*پرەزيدەنت پوشتاسىنان
ەلباسى اتىنا كەلىپ جاتقان حاتتار مەن جەدەلحاتتاردىڭ نەگىزگى ايتارى وسى
پرەزيدەنت سايلاۋىن وتكىزۋ تۋرالى شەشىمگە قولداۋ بىلدىرگەن جانە نۇرسۇلتان نازارباەۆتىڭ ءوز كانديداتۋراسىن ۇسىنۋعا كەلىسۋىن وتىنگەن حاتتار مەن جەدەلحاتتار لەگى كەلۋىن جالعاستىرۋدا, دەپ حابارلادى پرەزيدەنتتىڭ ءباسپاسوز قىزمەتى. مەملەكەت باسشىسىنىڭ اتىنا ەڭبەك ۇجىمدارىنان, قوعامدىق بىرلەستىكتەردىڭ مۇشەلەرىنەن, مەديتسينا قىزمەتكەرلەرىنەن, ءبىلىم بەرۋ سالاسىنىڭ وكىلدەرىنەن, سونداي-اق, ەلدىڭ ءتۇرلى ءوڭىرلەرىندەگى تۇرعىنداردان نۇرسۇلتان نازارباەۆتىڭ الداعى سايلاۋعا قاتىسۋىن وتىنگەن حاتتار لەگى تولاسسىز كەلىپ تۇسۋدە. اتاپ ايتقاندا, ەكىباستۇز قالاسىنان «بوگاتىر كومىر» جشس مىڭداعان ادامدىق ەڭبەك ۇجىمى ەلباسىنىڭ باسشىلىعىمەن قازاقستان الەمدىك قوعامداستىقتىڭ ەليتاسىنا كىرىپ, ءوز ورنىن مىقتاپ بەكىتكەنىن ايتادى. «ءبىز ءوز ەلىمىزدى ماقتان ەتەمىز جانە ونىڭ قۋاتىن ودان ءارى ارتتىرا بەرۋگە نيەتتىمىز. ءبىز ءسىزگە سەنەمىز. ءسىز كوپۇلتتى ەلىمىزدە تاتۋلىقتى, كەلىسىم مەن تۇراقتىلىقتى قامتاماسىز ەتتىڭىز, بۇل بۇكىل الەمگە ايقىن. بىزدەر, كەنشىلەر, ءسىزدىڭ ساياساتىڭىزدى قولداپ, سىزگە سەنە وتىرىپ, قازاقستان رەسپۋبليكاسى پرەزيدەنتىنىڭ الداعى سايلاۋىنا ءتۇسۋىڭىزدى سۇرايمىز», – دەلىنگەن حاتتا. استانا قالاسىنداعى «تاۋ-كەن التىن» جشس اففيناج زاۋىتىنىڭ جۇمىسشىلارى مەملەكەت باسشىسىنىڭ جۇرگىزگەن ساياساتىنىڭ ارقاسىندا ولار يننوۆاتسيالىق كاسىپورىنداعى قىزىقتى جۇمىسقا كىرىسكەندەرىن ايتادى. «ءبىز بۇگىن پرەزيدەنتتىك سايلاۋعا ءوزىڭىزدىڭ قاتىسۋىڭىزدى سۇرايمىز, ءويتكەنى, ءسىز ەلدەگى تۇراقتىلىق پەن تاتۋلىقتىڭ كەپىلىسىز», – دەپ جازادى اۆتورلار. «قاراعاندى مەتالل كونسترۋكتسيالار زاۋىتى – يمستالكون» جشس ۇجىمى پرەزيدەنت سايلاۋىن وتكىزۋ تۋرالى جاڭالىقتى ىقىلاسپەن قابىلداعانىن حابارلايدى. «بۇگىنگى تابىستار قۋاتتى وندىرىستىك الەۋەت پەن بىلىكتى ءارى ءبىلىمدى پەرسونال بولعان كەزدە عانا مۇمكىن بولادى. تابيعي رەسۋرستارىمىزدى, دامىعان ونەركاسىبىمىزدى ساۋاتتى پايدالانۋدىڭ, كۇشتى ءبىلىم مەن عىلىمنىڭ ارقاسىندا بىزدە وسىنىڭ ءبارى بار. بىراق كوشباسشىنىڭ باستى ءرولىن ءسىز اتقارىپ وتىرسىز. الداعى سايلاۋعا قاتىسۋىڭىزدى سۇرايمىز. ءبىز سىزگە سەنەمىز جانە كانديداتۋراڭىزدى قولدايمىز», – دەلىنگەن حاتتا. پاۆلودار قالاسىنان «كومپانيا نەفتەحيم LTD» جشس قىزمەتكەرلەرى ءوز كاسىپورىندارى قازاقستان پرەزيدەنتى باستاماشى بولعان كاسىپكەرلىك كلاستەردى دامىتۋدىڭ ناقتى مىسالدارىنىڭ ءبىرى بولىپ سانالاتىنىن اتاپ وتكەن. «وسى باعدارلامانىڭ ارقاسىندا ءبىز جاڭا ساپالى دەڭگەيگە كوتەرىلىپ, يننوۆاتسيالىق تەحنولوگيالاردى ەنگىزەمىز, ءوز ونىمدەرىمىزدى شىعارامىز. ءبىز ءسىزدىڭ كۇش-قۋاتىڭىز, مەملەكەتتىك جانە ساياسي قىزمەتتەگى باي تاجىريبەڭىز ەلىمىزدىڭ يگىلىگىنە ءالى ۇزاق قىزمەت ەتەتىنىنە سەنىمدىمىز. مەملەكەت باسشىسى لاۋازىمىنا كانديداتۋراڭىزدى ۇسىنۋعا كەلىسىمىڭىزدى سۇرايمىز», – دەلىنگەن حاتتا. «اقتوبە حروم قوسىندىلارى زاۋىتى» اق جۇمىسشىلارى جۇرگىزىلىپ جاتقان يندۋستريالىق ساياساتى مەن وتاندىق وندىرۋشىلەرگە كورسەتكەن قولداۋى ءۇشىن مەملەكەت باسشىسىنا العىس ايتقان. سونىڭ ارقاسىندا كاسىپورىن تۇراقتى دامىپ, سەرىكتەستىك بايلانىستارى مەن وتكىزۋ نارىقتارىن كەڭەيتۋگە مۇمكىندىك الىپ وتىر. «ءسىزدىڭ ستراتەگياڭىز, ءسىزدىڭ باعدارلاماڭىز قاراپايىم ادامنىڭ مۇددەسىن كوزدەيدى, حالىققا ناعىز كەرەگى دە وسى. ولاردى جۇزەگە اسىراتىنىڭىزعا سەنەمىز. سوندىقتان ءبىزدىڭ ەڭبەك ۇجىمى قازاقستان پرەزيدەنتىنىڭ الداعى سايلاۋىندا كانديداتۋراڭىزدى ۇسىنۋ جونىندەگى ەل تىلەگىن قولداۋدى سۇرايدى. ءبىز ءسىزدىڭ شەشىمىڭىزدى قولدايمىز جانە سىزبەن بىرگە جەڭىسكە جەتەتىنىمىزگە سەنىمدىمىز», – دەلىنگەن حاتتا. اقسۋ قالاسىنان «ەۋروازيالىق ەنەرگەتيكالىق كورپوراتسيا» اق ۇجىمى نۇرسۇلتان نازارباەۆتىڭ تەڭگەرىمدى ساياساتىنىڭ ناتيجەسىندە قازاقستانداعى ءاربىر وتباسى مەملەكەت قامقورلىعىن سەزىنىپ وتىرعانىنا توقتالعان. «ءبىز ءبىرتۇتاس, تاتۋ وتباسى رەتىندە بەيبىتشىلىك پەن كەلىسىمدە ءومىر ءسۇرىپ جاتىرمىز. كوشباسشىمىزدىڭ ارقاسىندا قازاقستان مۇمكىندىكتەرى مەن بولاشاعى زور ەلگە اينالدى. ءبىز ءوز ەلىمىزدى, ءوز پرەزيدەنتىمىزدى جاقسى كورەمىز, وعان سەنەمىز. بىزدەر, ەنەرگەتيكتەر, الداعى پرەزيدەنت سايلاۋىنا قاتىسۋىڭىزدى سۇرايمىز», – دەپ جازادى اۆتورلار. «قازاقستان ينجينيرينگ» ۇك» اق جۇمىسشىلارى قۋاتتى مەملەكەتتىك قولداۋدىڭ ارقاسىندا كاسىپورىندارى تابىستى دامىپ, جىلدان جىلعا ءوندىرىس قارقىنىن ارتتىرىپ كەلە جاتقانىن حابارلايدى. «ءبىز الاڭسىز جۇمىس ىستەي الاتىنىمىزعا, لايىقتى تابىس تاباتىنىمىزعا, بالالارىمىزدى تاربيەلەپ, بولاشاققا سەنىممەن قارايتىنىمىزعا