ەلشىمەن كەزدەستى

ماجىلىستە پالاتا ءتورا­عاسىنىڭ ورىنباسارى سەرگەي دياچەنكو كۋبا رەسپۋبليكاسى سىرتقى ىستەر ءمينيسترىنىڭ ورىنباسارى روحەليو سەررا دياسپەن كەزدەسىپ, قازاقستان-كۋبا قا­رىم-قاتىناسىن نىعايتا ءتۇسۋ ماسەلەلەرىن تالقىلادى, دەپ حابارلادى ءماجىلىستىڭ ءباسپاسوز قىزمەتى. ءماجىلىس ۆيتسە-سپيكەرى كۋ­با قا­زاقستاننىڭ كاريب باس­سەي­نىندەگى سەنىمدى سەرىكتەسى ەكەندىگىن اتاپ, ءبىزدىڭ ەلىمىز الداعى ۋاقىتتا دا مەملەكەتتەر اراسىنداعى جان-جاقتى قارىم-قاتىناستى ءور­كەندەتۋگە مۇددەلى ەكەندىگىن ءبىلدىردى. ەكى ەل اراسىندا ءوزارا پايدالى ءارى مۇددەلى باعىتتار كوپ بول­عان­دىقتان, ءماجىلىستىڭ ۆيتسە-سپيكەرى كۋبا ىسكەرلەرىنىڭ كوم­پانيالارىن «ەكسپو-2017» حالىق­ارالىق مامان­داندىرىلعان كور­مەسىنە قاتىسۋعا شاقىردى. قازاق­ستاننىڭ 2017-2018 جىلدارى بۇۇ قاۋىپسىزدىك كەڭەسىنە تۇراق­تى ەمەس مۇشە بولۋعا ۇمتى­لىسىن قولداعاندىقتارىنا العى­سىن جەتكىزدى. كۋبانىڭ سىرتقى ىستەر ۆيتسە-ءمينيسترى قازاقستاندىق سپورتقا دەگەن جوعارى كوز­قا­را­سىن ايتا كەلە, ەكسپو-2017 حالىقارالىق كور­مەسىنە قاتى­سا­تىن­دىقتارىن مالىمدەدى. «قازاق­ستان عالامدىق قاۋىپسىزدىكتى نى­عاي­تۋعا ۇلكەن ۇلەس قوسىپ وتىر», – دەپ باعا بەردى. «قازاقستان كاريب اي­ما­عىنا ءبىز ارقىلى وتسە, قۋانار ەدىك», – دەگەن اقجارما تىلەك­پەن  پارلا­مەنتارالىق بايلا­نىستارعا توقتالدى. قازاقستان پارلامەنتشىلەرىن زاڭ شىعارۋ جۇمىسى بويىنشا تاجىريبە الماسۋ ماقساتىندا ەلىنە شاقىردى. جۇزدەسۋگە قازاقستان تا­را­پىنان ءماجىلىستىڭ حالىق­ارالىق ىستەر, قور­عانىس جانە قاۋىپ­سىزدىك كوميتەتىنىڭ توراعا­سى ماۋلەن اشىمباەۆ پەن كۋ­بانىڭ قازاقستانداعى توتەنشە جانە وكىلەتتى ەلشىسى ۆالدەس دە لا كونسەپسيون قاتىستى.