پەتروپاۆلدا زاڭسىز ويىن بيزنەسىن ۇيىمداستىرعان شەتەلدىك ۇستالدى

پەتروپاۆل. 30 ماۋسىم. وبلىس ورتالىعىنداعى بازارلاردىڭ بىرىندە قۇمار ويىن ارقىلى ادامداردى الداپ,  پايدا تاپپاق بولعان رەسەيلىك ازامات قۇرىقتالدى. بۇل تۋرالى ءوىىد-ءنىڭ ءباسپاسوز قىزمەتى حابارلادى. تەپسە, تەمىر ۇزەتىن جاستاعى جاس جىگىت رەسەيدىڭ ۋرال وڭىرىنەن كەلىپتى. ءوزىنىڭ ايتۋىنشا, قالتاسىنداعى قاراجاتى جۇقارىپ قالعان سوڭ امالسىزدان ويىن بيزنەسىمەن اينالىسقان كورىنەدى. اۋزى اڭقيعان اڭقاۋ ادامداردى حالىق كوپ جۇرەتىن بازارلاردىڭ بىرىنەن تاۋىپ, «شاريك-ماليك» ويىنىنا تارتقان. كونگە كەمىندە 500 تەڭگە سالۋدى مىندەتتەپ, ويماق استىنا جاسىرعان زاتتىڭ وپ-وڭاي تابىلاتىن ايتىپ, قۇمارپازداردىڭ دەلەبەسىن قوزدىرا تۇسكەن. ويىنعا قاتىسۋشىلاردىڭ ايتۋىنشا, قانجىعاسى از مايلانباسا كەرەك. ەندى ول بيزنەس ويىنىن زاڭسىز ۇيىمداستىرعانى ءۇشىن اكىمشىلىك جازاعا تارتىلىپ, 400 مىڭ تەڭگە كولەمىندە ايىپپۇل تولەيتىن بولادى. جىل باسىنان بەرى وبلىس ورتالىعىندا وسىنداي زاڭ بۇزۋشىلىققا بارعان 4 ادامعا اكىمشىلىك شارا قولدانىلىپتى. ءومىر ەسقالي. دەرەك, سۋرەت: سولتۇستىك قازاقستان وبلىستىق ءىىد-ءنىڭ ءباسپاسوز قىزمەتى.