الەم پارلامەنتتەرىنىڭ توراعالارى باس قوسادى

كەشە سەنات توراعاسى قاسىم-جومارت توقاەۆتىڭ باسشىلىعىمەن ەل پارلامەنتىنىڭ دەلەگاتسياسى پارلامەنتارالىق وداق اياسىنداعى پارلامەنت توراعالارىنىڭ بۇكىلالەمدىك ءۇشىنشى كونفەرەنتسياسىنىڭ جۇمىسىنا قاتىسۋ ءۇشىن جەنەۆا قالاسىنا اتتاندى. دەلەگاتسيا قۇرامىندا سەناتور ورىنباي راحمانبەرديەۆ جانە ءماجىلىس دەپۋتاتى باعيلا بايماعامبەتوۆا بار. ۇستىمىزدەگى جىلدىڭ 19-21 شىلدە ارالىعىندا بۇۇ-نىڭ جەنەۆا بولىمشەسىندە وتكىزىلەتىن بۇل جيىن الەمنىڭ 150-دەن استام پارلامەنتتەرى توراعالارىنىڭ باسىن قوسادى. ونىڭ بارىسىندا بۇۇ-نىڭ مىڭجىلدىقتىڭ دامۋ ماقساتتارىن جۇزەگە اسىرۋداعى كوپجاقتى ىنتىماقتاستىقتى نى­عايتۋ ارقىلى, جاھاندىق قاتەر­لەر­گە قارسى تۇرۋ جولىندا پار­لامەنت­شىلەردىڭ مۇمكىنشىلىكتەرىن ءتيىمدى پايدالانۋدىڭ وزەكتى ماسەلەلەرىنە ارنالعان ۇنقاتىسۋ بولادى. فو­رۋمنىڭ اشىلۋ سالتاناتىنا بىرىككەن ۇلتتار ۇيىمىنىڭ باس حاتشىسى قاتىسادى. قازاقستاندىق دەلەگاتسيا باس­شى­سى ق.توقاەۆتىڭ داعدارىس تۇ­سىن­داعى پارلامەنتتەردىڭ ءرولى تۋرالى دەباتتار اياسىندا ءسوز ءسوي­لەۋى, الەم ەلدەرى پارلامەنتتەرىنىڭ توراعالارىمەن جانە حالىقارالىق ۇيىمداردىڭ وكىلدەرىمەن كەزدەسۋ­لەرى قاراستىرىلعان. كەزدەسۋلەر بارىسىندا ەكىجاقتى قاتىناستار, ءوزارا مۇددەلەر تۇرعىسىنداعى وزەكتى حالىقارالىق جانە ايماق­تىق ماسەلەلەر بويىنشا پىكىر الماساتىن بولادى. پارلامەنتارالىق وداق ۇيىم­داس­تىرعان پارلامەنت باس­شى­لا­رى­نىڭ ءبىرىنشى بۇكىلالەمدىك كون­فە­رەن­تسياسى مىڭجىلدىق سامميتىنە ورايلاستىرىلىپ, 2000 جىلى نيۋ-يورك قالاسىندا وتكىزىلدى. وندا حالىقارالىق ىن­تىماق­تاس­تىق­قا پارلامەنتارالىق ولشەم بەرۋ باستاماسى ۇسىنىلدى, دەپ حا­بار­لادى قازاقستان رەسپۋب­ليكاسى پارلامەنتى سەناتىنىڭ ءباسپاسوز قىزمەتى.