباتتاعانىنىڭ بايىبىنا با­رۋدى تاپسىردى. – ناننىڭ باعاسى قىم­باتتاماۋى ءتيىس. ال, باعا ساياسا­تىن تۇراقتاندىرۋ ءۇشىن شارا قا­بىلداماعان اكىمدەرگە تارتىپتىك جازا قولدانىلاتىن بولادى, – دەپ قاداپ ايتتى ومىرزاق ەستاي ۇلى. ءابدىراحمان قىدىربەك.