ء“بيبى-انا” قوعامى

ۇلتتىق قولونەردى دامىتۋدى قولعا الدى بالالار شىعارماشىلىعى ۇيىندە ء“بيبى-انا” مۇگەدەك ايەلدەر رەسپۋب­لي­كالىق قوعامىنىڭ پاۆ­لو­دار وبلىستىق فيليا­لىنىڭ ۇيىم­داس­تىرۋىمەن مۇمكىندىگى شەكتەۋلى قىز-كەلىنشەكتەرگە ارنالعان سەمينار ءوتتى. سەميناردا العاشقى ءسوز كەزەگىن العان ء“بيبى-انا” مۇگەدەك ايەلدەر رەسپۋب­ليكالىق قوعامىنىڭ پاۆ­لو­دار وبلىستىق فيليالىنىڭ ءتو­رايى­مى ناعيما باگيروۆا باستى ماق­سات – مۇمكىندىگى شەك­تەۋلى جان­داردىڭ باسىنا تۇسكەن قاسىرەتىمەن ءوزىنىڭ شاعىن الەمىندە شەكتەلىپ قالۋىنا جول بەرمەۋ, نۇرلى بولاشاققا دەگەن سەنىم ۇيالاتۋ, پاي­دالى ىسىمەن شۇعىلدانۋىنا قولداۋ كورسەتۋ, اقىل-كەڭەس بەرۋ ەكەنىنە توق­تالدى. بىرلەستىك مۇشەلەرىنىڭ قو­لىنان شىققان ۇلتتىق كيىمدەر مەن قولونەر بۇيىم­دارىنان ءازىر­لەنگەن كورمە تۋرالى ءمالى­مەت­تەر­مەن تانىستىرعان ەلەنا كوستە­لەتس­كايا ۇلتتىق قولونەردى قايتا جاڭ­عىرتۋ, بۇگىنگى زامانعا ساي جاسالعان بۇيىمدارعا ۇلتتىق ورنەكتەردىڭ ەلەمەنتتەرىن پايدالانۋمەن قاتار, وزدىگىنەن بىلىمدەرىن جەتىلدىرۋگە, شىعارماشىلىق مۇمكىن­دىكتەرىن دامىتۋعا زور مۇمكىندىك تۋاتىنىن اتاپ ءوتتى. سەمينارعا قاتىسۋشىلار وتى­رىس بارىسىندا وزدەرىنىڭ كوكەي­لەرىندە جۇرگەن ۇسىنىس-تىلەكتەرىن ورتاعا سالىپ, ساۋالدارىنا جاۋاپ الدى. ء“بيبى-انا” مۇگەدەك ايەلدەر رەس­پۋ­ب­ليكالىق قوعامىنىڭ پاۆ­لو­دار وبلىستىق فيليالىندا ايەلدەر مەن قىزدارعا كورپە, قورجىن جانە تاعى باسقا ۇلتتىق كيىمدەردى تىگۋ بويىنشا اپتا سايىن ساباقتار جۇرگىزىلەدى. سونداي-اق, جىل بويى ۇلتتىق كيىمدەر مەن بۇيىمداردى تىگۋدى ۇيرەتۋ ماقساتىندا ەرتىس, اقتوعاي, اقسۋ, ەكىباستۇز قالا­لارىندا سەمينارلار وتكىزۋ جوس­پارلانعان. سەميناردىڭ سوڭىندا ناعيما باگيروۆا اعىمداعى جى­ل­دىڭ قىركۇيەك ايىندا پاۆلودار قالاسىندا اعاش پەن كيىزدەن, بىل­عارىدان, ءتۇرلى ماتالاردان جاسالعان بۇيىمداردان وتەتىن كورمەگە بەلسەندى قاتىسۋعا شاقىردى. سىيلىق قورىندا ەڭ تاڭداۋلى جۇمىستار ءۇشىن ء“Verىtas” تىگىن ماشيناسى, تىگىن قۇرالدارىنىڭ جيىن­تىعى مەن كوپتەگەن تۇرمىسقا قاجەتتى زاتتار بار. اقبوتا سەيسەنباەۆا. پاۆلودار وبلىسى, اقسۋ قالاسى.