قۋانىشتىمىز. ءبىز ءسىزدى ءبىراۋىزدان قولدايمىز جانە پرەزيدەنتتىك سايلاۋعا ءتۇسۋىڭىزدى سۇرايمىز. قۋاتتى, گۇلدەنگەن قازاقستاندى سىزبەن عانا ەلەستەتە الامىز جانە ەلىمىزدىڭ بولاشاعىنا دەگەن ءۇمىت پەن سەنىمدى سىزبەن بايلانىستىرامىز», – دەلىنگەن حاتتا. «Astana Solar» جشس ۇجىمىنىڭ مۇشەلەرى مەملەكەت باسشىسىنىڭ ەكونوميكالىق جانە ساياسي رەفورمالار جۇرگىزۋگە باعىتتالعان ساياساتىنا سەنىم بىلدىرگەن. «ءبىزدىڭ ەلىمىزدە جۇمىسشى تاپ قازاقستان قوعامىن دامىتۋ ۇدەرىسىنە ۇلەس قوسا الۋى ءۇشىن بارلىق جاعداي جاسالۋدا. جاڭا ەكونوميكالىق جاعدايدا پرەزيدەنتتىك سايلاۋ وتكىزۋ جالپىعا ورتاق ەڭبەك قوعامى تۇجىرىمداماسىن ىسكە اسىرۋعا مۇمكىندىك بەرەدى دەپ سانايمىز. وسىعان وراي سىزدەن سايلاۋعا قاتىسۋدى جانە قازاقستاننىڭ يگىلىگى ءۇشىن قىزمەتىڭىزدى جالعاستىرۋدى سۇرايمىز», – دەپ جازادى اۆتورلار. اقتوبە قالاسىنان «ترانسەنەرگو» اق جۇمىسشىلارى نۇرسۇلتان نازارباەۆتىڭ – ەرەكشە ويلاۋ قابىلەتى, مۇقالماس جىگەرى مەن عالامات ەڭبەكقورلىعى بار كورەگەن ساياساتكەردىڭ باسشىلىعىنداعى قازاقستاننىڭ قازىرگى احۋالعا ارنالعان ءىس-قيمىل جوسپارى بار ەكەنىن اتاپ وتكەن. «بەلەڭ الىپ كەلە جاتقان ەكونوميكالىق قيىندىقتارعا بايلانىستى داعدارىسقا قارسى «نۇرلى جول» باعدارلاماسىن تابىستى جۇزەگە اسىرۋ ماقساتىندا ۇجىمنىڭ بارلىق مۇشەلەرى اتىنان ءسىزدىڭ الداعى سايلاۋعا قاتىسۋىڭىزدى سۇرايمىز. ءبىز ەلىمىزدىڭ ءوز كوشباسشىسىمەن بىرگە ودان ءارى دامۋى مەن گۇلدەنۋى ءۇشىن داۋىس بەرەمىز», – دەلىنگەن حاتتا. استانا قالاسىنان «لوكوموتيۆ قۇراستىرۋ زاۋىتى» اق ەڭبەك ۇجىمى پرەزيدەنتتىك سايلاۋ وتكىزۋ تۋرالى شەشىم جاڭا ەكونوميكالىق جاعدايدا بارلىق قازاقستاندىقتاردى تۇتاستىرۋعا, «نۇرلى جول» باعدارلاماسىن ءتيىمدى ءجۇزەگە اسىرۋعا جانە «قازاقستان-2050» ۇزاق مەرزىمدى ستراتەگياسىندا ايقىندالعان باعدارمەن جۇرۋگە مۇمكىندىك بەرەتىنىن ايتادى. «سىزدەن سايلاۋعا قاتىسۋىڭىزدى جانە ەلىمىزدى دامىتۋ مەن وركەندەتۋ جولىنداعى قىزمەتىڭىزدى جالعاستىرۋدى سۇرايمىز», – دەپ جازادى اۆتورلار. استانا قالاسىنداعى «تۇلپار-تالگو» جشس زاۋىتىنىڭ جۇمىسشىلارى مەملەكەت باسشىسىنا ەڭبەك ادامىنا دەگەن ۇدايى قامقورلىعى ءۇشىن العىس ايتادى. «ءسىزدى وزىڭىزبەن بىرگە بولاشاققا سەنىممەن قاراۋعا بولاتىن رەسپۋبليكامىزدىڭ كوشباسشىسى رەتىندە بىلەتىندىكتەن, پرەزيدەنت سايلاۋىنا قاتىسۋىڭىزدى