جەڭىل اتلەتشىلەرىمىز شاردجدا جاقسى ونەر كورسەتتى

استانا. 4 اقپان. قازاقستاندىق پاراليمپياداشىلار بىرىككەن اراب امىرلىگىنىڭ شاردج قالاسىندا وتكەن جەڭىل اتلەتشىلەر اراسىنداعى حالىقارالىق تۋرنيردەن 3 التىن, 5 كۇمىس, 9 قولا مەدالدى جەڭىپ الدى. بۇل تۋرالى «دەنە مۇمكىندىكتەرى شەكتەۋلى تۇلعالارعا ارنالعان سپورتتىق دايارلاۋ ورتالىعى» حابارلادى. سپورتشىلارىمىز شاردجعا شيرىعىپ بارعان ەكەن. سپورتشىلارىمىز ەكى كۇندە تابانى كۇرەكتەي 17 مەدالدى ۋىستاپ شىقتى. اسىرەسە, ۇزىندىققا سەكىرۋ مەن قىسقا قاشىقتىققا جۇگىرۋدە قازاقستاننىڭ كوك تۋىن ماعجان نۇرلىباەۆ قايتا-قايتا جەلبىرەتتى. ەلىمىزدىڭ قورجىنىنا 3 التىندى دا ماعجاننىڭ ءبىر ءوزى سالدى. سونداي-اق, امانات قالقاەۆ, اينۇر تايجانوۆا, الەكسەي لۋكۋتين, بيسلان گەبەرتاەۆ, يسلام ساليموۆ سىندى سپورتشىلار نامىستى قولدان بەرمەۋگە بارىن سالدى. شاردج باسەكەسىندە ءبىزدىڭ ەلدىڭ 7 سپورتشىسى الەم چەمپيوناتىنىڭ ءنورماتيۆىن ورىندادى. جەڭىمپازدار مەن جۇلدەگەرلەردىڭ تولىق ءتىزىمى تومەندەگىدەي. نۇرلىباەۆ ماعجان – التىن مەدال (100 مەترگە جۇگىرۋدەن – 0:11,74 سەك.) نۇرلىباەۆ ماعجان – التىن مەدال (200 مەترگە جۇگىرۋدەن. – 0:24,34 سەك.) نۇرلىباەۆ ماعجان – التىن مەدال (ۇزىندىققا سەكىرۋدەن – 5 م.16 سم.) امانات قالقاەۆ – كۇمىس مەدال (100 مەترگە جۇگىرۋدەن – 0:12,69 سەك.) امانات قالقاەۆ – قولا مەدال (200 مەترگە جۇگىرۋدەن – 0:27,01 سەك.) امانات قالقاەۆ – قولا مەدال (ۇزىندىققا سەكىرۋدەن – 5 م. 45 سم.) اينۇر تايجانوۆا – كۇمىس مەدال (يادرو لاقتىرۋدان – 7 م.06 سم.) اينۇر تايجانوۆا – قولا مەدال (ديسك لاقتىرۋدان – 19 م.53 سم.) الەكسەي لۋكۋتين – كۇمىس مەدال (ديسك لاقتىرۋدان – 17 م. 42 سم.) يسلام ساليموۆ – قولا مەدال (200 مەترگە جۇگىرۋدەن – 0:24,79 سەك.) يسلام ساليموۆ – قولا مەدال (400 مەترگە جۇگىرۋدەن – 0:55,47 سەك.) يسلام ساليموۆ – قولا مەدال (ۇزىندىققا سەكىرۋدەن – 6 م. 11 سم.) سەرگەي حارلاموۆ – قولا مەدال (100 مەترگە جۇگىرۋدەن. – 0:13,63 سەك.) بەيبارىس بولات – قولا مەدال (100 مەترگە جۇگىرۋدەن – 0:13,21 سەك.) بيسلان گەبەرتاەۆ – كۇمىس مەدال (100 مەترگە جۇگىرۋدەن – 0:11,94 سەك.) بيسلان گەبەرتاەۆ – كۇمىس مەدال (ۇزىندىققا سەكىرۋدەن – 5 م. 65 م.) پاۆەل سيدورچۋك – قولا مەدال (ديسك لاقتىرۋدان – 36 م.07 سم.) جولدىباي بازار. دەرەك, سۋرەت: «دەنە مۇمكىندىكتەرى شەكتەۋلى تۇلعالارعا ارنالعان سپورتتىق دايارلاۋ ورتالىعىنىڭ» ءباسپاسوز قىزمەتى.