تەڭدەسى جوق وتا

ءومىرىمدى ساقتاپ قالدى دەيدى ورال قالاسىنىڭ تۇرعىنى گازەتىمىزدىڭ ورال قالاسىنداعى ءتىلشى قوسىنىنا جاسى الپىستى القىمداپ قالعان ازامات كەلدى. ءوزىن تانىستىردى. اتى-ءجونى سامات بەكماعامبەتوۆ ەكەن. جاسى ەلۋدىڭ سەگىزىنە شىعىپتى. شارۋاڭىزدى ايتا وتىرىڭىز دەدىم مەن زامانى ءبىر جاسى ءوزىم قۇرالىپتاس ازاماتقا. ونىڭ ايتايىن دەگەن اڭگىمەسىنىڭ ۇزىن-ىرعاسى تومەندەگىدەي بولىپ شىقتى. ول باس ميىندا پايدا بولعان ىسىكتەن ءبىراز ۋاقىت قاتتى قينالىپ زارداپ شەگىپ كەلىپتى. ءتىپتى, ومىردەن كۇدەرىن ۇزگەندەي مازاسىز دا ازاپتى كۇي كەشەدى. ويتكەنى, باسىن قورعاسىنداي جايلاعان اۋىر دەرت ونىڭ جانىن قاي­دا قويارعا جەر تاپتىرمايدى. كۇندىز كۇلكى, تۇندە ۇيقىدان ايىرىلادى. وزىمەن ءوزى ىش­قىنىپ, تىستەنەدى. وعان قوي­ىلعان دياگنوز وتە اۋىر ءارى كۇردەلى بولعاندىقتان وب­لىستاعى ماماندار وتا جاساۋ ءۇشىن وعان ەلورداسى اس­تانادا ورنالاسقان ۇلتتىق نەي­روحيرۋرگيا ورتالىعىنا بارىپ ەمدەلۋگە جولداما بەرەدى. ءساتىن سالعاندا, ونىڭ مۇندا ومىردەن ۇزىلە باستاعان ءۇمىتى قايتا جال­عانادى. ساماتتىڭ ايتۋىنشا, اتالعان ورتالىقتاعى سەرىك اقشولاقوۆ باستاعان نەيروحيرۋرگتەر جاساعان تەڭدەسى جوق وتا ەلىمىزدە تۇڭعىش رەت ىسكە اسىپتى. ءبىز بۇل دەرەكتىڭ ءمانى­سىنە تەرەڭىرەك قانىعۋ ماق­ساتىندا ۇلتتىق نەيروحيرۋرگيا ورتالىعىنىڭ ءباسپاسوز قىزمەتى ماماندارىنا حابار­لاسقان ەدىك. «ەگەمەن» ارقى­لى ولارعا العىسى مەن ريزا­شىلىعىن جەتكىزۋدى قاجەت دەپ تاپقان, بۇگىندە دەرتىنەن مۇلدەم ايىققان جاننىڭ ايتقانى اينا-قاتەسىز راس بولىپ شىقتى. ناقتىراق ايتقاندا, باستىڭ سول جاق قۋىسىندا ونىڭ ماڭدايعا تۇيىسەتىن تۇسىندا پايدا بول­عان قاتەرلى ىسىكتى ميكروحيرۋرگيا جولىمەن سىلىپ تاس­تاۋ ءتاسىلى وتاندىق مەديتسينا تاريحىندا العاش رەت اتقا­رىلىپتى. بۇل ءۇشىن بۇعان دەيىن قولدانىلىپ كورمەگەن تىڭ ءتاسىل – نەيروناۆيگاتسيالىق جۇيە پايدالانىلىپتى. وتا­نىڭ مۇنداي تۇرىندە ناۋقاستىڭ سانا-سەزىمى سول كەزدە جوعالماي ساقتالادى ەكەن. ءيا, جاسىراتىن ەشتەڭەسى جوق, مامانداردىڭ ءمالىم­دەۋىنشە, ۇلتتىق ورتالىققا كەلگەن كەزدە سامات بەكما­عامبەتوۆتى قوس بىردەي قاتەر كۇتىپ تۇرىپتى.ونىڭ ءبىرىنشىسى, ومىرمەن قوشتاسۋ بولسا, ەكىن­شىسى, ءتىرى قالعان كۇننىڭ وزىندە دە عۇمىر بويى مۇگەدەك بولىپ قالۋ قاۋپى. دەگەنمەن, قازاقستاندىق بىلىكتى نەيروحيرۋرگتەر – سەرىك اقشولاقوۆ پەن نۇرجان رىسكەلديەۆتىڭ, ايدوس دوسقاليەۆ پەن عابيت ءىلياس ۇلىنىڭ جانە انەستەزيولوگتەر مارس نۇردينوۆ پەن باۋىرجان قوناقباەۆتىڭ كاسىبي شەبەرلىكتەرى ونى مۇنداي قاتەرلەردەن ساقتاپ قالىپتى. ەكى ساعاتقا سوزىلعان وتا جاقسى ناتيجە بەرىپتى. ماسەلە, وتانىڭ وتە كۇردە­لىلىگى مەن اسا نازىكتىگىندە. ونىڭ ۇستىنە بروك­كا ورتا­لى­عىنا تىم جاقىن ورنا­لاس­قانى دا ماسە­لە­نى قويۋ­لا­تا ءتۇسىپتى. جو­عا­رى­­دا اي­تىل­عانداي, نەي­رونا­ۆيگا­تسيا­لىق جۇيە قول­دانىل­ماعان جاع­دايدا پاتسيەنتتىڭ بەرى سال­عاندا ءومىر باقي مىلقاۋ بولىپ قالۋى دا ابدەن مۇمكىن ەكەن. ءارى وتا كەزىندە ناۋقاسقا نەي­روفيزيولوگيالىق باقىلاۋ ءبىر مەزگىلدە جۇرگىزىلىپ وتىر­عان. سونىمەن بىرگە وتا ءۇس­تە­لىن­دە جاتقان جانمەن نەيروحي­رۋرگتەر ءسوز سويلەۋ بايلانى­سىنا شىعۋ ارقىلى وعان ءتى­كەلەي باقىلاۋ جاساپ وتىر­عان. بۇل ءادىس ميداعى ءسوز قوز­عا­لىسى ورتالىعىنا زاقىم كەل­مەۋىنە سەپتىگىن تيگىزگەن. ءارى ناۋقاستىڭ ءومىر ساپاسىن ساق­­تاپ قالۋىنا وڭ ىقپال ەتكەن. «ەگەمەننەن» ەلگە كەل­گەن ازامات سامات بەكما­عام­بەتوۆتىڭ ويى ورنىقتى, پىكىرى بايىپتى ءسوزى سالماقتى ەكەنى دە بىردەن بايقالادى. ونىڭ جانارىندا ومىرگە قۇشتارلىقتىڭ سونبەس شوعى مازداپ تۇر. تەمىر قۇسايىن, «ەگەمەن قازاقستان». ورال.