قازاق ءتىلدى جاڭا سايت

سوڭعى ءبىر-ەكى جىلدىڭ ىشىندە ينتەرنەتتە قازاق تىلىندە مالىمەتتەر تولىسىپ, كوبەيىپ كەلەدى. بۇل جايتتى ءبىرىنشى كەزەكتە, قازاق تىلدىلەر ءۇشىن ينتەرنەتكە شىعۋ مۇمكىندىگىنىڭ كەڭەيگەندىگىمەن بايلانىستىرامىز.بيىلعى شىلدە ايىنان پاۆلودار وڭىرىندە قازاق ءتىلدى جاڭا سايت اشىلىپ, جۇمىس ىستەي باستادى. ول پاۆلودار وبلىستىق “سارىارقا سامالى” گازەتىنىڭ ەلەكتروندى نۇسقاسى. بۇل – وبلىستاعى وقيعالار جايلى تىڭ جاڭالىقتار مەن جەدەل اقپاراتتارعا اشىلعان جاڭا مۇمكىندىك. سايت قازاق ءتىلدى ينتەرنەت پايدالانۋشىلاردىڭ قىزىعۋشىلىعىن تۋدىرارى انىق. ونىڭ بەتىنەن وقىرمان وزىنە قاجەتتى ماعلۇ­ماتتاردى تابا الادى. اسىرەسە, “اينالايىن” بالا­لار قوسىمشاسى, “جاس ءtىmes” جاستار قوسىمشاسى, “ادەبيەت الەمى”, “قالا تىنىسى”, “كومىرلى, كورىكتى ەكىباستۇز!”, “تۇلعا” بولىمدەرى مەن “توعىزقۇمالاق” ارنايى سىرتتان وقىتۋ مەكتەبى كوپشىلىكتى بەي-جاي قالدىرمايتىنى انىق. وقىرمان تاراپىنان وي-پىكىرلەر تۋىنداپ جاتسا, “حات-قورجىن” بولىمىنە كىرىپ, تىركەلىپ, جازىپ قالدىرۋعا بولادى ەكەن. “سارىارقا سامالىنىڭ” سايتى قازىرگى كۇنى شەت مەملەكەتتەردە ءومىر ءسۇرىپ جاتقان, ۋاقىتشا قونىس­تان­عان قانداستارىمىز ءۇشىن دە مۇمكىندىك كوزى دەر ەدىك. ولاردىڭ وتاندارىندا بولىپ جاتقان سوڭعى جاڭالىقتاردى اتالمىش سايت ارقىلى ۋاقىتىلى وقىپ وتىرۋىنا بولادى. سايت جاڭالىقتارى اپتاسىنا ءۇش مارتە جاڭارتىلىپ تۇرادى. “سارىارقا سامالىن” ينتەرنەت بەتىندەگى saryarka-samaly.kz ادرەسى بويىنشا تابا الاسىز. “ەگەمەن-اقپارات”.