وتىنەمىز», – دەلىنگەن حاتتا. شىعىس قازاقستان وبلىسىنىڭ اگروونەركاسىپ كەشەنى وكىلدەرى ەلىمىز دامۋدىڭ جاڭا كەزەڭىنە اياق باسقانىن, رەفورمالاردى ءارى قاراي تابىستى جۇرگىزۋدىڭ مىندەتتى شارتى قوعامدى توپتاستىرۋ جانە ساياسي تۇراقتىلىق ەكەنىن اتاپ كورسەتكەن. «قازاقستان رەسپۋبليكاسى پرەزيدەنتىنىڭ سايلاۋىن وتكىزۋ بەيبىتشىلىكتى, بىرلىكتى جانە رەسپۋبليكامىزداعى كەلىسىمدى نىعايتۋعا سەپتىگىن تيگىزەتىنىنە نىق سەنىمدى ەكەنىمىزدى بىلدىرە وتىرىپ, سىزدەن, مويىندالعان ءارى قۇرمەتتى ەلباسىنان سايلاۋعا قاتىسۋدى وتىنەمىز», – دەپ جازادى اۆتورلار. قوستاناي قالاسىنان «اگروتەحماش» جشس ۇجىمى بۇكىل الەم ءۇشىن كۇردەلى كەزەڭدە قازاقستان حالقى ەلباسىنىڭ باسشىلىعىمەن بولاشاققا باتىل جوسپار قۇرىپ جاتقانىن اتاپ وتكەن. «بۇگىن ءبىز ءسىزدىڭ ساياساتىڭىزدى قولدايتىنىمىزدى مالىمدەيمىز جانە كانديداتۋراڭىزدىڭ قازاقستان رەسپۋبليكاسى پرەزيدەنتىنىڭ سايلاۋىندا ۇسىنىلعانىن قالايمىز», – دەلىنگەن حاتتا. «ۋرالسكاگرورەمماش» اق جۇمىسشىلارى بۇكىل حالىقتىڭ سەنىمىن اقتاعان جانە حالىقارالىق ارەنادا بەدەلگە يە نۇرسۇلتان نازارباەۆ قازاقستان رەسپۋبليكاسى پرەزيدەنتىنىڭ الداعى سايلاۋىنا قاتىسۋى ءتيىس ەكەنىن اتاپ وتكەن. «ءسىزدى ىشكى جانە سىرتقى ساياساتتى ءساتتى جۇرگىزىپ وتىرعان, وتانىمىزدىڭ الەۋمەتتىك-ەكونوميكالىق دامۋىن ۇدايى قامتاماسىز ەتكەن ەلباسى رەتىندە ايرىقشا باعالايمىز», – دەپ جازادى اۆتورلار. قىزىلوردا وبلىسىنداعى «ابزال جانە ك» تولىق سەرىكتەستىگى ۇجىمى ەلىمىزدىڭ قول جەتكىزگەن تابىستارىن نىقتاي ءتۇسىپ, بۇدان ءارى جاڭا بيىكتەرگە ىلگەرىلەۋىنىڭ ماڭىزدىلىعىنا نازار اۋدارىپتى. «بۇل ءۇشىن ەڭ الدىمەن مەملەكەت باسىندا ءسىزدىڭ تۇرعانىڭىز قاجەت. سوندىقتان ءبىز قازاقستان رەسپۋبليكاسى پرەزيدەنتىنىڭ سايلاۋىنا ءسىز قاتىسادى دەپ ۇمىتتەنەمىز جانە سىزگە ءوز داۋىسىمىزدى بەرەتىنىمىزدى حابارلايمىز. بارشا قازاقستاندىقتار سياقتى ءبىز بولاشاعىمىزدى تەك سىزبەن بايلانىستىرامىز», – دەلىنگەن حاتتا. قىزىلوردا وبلىسىنداعى «ارالتۇز» اق ەڭبەككەرلەرى قازاقستاننىڭ بارلىق, سونىڭ ىشىندە, حالىقارالىق دەڭگەيدەگى ەلەۋلى جەتىستىكتەرى مەملەكەت باسشىسى قىزمەتىنىڭ ناتيجەسى ەكەنىن اتاپ وتكەن. «ءبىز ءوز كانديداتۋراڭىزدى ۇسىنعانىڭىزدى, سايلاۋدا جەڭگەنىڭىزدى جانە جۇمىسىڭىزدى جالعاستىرعانىڭىزدى قالايمىز. بۇل – تەك ءبىزدىڭ قىزمەتكەرلەردىڭ عانا ەمەس, ەلدىڭ تاعدىرىن ماڭىزدى سانايتىن بارشا قازاقستاندىقتاردىڭ تىلەگى», – دەپ جازادى اۆتورلار. «قاراعاندى كامپيتتەرى» اق ۇجىمىنىڭ مۇشەلەرى مەملەكەت باسشىسىنىڭ باسشىلىعىمەن ەل جاڭا بيىكتەرگە, بۇدان ارعى ەكونوميكالىق دامۋعا جانە باق-بەرەكەگە قول جەتكىزەتىنىنە سەنىم بىلدىرگەن. «ءوز ەلباسىمىزعا جانە ول ءجۇرگىزىپ كەلە جاتقان ساياساتقا سەنىم ارتىپ, دوستىق پەن كەلىسىمدى قولداي وتىرىپ, سىزدەن الداعى پرەزيدەنت سايلاۋىنا ءوز كانديداتۋراڭىزدى ۇسىنۋىڭىزدى وتىنەمىز. ءبىز وعان بەلسەنە قاتىسىپ, ءسىز ءۇشىن داۋسىمىزدى بەرەمىز», – دەلىنگەن حاتتا. قوستاناي قالاسىنداعى «بايان سۇلۋ» اق ەڭبەككەرلەرى نۇرسۇلتان نازارباەۆقا قازاقستاندىقتاردىڭ بۇگىنگى بۋىنى تاۋەلسىز ءارى بەيبىت ەلدە ءومىر سۇرۋگە مۇمكىندىك العانى ءۇشىن العىستارىن جەتكىزگەن. «ءبىز ءسىزدىڭ ءاردايىم حالىق تەك بولاشاققا سەنىممەن قاراپ, ەل تاعدىرىن ءوزىنىڭ تاجىريبەلى دە دانا كوشباسشىسىنا سەنىپ تاپسىرعاندا عانا مۇمكىن بولاتىن بىرلىك, ءوسىپ-وركەندەۋ باعىتىنداعى ساياساتىڭىزدى قولدادىق جانە قولداي بەرەمىز. سوندىقتان سىزدەن ءوز كانديداتۋراڭىزدى قازاقستان پرەزيدەنتى سايلاۋىنا ۇسىنعان حالىق تىلەگىن ەسكەرۋدى سۇرايمىز», – دەپ جازادى اۆتورلار. قاراعاندى وبلىسى ساران قالاسىنداعى «كازتسەنترەلەكتروپروۆود» جشس ەڭبەككەرلەرى ەلىمىزدەگى تاتۋلىق پەن كەلىسىم, سونداي-اق, تابىستى الەۋمەتتىك-ەكونوميكالىق دامۋ قازاقستان حالقىنىڭ ەڭ باستى بايلىعى ەكەنىن ايتادى. «سىزدەن الداعى پرەزيدەنت سايلاۋىنا قاتىسۋىڭىزدى وتىنەمىز. قازاقستان حالقىنا ءسىزدىڭ دانا ساياساتىڭىز قاجەت», – دەلىنگەن حاتتا. كوكشەتاۋ قالاسىنداعى «اپ-يمپەكس» جشس ۇجىمى مەملەكەت باسشىسى جۇرگىزىپ كەلە جاتقان ساياسات ارقاسىندا بۇكىل ەلدە جاڭا كاسىپورىندار اشىلىپ, جاڭا جۇمىس ورىندارى قۇرىلىپ, داعدارىسقا قارسى اۋقىمدى باعدارلاما جۇزەگە اسىپ جاتقانىن, ەۋرازيالىق ەكونوميكالىق وداق اياسىندا بەلسەنە جۇمىس جۇرگىزىپ جاتقان شاعىن جانە ورتا بيزنەسكە ايتارلىقتاي قولداۋ جاسالىپ وتىرعانىن ايتادى. «ءبىز سىزدەن الداعى پرەزيدەنت سايلاۋىنا ءتۇسۋىڭىزدى سۇرايمىز. ءبىز ءۇشىن بۇكىل ۇجىمىمىز ءبىراۋىزدان داۋىس بەرەتىن ءبىر عانا كانديدات بار», – دەپ جازادى اۆتورلار. كوكشەتاۋ قالاسىنداعى «تىنىس» اق ەڭبەككەرلەرى ەل الدىندا تۇرعان مىندەتتەردىڭ اۋقىمدىلىعىن سەزىنىپ جانە ولاردىڭ تابىستى جۇزەگە اسىرىلۋىن