الماتى الەمدىك رەيتينگ بويىنشا 100 ۇزدىك قالانىڭ قاتارىنا كىردى

الماتى. قالالار اراسىنداعى الەمدىك رەيتينگ جاساۋ بارىسىندا تۇرمىس ساپاسىنىڭ دارەجەسى جاعىنان الماتى قالاسى ۇزدىك «جۇزدىكتىڭ» ىشىنە كىردى. Economist Intelligence Unit (EIU) زەرتتەۋ كومپانياسى قىزمەتكەرلەرىنىڭ زەرتتەۋلەرىنە نەگىزدەلگەن كورسەتكىشتەردىڭ جيىنتىعىن – تۇراقتىلىق, دەنساۋلىق ساقتاۋ جۇيەسى, مادەنيەت پەن قورشاعان ورتا, ءبىلىم مەن قالاداعى ينفراقۇرىلىم سالاسىنىڭ مالىمەتتەرى قۇرادى. بۇل تۋرالى Herald Sun حابارلادى. تىزىمگە بارلىعى 140 قالا كىرگەنىمەن, ونىڭ 100-ءى جوعارى بالدىق كورسەتكىشكە يە بولدى. بۇل ورايدا الماتى 100 قالانىڭ ىشىندە دەنساۋلىق ساقتاۋ مەن مادنيەتتە ينفروقۇرىلىمدىق دامۋ مەن قورشاعان ورتانىڭ اسەرى, سونداي-اق, تۇراقتىلىق ساقتاۋدا بارلىعى 55,7 مەن 75 بالدىڭ اراسىندا ۇپاي جيناعان. بارلىعى 97,5 باللمەن مەلبۋرن قالاسى (اۆستراليا) كوش باستادى. ەڭ ۇزدىك بەس قالالاردىڭ قاتارىن 97,5-تەن 96,6-عا دەيىن بالل جيناعان ۆەنا (اۆستريا), ۆانكۋۆەر مەن تورونتو (ەكەۋى دە كانادا), ادەلايدا (اۆتراليا) تۇزەدى. الماتىدان ارتتا قالعان قالالاردىڭ ىشىندە باكۋ (103 ورىن – 62,3 بالل), تاشكەنت (116 ورىن –54,6 بالل), كيەۆ (132 ورىن – 43,4 بالل) بار. كسرو-نىڭ بۇرىنعى استاناسى ماسكەۋ قالاسى 72,8 باللدىق كورسەتكىشپەن 81 ورىندا تۇر. كورسەتكىش قورىتىندىسىندا الماتى قالاسىنىڭ تۋريستەر ءۇشىن قىمبات قالا ەكەنى دە اتاپ وتىلگەن. تالعات ءسۇيىنباي. دەرەك: Herald Sun. سۋرەت: egemen.kz.