ەلباسىنىڭ اپتالىق كەستەسى

مەملەكەت باسشىسىنىڭ ءباسپاسوز قىزمەتى ەلباسى نۇر­سۇلتان نازارباەۆتىڭ الداعى ءىس-شارالار اڭداتپاسى تۋرالى حابارلادى. 2 شىلدەدە قازاقستان پرەزي­دەن­تىنىڭ قاتىسۋىمەن يندۋستريا­لاندىرۋ كۇنىن وتكىزۋ جوسپارلانۋدا. ءىس-شارا «نۇرلى جول» جانە ەلدى يندۋستريالىق-يننوۆاتسيالىق دامىتۋ جونىندەگى مەملەكەتتىك باعدارلامالاردىڭ جۇزەگە اسىرىلۋ بارىسىنا ارنالادى. ونىڭ اياسىندا يندۋستريالاندىرۋ كارتاسىنداعى جاڭا جوبالاردى جانە «نۇرلى جول» باعدارلاماسى اياسىنداعى ينفراقۇرىلىمدىق نىساندار قۇرىلىسىن ىسكە قوسۋ ءراسىمى وتەدى. سونىمەن قاتار, قازاقستاننىڭ ءوندىرىس تاۋارلارىنىڭ كورمەسى ۇيىمداستىرىلادى. 3 شىلدەدە وتەتىن جيىندا جاڭعىرتۋ جونىندەگى ۇلتتىق كوميسسيانىڭ ەسەبى تىڭدالادى. 4-6 شىلدە كۇندەرى مەملەكەت باسشىسىنىڭ استانا كۇنىنە ارنالعان ءىس-شارالارعا قاتىسۋى جوسپارلانعان. 8 شىلدەدە ەلىمىزگە ءۇندىستان پرەمەر-ءمينيسترى نارەندرا مودي ساپارمەن كەلەدى. ساپار بارىسىندا قازاقستان-ءۇندىستان ىنتىماقتاستىعىن ودان ءارى نىعايتۋ جولدارى قاراستىرىلادى. 9-10 شىلدەدە قازاقستان پرە­زي­دەنتىنىڭ رەسەي فەدەرا­تسياسىنىڭ ۋفا قالاسىندا وتەتىن شىۇ جانە بريكس سامميتتەرىنە قاتىسۋى كوزدەلگەن. * * * سونىمەن قاتار, پرەزيدەنتتىڭ ءباسپاسوز قىزمەتى 3 شىلدەدە مەم­لەكەت باسشىسىنىڭ akorda.kz رەس­مي سايتىنىڭ جاڭارتىلعان نۇس­قا­سىن ىسكە قوسۋدى جوسپارلاپ وتىر. جاڭا سايتتىڭ ەرەكشەلىكتەرى رەتىندە ونىڭ قولايلى قۇرىلىمى مەن ناۆيگاتسيالارىن, سايتتىڭ پلان­شەتتەر مەن سمارتفونداردا تولىق كورىنۋىنە لايىقتالعان ديزاي­نىن, «پرەزيدەنتكە حات» فۋنك­تسياسى اياسىندا مەملەكەت باسشى­سىنا حات جولداۋ مۇمكىندىگى قاراس­تىرىلعانىن اتاپ ايتۋعا بولادى.