تەك نۇرسۇلتان نازارباەۆپەن بايلانىستىرا وتىرىپ, وعان الداعى پرەزيدەنت سايلاۋىنا ءوز كانديداتۋراسىن ۇسىنۋ جونىندەگى وتىنىشتەرىن جەتكىزگەن. «ءبىز سىزگە سەنەمىز, ءسىزدى ءبىراۋىزدان قولدايمىز جانە ءسىزدىڭ جەڭەتىنىڭىزگە سەنىمدىمىز. تەك ءسىز عانا تاۋەلسىز قازاقستاندى ودان ءارى ءوسىپ-وركەندەۋ, تاتۋلىق پەن كەلىسىم جولىمەن الىپ جۇرە الاسىز», – دەلىنگەن حاتتا. سولتۇستىك قازاقستان وبلىسى مىڭكەسەر اۋىلىنداعى «مامبەتوۆ ي كومپانيا» ۇجىمى اۋىلداردىڭ دامىپ, جولدار جوندەلىپ, الەۋمەتتىك نىساندار سالىنىپ, جاڭا كاسىپورىندار اشىلىپ جاتقانىنا كوڭىل اۋدارىپتى. «بۇگىندە بەيبىت اسپان استىندا ءومىر ءسۇرىپ, سۇيىكتى ىسىمىزبەن اينالىسىپ جانە ءوز بالالارىمىزدى تاربيەلەي وتىرىپ, ءبىز تۇراقتىلىعىمىزدى ساقتاۋدىڭ قانشالىقتى ماڭىزدى ەكەنىن تۇسىنەمىز. ءبىزدى, اۋىل ەڭبەككەرلەرىن الاڭسىزدىق پەن ەرتەڭگى كۇنگە سەنىم ءۇشىن سىزگە دەگەن شەكسىز العىس سەزىمى باۋرايدى. ءبىز ءسىزدى قىزۋ جانە جان-جاقتى قولدايمىز جانە پرەزيدەنت سايلاۋىنا قاتىسۋىڭىزدى سۇرايمىز», – دەپ جازادى اۆتورلار. ەلدىڭ مەديتسينا قىزمەتكەرلەرى دە حات جولدادى. ماسەلەن, «ۇلتتىق عىلىمي كارديوحيرۋرگيا ورتالىعى» اق ۇجىمى قازاقستان حالقىنا ارنالعان «نۇرلى جول – بولاشاققا باستار جول» جولداۋىندا بەلگىلەنگەن جوسپارلار تەك مەملەكەت باسشىسىمەن بىرگە جۇزەگە اسىرىلاتىنىن ايتقان. «ساياسي تۇراقتىلىق, ەلدىڭ ورنىقتى دامۋى جانە حالىقتىڭ بىرلىگى – وتاندىق دەنساۋلىق ساقتاۋ سالاسىنداعى ۇزاق مەرزىمدى جوسپارلاردى جۇزەگە اسىرۋدىڭ ماڭىزدى شارتتارى. سوندىقتان سىزدەن پرەزيدەنت سايلاۋىنا قاتىسۋىڭىزدى وتىنەمىز», – دەلىنگەن حاتتا. پاۆلودار وبلىستىق كارديولوگيا ورتالىعى ەڭبەككەرلەرى تاۋەلسىزدىك جىلدارى ەلىمىزدە جاڭا اۋرۋحانالار سالىنىپ, مەديتسينا مەكەمەلەرى زاماناۋي قۇرىلعىلارمەن جابدىقتالعانىن جانە كولىكپەن قامتاماسىز ەتىلگەنىن اتاپ وتكەن. «ءبىز جىلدان جىلعا كوركەيىپ كەلە جاتقان ەلىمىزدى ماقتان ەتەمىز, قوعامىمىزداعى دوستىق پەن كەلىسىمدى قاستەر تۇتامىز. ءسوزى مەن ءىسى ءبىر ءوز پرەزيدەنتىمىزبەن ماقتانامىز. ءبىز ءسىزدى كورەگەن ساياساتكەر, ءوز رەسپۋبليكاسى مەن حالقىن بىلەتىن, الەمدە لايىقتى بەدەلگە يە ستراتەگ-كوشباسشى رەتىندە تانيمىز. بۇگىندە سىزگە بالاما جوق. مەديتسينا قوعامداستىعى سىزدەن پرەزيدەنت سايلاۋىنا قاتىسۋدى سۇرايدى», – دەپ جازادى