وبلىستىق ىشكى ساياسات باسقارماسى «دوستار» مادەنيەت سارايىندا ۇيىمداستىرعان «قازاق دالاسىنىڭ ۇلى تاريحى» اتتى دوڭگەلەك ۇستەل ءماجىلىسى «ەركىن ۇلتتىڭ بيىك رۋحى» دەرەكتى ءفيلمىن تاماشالاۋمەن باستالدى.
باسقوسۋعا جينالعان ش.ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتىنىڭ وقىتۋشىلارىن, زيالى قاۋىم وكىلدەرىن, ستۋدەنتتەر مەن جاستاردى قۇتتىقتاۋ سوزىندە باسقارما باسشىسى گۇلجانار شوكەەۆا وسىناۋ ۇلىق مەرەكەنىڭ قوعامدىق قۇرىلىستى دامىتۋداعى, ەلدىڭ تۇتاستىعى مەن ۇرپاق تاربيەسىندەگى ەرەكشە ماڭىزىن اتاپ كورسەتتى.
– رەسپۋبليكامىزدىڭ بارلىق ايماقتارىنداعى سياقتى, اقمولا وبلىسىندا دا ءوڭىردىڭ مادەني جانە رۋحاني ومىرىندە ايرىقشا ورىن الاتىن تانىمدىق شارالار وتكىزىلەدى, – دەدى گ.ءشوكەەۆا. – ماسەلەن, ناۋرىز ايىندا اۋداندارعا, قۇرامىنا شىعارماشىلىق ۇجىمدار مۇشەلەرىن, تاريحشىلار مەن مادەنيەتتانۋشىلاردى بىرىكتىرەتىن «قازاق ەلى – ماڭگىلىك ەل» اۆتوكەرۋەنى ساپار باستايدى. سونداي-اق, حالىقارالىق مۇراجايلار جانە فولكلورلىق-ەتنوگرافيالىق فەستاۆالدارى, شوقان ءۋاليحانوۆ مۇرالارىن زەرتتەۋگە بايلانىستى عىلىمي ەكسپەديتسيا ۇيىمداستىرىلىپ, «ابىلاي» سپەكتاكلىنىڭ پرەمەراسى, رەسپۋبليكالىق اقىندار ايتىسى, ەتنواۋىلدار كورمەسى, باسقا دا كوپشىلىك شارالارى وتكىزىلەدى دەپ جوسپارلانۋدا. جىل بويىنا جۇرتشىلىق نازارىندا بولاتىن تاقىرىپتىق كىتاپ كورمەلەرى, كونكۋرستار, كەزدەسۋلەر, دەكادالار, كونفەرەنتسيالار, دەباتتىق تۋرنيرلەر, اكتسيالار مەن كونتسەرتتەردىڭ مازمۇنى تەرەڭدەي تۇسپەك. بۇل ورايدا وبلىستىق ىشكى ساياسات باسقارماسى ازاماتتاردىڭ ۇتىمدى ۇسىنىستارىن, جاڭاشىل باستامالارىن ۇنەمى قولدايتىن بولادى.
باقبەرگەن امالبەك,
«ەگەمەن قازاقستان».
اقمولا وبلىسى.
سۋرەتتى تۇسىرگەن
ەرمۇرات دوسىموۆ.
