تاراز. 20 تامىز. جامبىل وبلىسىنىڭ اۋىلشارۋاشىلىق ونىمدەرى تيەلگەن جۇك كولىكتەر كەرۋەنى ەلورداعا قاراي جول تارتتى. ديقاندار استانا قالاسىنا 24,5 ملن. تەڭگەنىڭ 115 توننا ءونىمىن اكەتتى. بۇل تۋرالى egemen.kz ءتىلشىسى حابارلادى.
«استانا قالاسىنىڭ اينالاسىندا ازىق-ت ۇلىك بەلدەۋىن قۇرۋ جونىندەگى ەلباسىنىڭ تاپسىرماسىن ورىنداۋ ماقساتىندا «قازاق حاندىعىنىڭ 550 جىلدىعىنا» وراي جامبىل وبلىسى اكىمدىگى مەن اۋىل شارۋاشىلىعى باسقارماسى جانە «تاراز» اكك» اق-نىڭ ۇيىمداستىرۋىمەن تامىز ايىنىڭ 22-ءسى مەن قىركۇيەك ايىنىڭ 22-ءسى ارالىعىندا استانا قالاسىندا اپتا سايىن اۋىل شارۋاشىلىعى جارمەڭكەسىن وتكىزۋ جوسپارلانعان, – دەيدى بۇل جونىندە جامبىل وبلىسى اكىمىنىڭ ورىنباسارى ابدالى نۇراليەۆ. – وسىعان وراي استانا قالاسىنا 10 توننا ەتى, 2 توننا ءسۇت, 5 توننا شۇجىق پەن 57 توننادان استام كوكونىس-باقشا ونىمدەرى جونەلتىلدى. ودان بولەك, وبلىستا وندىرىلەتىن باسقا دا اۋىل شارۋاشىلىعى تاۋارلارى, اتاپ ايتساق, ارا بالى, قىمىز, ماكارون ونىمدەرى, وسىمدىك مايى بار. 6 رەفريجەراتور كولىگىنە تيەلگەن تاۋارلاردى 30 ساتۋشى الداعى دەمالىس كۇندەرى استانا قالاسىنىڭ تۇرعىندارىنا 15-20 پايىز تومەن باعامەن ۇسىناتىن بولادى.
ورالحان ءداۋىت.
دەرەك: egemen.kz.
سۋرەت: اقادىل رىسماحان.