اۆتورلار. قاراعاندى وبلىستىق كارديوحيرۋرگيا ورتالىعى ۇجىمى تەك نۇرسۇلتان نازارباەۆ قانا حالىقتىڭ الەۋمەتتىك ءال-اۋقاتىن ارتتىرۋعا قابىلەتتى ەكەنىن ايتادى. «قازاقستانعا تۇراقتىلىقتى ساقتاۋ كەرەك, ءسىز سونىڭ كەپىلىسىز. وسىعان بايلانىستى سىزدەن پرەزيدەنت سايلاۋىنا قاتىسۋىڭىزدى وتىنەمىز», – دەلىنگەن حاتتا. قاراعاندى قالاسى №1 اۋرۋحاناسىنىڭ قىزمەتكەرلەرى مەملەكەت قولداۋى مەن قازاقستان پرەزيدەنتىنىڭ قامقورلىعى ارقاسىندا مەديتسينا قىزمەتكەرلەرى وزدەرىنىڭ باستى مىندەتىن – حالىقتىڭ دەنساۋلىعىن ساقتاۋ جانە نىعايتۋ ءىسىن ساپالى اتقارۋعا قاجەتتى بارلىق جاعدايمەن قامتاماسىز ەتىلگەنىن ايتادى. «تەك ءسىز عانا حالقىمىزدىڭ تۇتاستىعىن ساقتاي الاتىنىڭىزعا جانە داعدارىس كەزەڭىنىڭ قيىندىقتارىن ەڭسەرىپ, مەملەكەتىمىزدى الەمدەگى ەڭ وركەندەگەن ەلدەردىڭ قاتارىنا قوسا الاتىنىڭىزعا سەنىمدىمىز. وسىعان بايلانىستى سىزدەن پرەزيدەنت سايلاۋىنا قاتىسۋىڭىزدى وتىنەمىز», – دەپ جازادى اۆتورلار. نۇرسۇلتان نازارباەۆتىڭ پرەزيدەنت سايلاۋىنا قاتىسۋىن قولداعان حاتتار ءبىلىم بەرۋ سالاسى وكىلدەرىنەن دە كەلىپ ءتۇستى. اتاپ ايتقاندا, م.وسپانوۆ اتىنداعى باتىس قازاقستان مەملەكەتتىك مەديتسينا ۋنيۆەرسيتەتىنىڭ ۇجىمى تەك مەملەكەت باسشىسى عانا ەلىمىزدىڭ تاۋەلسىزدىگىن ودان ءارى نىعايتا الاتىنىنا توقتالعان. «وسىعان بايلانىستى سىزدەن پرەزيدەنت سايلاۋىنا قاتىسۋ تۋرالى شەشىم قابىلداۋدى وتىنەمىز. ءوز تاراپىمىزدان ءسىزدى قولدايتىنىمىزعا جانە ءسىز ءۇشىن ءبىراۋىزدان داۋىس بەرەتىنىمىزگە سەندىرەمىز», – دەلىنگەن حاتتا. استانا قالاسىنداعى «سانا بالا» جشس جانە «اكادەميا» ببو قىزمەتكەرلەرى قارجى-ەكونوميكالىق داعدارىس جاعدايىندا قازاقستان حالقى جۇمىلىپ, الداعى كەزدە بەتتەسەتىن بارلىق قيىندىقتاردى باتىل ەڭسەرە الاتىنىنا سەنىم بىلدىرگەن. «سىزدەن الداعى پرەزيدەنت سايلاۋىنا قاتىسۋىڭىزدى سۇرايمىز, ال ءبىز ءوز تاراپىمىزدان ءسىز قويعان مىندەتتەردىڭ ورىندالۋى ءۇشىن بارلىق كۇش-جىگەردى جۇمسايمىز», – دەپ جازادى اۆتورلار. الماتى وبلىسى ەسىك قالاسىنداعى ابىلايحان اتىنداعى ورتا مەكتەپ وقۋشىسى د.