ابايلاڭىز, الاياقتىق

قۇقىق قورعاۋ ورگاندارى انىقتاعانداي, اعىمداعى جىلدىڭ 26 ناۋرىزىنان باستاپ ءارتۇرلى ەلەكتروندىق پوشتالاردان (www.prokuror.gov.kz@mail.ru, service@prokuror.kz جانە ت.ب.) باس پروكۋراتۋرانىڭ اتىنان كەلەسى مازمۇنداعى جالعان حاتتار جولدانىپ وتىرعان: «سىزگە قازاقستان رەسپۋبليكاسى باس پروكۋراتۋراسىنىڭ 18.03.2015ج. №530491 الاياقتىق بويىنشا قوزعالعان قىلمىستىق ءىس بويىنشا تەرگەۋ ناتيجەلەرى تۋرالى اقپاراتتىڭ كوشىرمەسىن جولدايمىز. قوسىمشا: 4-پاراقتا». وسىعان وراي, قازاقستان رەسپۋبليكاسى باس پروكۋراتۋراسىنىڭ مۇنداي حاتتى دايىنداماعانىن جانە تاراتپاعانىن حابارلايمىز. اقپارات تاراتىلعان ەلەكتروندىق پوشتالار پروكۋراتۋرا ورگاندارىنا تيەسىلى ەمەس. مۇنداي حاتتاردى العان جاعدايدا ولاردى اشپاۋعا كەڭەس بەرەمىز, ويتكەنى, ولاردى الاياقتار قىلمىستىق ماقساتتاردا پايدالانىپ وتىر. سونداي-اق, فايلداردا كومپيۋتەر يەسىنىڭ مالىمەتتەر بازاسىن باسقارۋعا مۇمكىندىك بەرەتىن زياندى باعدارلامالار بولۋى مۇمكىن. سوندىقتان, باس پروكۋراتۋرا ازاماتتارعا مۇقيات بولۋدى جانە الاياقتاردىڭ ارباۋىنا ءتۇسىپ قالماۋدى سۇرايدى. وسىنداي حاتتار كەلگەن جاعدايدا باس پروكۋراتۋرانىڭ سەنىم تەلەفونىنا قوڭىراۋ سوعۋ قاجەت – 8 (7172) 71-26-20. قازىرگى ۋاقىتتا وسى دەرەك بويىنشا تەكسەرىس جۇرگىزىلۋدە. قازاقستان رەسپۋبليكاسىنىڭ باس پروكۋراتۋراسى.