تاراز. 20 تامىز. جامبىل وبلىسىنىڭ اكىمى ك.كوكىرەكباەۆ قىرعىز رەسپۋبليكاسى شۋ, تالاس وبلىستارىنىڭ گۋبەرناتورلارىمەن كەزدەستى. بۇل تۋرالى egemen.kz ءتىلشىسى حابارلادى.
قوس تاراپتىڭ وكىلدەرى ەۋرازيالىق ەكونوميكالىق وداقتىڭ تالاپتارى, تاۋار اينالىمى, جۇك تاسىمالى, كوشى-قون ماسەلەلەرىن تالقىلادى. سونىمەن قاتار, تۋريستەر مەن كاسىپكەرلەرگە ءوز تيىمدىلىگىن كورسەتەتىن كەدەندىك كەدەرگىنىڭ جويىلۋىنا قاتىستى شەكارادا ورىن العان وزگەرىستەر دە نازاردان تىس قالعان جوق.
ەستەرىڭىزگە سالا كەتسەك, ۇستىمىزدەگى جىلدىڭ 12 تامىزى كۇنى قىرعىزستان ەۋرازيالىق ەكونوميكالىق وداقتىڭ بەسىنشى مۇشەسى رەتىندە قابىلدانىپ, قوس مەملەكەتتىڭ پرەزيدەنتتەرى سەگىز بىردەي كەدەن بەكەتىن رەسمي تۇردە الىپ تاستاعان بولاتىن. قازىر وداققا مۇشە مەملەكەتتەردىڭ اراسىن تەك شەكاراشىلار عانا كۇزەتۋدە.
ايتا كەتۋ كەرەك, قىرعىز رەسپۋبليكاسىنىڭ مەملەكەتتىك شەكاراسىنىڭ نەگىزگى بولىگى جامبىل وبلىسىنىڭ اۋماعىنان وتەدى. جالپى ۇزىندىعى – 716 شاقىرىم. ەكى ەل اراسىنداعى مەملەكەتتىك, ەكونوميكالىق جانە الەۋمەتتىك قاتىناستار وبلىس اۋماعىنداعى 7 باقىلاپ وتكىزۋ پۋنكتى ارقىلى اتقارىلادى. ولار قورداي, جامبىل, مەركى, تۇرار رىسقۇلوۆ اۋداندارىندا ورنالاسقان. سونداي-اق, 6 اۋدان – جامبىل, جۋالى, مەركى, ت. رىسقۇلوۆ, شۋ جانە قورداي شەكارالاس اۋماقتار بولىپ سانالادى.
ورالحان ءداۋىت.
دەرەك, سۋرەت: egemen.kz.