امانعوجا ءوز حاتىندا بولاشاق ماماندىعىن تاڭداۋعا قاتىستى ارمانى, جوسپارلارى جونىندە وي ءبولىسىپ, ءوز وتباسى مۇشەلەرىنىڭ نۇرسۇلتان نازارباەۆقا داۋىس بەرۋ نيەتىندە ەكەنىن ايتا كەلىپ, پرەزيدەنت سايلاۋىنا قاتىسۋىن وتىنگەن. اقتوبە وبلىسىنىڭ جاۋىنگەر-ينتەرناتسيوناليستەرى دە مەملەكەت باسشىسىنىڭ كورەگەن ساياساتىنىڭ ارقاسىندا قازاقستان جاھاندىق قاۋىپ-قاتەرلەرگە قارسى ەرتە قامدانعانىن ايتادى. «ءوز جولداۋىڭىزدا ءسىز داعدارىسقا قارسى تەرەڭ ويلاستىرىلعان باعدارلاما ۇسىندىڭىز. ەگەر ءسىز الداعى سايلاۋعا قاتىساتىن بولساڭىز, بۇكىل قازاقستان حالقى كانديداتۋراڭىزدى قولدايتىنىنا سەنىمدىمىز. ءسىزدى تاڭداي وتىرىپ, ءبىز «نۇرلى جول – بولاشاققا باستار جولدى» تاڭدايمىز», – دەلىنگەن حاتتا. ولاردىڭ پىكىرىن استانا قالاسىنداعى «وبەرەگ» ۋكراين قوعامى» قوعامدىق بىرلەستىگىنىڭ مۇشەلەرى قولداعان جانە نۇرسۇلتان نازارباەۆ حالىققا شەكسىز قىزمەت ەتۋدىڭ مىسالى, وتانعا دەگەن سۇيىسپەنشىلىك پەن ادالدىقتىڭ ۇلگىسى ەكەنىن اتاپ وتكەن. «سوندىقتان سىزدەن پرەزيدەنتتىك سايلاۋعا قاتىسۋىڭىزدى سۇرايمىز. ءبىز ەلىمىزدى گۇلدەندىرىپ, باق-بەرەكەسىن ارتتىرۋدا زور بيىكتەرگە سىزبەن عانا جەتەتىنىمىزگە سەنىمدىمىز», – دەپ جازادى اۆتورلار. استانا قالاسى ءماسليحاتىنىڭ دەپۋتاتى ا.بايگەنجين مەملەكەت باسشىسىنىڭ پرەزيدەنت سايلاۋىنا قاتىسۋىن بارلىق قازاقستاندىقتار كۇتىپ وتىرعانىنا توقتالعان. ويتكەنى, بۇل قادام ەلدى دامىتۋعا باعىتتالعان ماڭىزدى باعدارلامالاردى جۇزەگە اسىرۋ جۇمىستارىن جالعاستىرۋعا مۇمكىندىك بەرەدى. ەلىمىزدىڭ جەكەلەگەن ازاماتتارى دا حات جولدادى. ماسەلەن, تاراز قالاسىنىڭ تۇرعىنى, پارلامەنت سەناتىنىڭ ەكس-دەپۋتاتى ج.كارىباەۆ ەلىمىزدىڭ بارلىق ءىرى جەتىستىكتەرى مەملەكەت باسشىسى قىزمەتىنىڭ جەمىسى ەكەنىن ايتادى. «الدا جۇمىس كوپ. «قازاقستان-2050» ستراتەگياسىندا, جىل سايىنعى جولداۋدا بەلگىلەنگەن مىندەتتەردى جۇزەگە اسىرۋ ماقساتىندا سىزدەن پرەزيدەنتتىك سايلاۋعا قاتىسۋدى سۇرايمىن, ويتكەنى, باسقا بالاما جوق», – دەلىنگەن حاتتا. الماتى قالاسىنىڭ تۇرعىنى س.مەدەۋباەۆ مەملەكەت باسشىسى جۇرگىزىپ وتىرعان ساياساتتىڭ تيىمدىلىگىن اتاي وتىرىپ, الەمدەگى دامىعان 30 مەملەكەتتىڭ قاتارىنا كىرۋگە باعىتتالعان شارالاردى قازاقستان پرەزيدەنتىنىڭ ودان ءارى جۇزەگە اسىرۋى ماڭىزدى ەكەنىن ايتقان. تاراز قالاسىنىڭ تۇرعىنى ا.ءدۇيسەنبەكوۆا ەلباسىنان پرەزيدەنتتىك سايلاۋعا قاتىسۋىن وتىنە وتىرىپ, ونىڭ وتباسى تۇگەلدەي نۇرسۇلتان نازارباەۆقا داۋىس بەرۋگە دايىن ەكەنىن مالىمدەيدى. قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىن تاعايىنداۋعا بايلانىستى حاتتار لەگى ءالى دە جالعاسۋدا.
