يننوۆاتسيا يگىلىگى

جاڭالىق پەن عىلىمدى, تەحنولوگيانى, تەحنيكانى وندىرىسپەن تىعىز بايلانىستىرۋ ماقساتىنداعى «يندۋستريالىق-يننوۆاتسيالىق دامۋ» باعدارلاماسى ارقىلى مەملەكەتىمىزدىڭ ەكونوميكاسىنىڭ دۇرىس جولعا قويىلۋىن قاداعالايمىز. سول سەبەپتى, وسى باعىتتا اتقا­رىلىپ جاتقان اسقارالى مىندەتتەر مەن تاباندى ەڭبەكتەردىڭ بارلىعى ەل مۇددەسىن كوزدەيدى. پرەزيدەنت جانىنداعى ورتالىق كوممۋنيكاتسيالار قىزمەتىندە وتكەن ءباسپاسوز ءماسلي­حاتىندا ينۆەستيتسيا جانە دامۋ مينيسترلىگى تەحنولوگيا جانە يننوۆاتسيالىق دامۋ جونىندەگى دەپارتامەنت ديرەكتورىنىڭ ورىنباسارى لاۋرا سادىقوۆا اتالعان تاقىرىپ توڭىرەگىندە كەڭىنەن اڭگىمەلەدى. «الداعى بەس جىلداعى نەگىزگى مىندەت – ەكونوميكانىڭ ءداستۇرلى سالالارىنىڭ تەحنولوگيالىق ارتتا قالۋىن جويۋ جانە جاڭا سالالاردىڭ دامۋىنا نەگىز جاساۋ», دەدى ل.سادىقوۆا ءوز سوزىندە. بۇل رەتتە ول يندۋستريالىق-يننوۆاتسيالىق دامۋ باعدارلاماسىنىڭ العاشقى بەس جىلدىق قورىتىندىلارىنا توقتالا كەلە, مينيسترلىكتىڭ يننوۆاتسيالىق ۇدەرىستەردى ودان ءارى قولداۋعا باعىتتالعان ءىس-شارالارىنىڭ جوسپارىمەن تانىستىردى. ونىڭ ايتۋى بويىنشا, مينيسترلىك وسىعان وراي بىرقاتار نەگىزگى ينديكاتورلاردى بەلگىلەگەن. ولاردىڭ قاتارىنا يننوۆاتسيالىق بەلسەندىلىكتى 20%-عا ارتتىرۋ, ىشكى جالپى ونىمدەگى يننوۆاتسيالىق ءونىمنىڭ ۇلەسىن 2,5%-عا جەتكىزۋ, زەرتتەۋ جۇمىستارى مەن سىناق جوبالارىنا جۇمسالاتىن ىشكى شىعىن كولەمىن جالپى ءونىمنىڭ 2%-ىنا دەيىن كوتەرۋ ماسەلەلەرى كىرەدى. ونىڭ ايتۋىنشا, ەكiنشi بەسجىلدىقتىڭ اتالعان جوسپارى ءۇشiن يننوۆاتسيالىق ساياساتتا ەكi الەۋەت بەلگiلەنىپ وتىر. ونىڭ بiرiنشiسi – ءداستۇرلi سالالارداعى تەحنولوگيالىق كەيiندەۋدi قىسقارتۋ بولىپ تابىلادى. ال ەكiنشiسi, جاڭا باعىتتاردى دامىتۋ. مۇندا بiزدiڭ نەگiزگi جۇمىسىمىز زاماناۋي تەحنولوگيالىق شەشiمدەردi جۇزەگە اسىرۋعا باعىتتالعان بيزنەستi جۇرگiزۋ ءۇشiن قولايلى جاعداي جاساۋعا نەگىزدەلەدى, دەدى ل.