جۇزەگە اسقان جوبالار

ورتالىق كوممۋنيكاتسيالار قىزمەتىندە «سامۇ­رىق-ەنەرگو» اق-تىڭ باسقارما توراعاسى الماسادام ءسات­قاليەۆ ءباسپاسوز ءماسليحاتىن وتكىزدى. ول ۇدەمەلى يندۋس­تريالىق-يننوۆاتسيالىق دامۋ باعدارلاماسى اياسىنداعى ەنەرگەتيكا سالاسىنداعى جوبالاردىڭ جۇزەگە اسىرىلۋى جونىندە اڭگىمەلەدى. ەلىمىزدە ەنەرگەتيكا سالا­سىنىڭ دامۋ ۇدەرىستەرى ۇنەمى مەم­لەكەت باسشىسىنىڭ نازارىندا ەكەنىن ايتقان باسقارما توراعاسى «سامۇرىق-ەنەرگو» اق-تىڭ وتكەن جىلى اتقارعان جۇمىستارىنا توقتالدى. كومپانيا بىلتىر يندۋستريالاندىرۋ كارتاسىنا ەنگىزىلگەن بىرقاتار يۆەستيتسيالىق جوبالاردى ءساتتى جۇزەگە اسىرىپتى. «ەكىباستۇز 1-ماەس-تە قۋاتى 500 مۆت №2 ەنەرگيا بلوگىن قالپىنا كەلتىرۋ جۇ­مىس­تارى اياقتالدى, ول ستانسانىڭ قۋاتىن 3500 مۆت-عا دەيىن ۇل­عايتتىق. الماتى قالاسىندا ترانسفورماتسيالىق قۋاتىن 332 مۆا-عا ارتتىرۋ ارقىلى ەسەن­تاي, التاي, مامىر دەگەن 3 بىردەي قوسالقى ستانسانىڭ قۇرىلىسى ناتيجەلى اياقتالدى», دەگەن ول الداعى ۋاقىتتا ىسكە اسىرىلاتىن جوبالاردى تانىستىرىپ ءوتتى. ەكونوميكادا ورىن العان قازىرگى جاعدايعا وراي, كومپانيا­دا ۇنەم ساياساتى تىڭعىلىقتى جۇرگىزىلىپ جاتقان كورىنەدى. بۇل تۋرالى, «اعىمداعى جىلى ينۆەس­تيتسيالىق بيۋدجەتتi 23 پايىزعا, ياعني 28 ملرد. 146 ملن. تەڭگەگە قىس­قارتىپ وتىرمىز. جالپى, اكiمشiلiك شىعىستار 13 پايىزعا, اق­شاعا شاققاندا 1 ملرد. 807 ملن. تەڭگەگە وڭتايلاندىردىق. بار­لىعىن قوسا ايتقاندا, اعىم­داعى شىعىستاردى 10 ملرد. 824 ملن. تەڭگەگە دەيىن قىسقار­تۋ­دى جوسپارلادىق», دەيدى ا.ءسات­قاليەۆ. ايتكەنمەن, ينۆەستيتسيالىق باع­دارلامالاردى وڭتايلاندىرۋ يندۋستريالاندىرۋدىڭ ەكiنشi بەسجىلدىعىنىڭ iرi جانە ماڭىزدى جوبالارى مەن «نۇر­لى جول» باعدارلاماسىنا جانە ەكسپو-2017 نىساندارىنا قاتىستى ەمەس كورىنەدى. وسى­نى ايتقان ول, شىعىستاردى وڭتاي­لاندىرۋ الەۋمەتتiك تۇراقتىلىق دەڭگەيiن قامتاماسىز ەتۋگە كەرى اسەرiن تيگiزبەيتiنiن جەتكىزدى. كومپانيانىڭ تابىستى جۇمىس ىستەۋىنە جاقسى جاعداي جاسالعان. «ينۆەستيتسيالىق جوبالاردى تابىستى جۇرگiزۋگە, ەنەرگەتيكا سالاسىن دامىتۋعا ەل ۇكiمەتi مەن اكتسيونەرiمiز «سامۇرىق-قازىنا» قولداۋ كورسەتiپ وتىر. سونىڭ ارقاسىندا, «سامۇرىق-ەنەرگو» 2014 جىلى ءوندiرiس, ەلەكتر ەنەرگياسىن جەتكiزۋ, كومiر ءوندiرۋ بويىنشا جوسپارلى كورسەتكiشتەردi تولىق ورىندادى», دەگەن كومپانيا باسشىسى, ەكونوميكالىق جاعدايلارعا بايلانىستى وسى جىلعى دامۋ جوسپارىنا وزگەرiستەر ەنگiزiلiگەنىن ايتتى. ءسويتىپ, اكiمشiلiك شىعىستار مەن ينۆەستيتسيالىق جوبالاردىڭ قارجىسى قىسقارعانمەن, جۇمىس ورىندارى تولىق دەرلىك ساقتا­لاتىنىن تاعى قايتالادى. «مەملەكەت باسشىسىنىڭ جولداۋىنداعى مۇمكىندىگى شەك­تەۋ­لى جاندارعا ارنالعان كەدەر­گىسىز ورتا قۇرۋ مəسەلەسى بويىنشا تاپسىرمانى ورىنداۋ ءۇشىن بىلتىر مۇمكىندىگى شەكتەۋلى 170 ادامدى جۇمىسقا ورنالاستىرۋعا كۆوتا بەلگىلەندى. قازىرگى كەزدە 182 ادام جۇمىسقا تۇردى», دەدى ا.ساتقاليەۆ. نۇرباي ەلمۇراتوۆ, «ەگەمەن قازاقستان».