جاڭاقورعان اۋدانىندا زاماناۋي ۇلگىدەگى دەنە شىنىقتىرۋ-ساۋىقتىرۋ كەشەنىنىڭ اشىلۋ سالتاناتى ءوتتى. كەشەننىڭ اشىلۋ راسىمىنە وبلىستىق ءماسليحات حاتشىسى اقمارال ءالنازاروۆا, وبلىس اكىمىنىڭ ورىنباسارى راۋان كەنجەحان ۇلى, وبلىستىق دەنە شىنىقتىرۋ جانە سپورت باسقارماسىنىڭ سادىق مۇستافاەۆ جانە اۋدان اكىمى رۋسلان رۇستەموۆ قاتىستى. «ەلباسىنىڭ سارابدال ساياساتىنىڭ ناتيجەسىندە ەلىمىزدە وسىنداي الەۋمەتتىك نىساندار كوپتەپ بوي كوتەرۋدە.
سونىڭ ءبىرى بۇگىن پايدالانۋعا بەرىلىپ وتىرعان سپورتتىق ساۋىقتىرۋ كەشەنى. وسكەلەڭ ۇرپاقتىڭ دەنى ساۋ, زامان تالابىنا ساي قابىلەتتى بولىپ وسۋىنە مەملەكەت تاراپىنان بارلىق مۇمكىندىكتەر جاسالۋدا. ەندىگى كەزەكتە جاڭاقورعاننىڭ جاس جەتكىنشەكتەرى وسى كەشەندە جاتتىعىپ, ەل ابىرويىن اسقاقتادى دەگەن سەنىمدەمىز», – دەدى وبلىستىق ءماسليحات حاتشىسى ا.ءالنازاروۆا. سپورتتىق ساۋىقتىرۋ كەشەنىندە سپورتتىڭ ۆولەيبول, باسكەتبول, بوكس تۇرىنەن ءتۇرلى دەڭگەيدەگى جارىستار ۇيىمداستىرىلادى. سونداي-اق زاماناۋي سپورتتىق جابدىقتارمەن قامتاماسىز ەتىلگەن جاتتىعۋ زالى دا بار. وسى كۇنى ءدال وسىنداي سپورت كەشەنى قازالى اۋدانى ايتەكە بي كەنتىندە دە پايدالانۋعا بەرىلدى.
ەرجان بايتىلەس. دەرەك, سۋرەت: egemen.kz.