سادىقوۆا. «وسى ورايدا ءبىز 50 شاقتى زاڭعا وزگەرتۋلەر مەن تولىقتىرۋلار ەنگىزدىك. سونداي-اق, بىرقاتار سالالىق باعدارلامالار قابىلدانىپ, ەلىمىز ءۇشىن مۇلدەم جاڭا دەپ ايتۋعا بولاتىن 400-گە جۋىق ءونىم شىعارا باستادىق», دەدى. سونىمەن قاتار, وسى جيىنعا قاتىسقان دامۋ ينستيتۋتتارىنىڭ جەتەكشىلەرى بۇل كورسەتكىشتەرگە جەتۋ ءۇشىن قاجەتتىلىك تۋدىراتىن ناقتى شارالارعا توقتالىپ ءوتتى. اتاپ ايتقاندا تەحنولوگيالىق دامۋ جونىندەگى ۇلتتىق اگەنتتىك توراعاسىنىڭ ورىنباسارى جۇماتاي ءسالىموۆ قازىرگى ۋاقىتتا اگەنتتىكتىڭ قۇزىرىندا يننوۆاتسيالىق جوبالاردى قولداۋعا ارنالعان قۇرالداردىڭ تۇتاستاي تىزبەسى بار ەكەندىگىن ايتتى. «ولار – ەڭ الدىمەن يننوۆاتسيالىق گرانتتار, ۆەنچۋرلىق قارجىلاندىرۋ, تەحنولوگيالاردى شەت ەلدەردەن ترانسفەرتتەۋ جانە ەلدەگى يننوۆاتسيالىق بەلسەندىلىكتى ارتتىرۋعا باعىتتالعان ءتۇرلى ءىس-شارالار», دەپ اتاپ ءوتتى. بىلتىرعى جىلدىڭ وزىندە مەملەكەتتىك قولداۋعا يە بولعان جوبالاردى جۇزەگە اسىرۋ بارىسىندا 1100-دەن استام جاڭا جۇمىس ورنى اشىلعاندىعىن ايتا وتىرىپ, 930,3 ملن. تەڭگە كولەمىندە سالىق تولەنىپ, 33,3 ملرد. تەڭگەگە ءونىم شىعارىلعاندىعىن مالىمدەدى. بۇل رەتتە مەملەكەت تاراپىنان بولىنگەن ءاربىر تەڭگەگە 1,38 تەڭگە جەكە ينۆەستيتسيالار تارتىلعاندىعى ايتىلدى. وتكەن جىلى مەملەكەتتىك گرانتتارعا تاپسى­رىلعان وتىنىمدەر سانى 50 پايىزعا وسكەن. بۇل ءوسىم ونەرتاپقىشتار اراسىندا جۇرگىزىلگەن سەمينارلار مەن كەڭەستەردىڭ ارقاسىندا جۇزەگە اسىپ وتىر. «ونەرتاپقىشتار مەن يننوۆاتورلاردىڭ, راتسيوناليزاتورلىق قابىلەتى بار مامانداردىڭ بەلسەندىلىگىن ارتتىرۋ ماقساتىندا اگەنتتىك جىل سايىن ولارعا ارناپ ءتۇرلى بايقاۋلار مەن كورمەلەر ۇيىمداستىرىپ كەلەدى. تەك بىلتىرعى جىلى وسىنداي شارالاردىڭ نەگىزىندە ەلىمىزدىڭ تۇكپىر-تۇكپىرىنەن 600-دەن استام ونەرتاپقىش انىقتالدى جانە الداعى ۋاقىتتا بۇل كاسىپقوي يننوۆاتورلارعا مەملەكەتتىك قولداۋ كورسەتىلمەك», دەگەن ج.ءسالىموۆ الداعى ۋاقىتتا دا وتاندىق ونەرتاپقىشتار مەن يننوۆاتورلارعا قولداۋ كورسەتىلۋ جالعاسا بەرەتىندىگىن جەتكىزدى. ەلميرا ماتىباەۆا, «ەگەمەن قازاقستان».