كەلىسىمدەرگە قول قويىلدى

«قتج» ۇك» اق پرەزيدەنتى اسقار ءماميننىڭ قىتايعا جۇمىس ساپارى باستالعانىن بۇدان بۇرىن حابارلاعان ەدىك. ساپاردىڭ كەلەسى كەزەڭىندە «قازاقستان تەمىر-جولىنىڭ» باسشىسى تسزيانتسۋ پروۆينتسياسىنىڭ گۋبەرناتورى لي سيۋەيۋنمەن كەزدەستى. ونىڭ بارىسىندا «قتج» ۇك» اق-پەن ستراتەگيالىق سەرىكتەستىك تۋرالى كەلىسىمگە قول قويىلدى. وسى جەردە اتاپ كورسەتەتىن ءبىر جايت – تسزيانتسۋ پروۆينتسياسىنىڭ تۇرعىندارى 74 ميلليون بولسا, ايماق­تىق ىشكى جالپى ءونىمى اقش-تىڭ 1 تريلليون دوللارىنان اسادى. ال كەزدەسۋگە ورال­ساق, ليان­­­يۋنگان پورتىنىڭ عا­جايىپ ءمۇم­كىندىكتەرى سارالانا كەلە, وندا قازاقستان باعىتىنا جىبەرىلەتىن جۇكتەردى جيناقتاپ, ونى ورتالىق ازيا, پارسى شى­عا­ناعى, تۇركيا, ەۋروپاعا باعىتتاۋ ءۇشىن ليانيۋنگان قالاسىنان شىۇ لوگيستيكالىق ايماعىن جا­ساق­تاۋعا بەلسەندى كىرىسۋ تۋرالى ءپى­كىر­لەر ايتىلدى. سونىمەن قاتار, جوبانى ءجۇ­زە­گە اسىرۋدا «قورعاس-شىعىس قاق­­پاسى» اەا-نى دامىتۋ جايى دا قاراس­­تىرىلدى. 2015 جىلعى بەس ايدا ليانيۋنگان پورتىنان التىن­كول/دوستىق باعىتىنا 141 كونتەي­نەرلىك پويىز جونەلتىلگەن. اسقار ءماميننىڭ شانسي پرو­ۆينتسياسىنىڭ گۋبەرناتورى لوۋ ­تسينتسزيانمەن كەزدەسۋ بارى­سىندا تاراپتاردىڭ كو­لىكتىك-لوگيستيكالىق سالاداعى سەرىكتەستىك اياسى الەۋەتىنىڭ مول­دىعى, بىرلەسكەن كاسىپورىندى, مۋلتيمودالدىق ەكسپورتتىق-يمپورتتىق, ترانزيتتىك تاسىمال­داۋدى بارلىق جاعىنان قولداۋ قاجەتتىگى ايتىلدى. كەزدەسۋ سوڭىندا ۇشجاقتى كەلىسىمگە كەلگەن تاراپتار «قتج ەكسپرەسس» اق, سيان قۇرلىقتىق لوگيستيكالىق كومپانياسى مەن حالىقارالىق لوگيستيكالىق قۇر­­عاق پورتى اراسىندا بىرلەسكەن كاسىپورىن (بك) قۇرۋ تۋرالى ورتاق كەلىسىمگە قول قويدى. قازاقستاندىق دەلەگاتسيا شان­­سي پرو­ۆينتسياسىنىڭ سيان قالا­­­سى­­نىڭ حا­لىق­ارا­لىق لوگيس­تي­كا­­لىق قۇر­عاق پور­تىنىڭ جۇمى­سى­­مەن تانىستى. انىقتاما: شانسي قحر-دىڭ بارىنشا ەكونوميكالىق جاعى­نان دامىعان, قىتايدىڭ ورتا­لىق بولىگىندە ورنالاسقان پرو­ۆينتسياسىنىڭ بىرىنەن سانالادى. تۇرعىندارى 37 ميلليون ادام. ءشانسيدىڭ ايماقتىق ىشكى جالپى ءونىمى 287 ملرد. دوللاردى قۇرايدى, دەپ حابارلادى «قتج» ۇك» اق ءباسپاسوز قىزمەتى.