حالىقارالىق GovHR فورۋمى مەملەكەت باسشىسى قاسىم-جومارت توقاەۆتىڭ قۇتتىقتاۋ حاتىمەن اشىلدى.
مەملەكەت باسشىسىنىڭ قۇتتىقتاۋ حاتىندا مەملەكەتتىك باسقارۋ سالاسىن ساپالىق تۇرعىدان جانە ادام رەسۋرستارىن جان-جاقتى دامىتۋ تۇتاس حالىقارالىق قاۋىمداستىققا ورتاق وزەكتى ماسەلەلەر ەكەندىگى ايتىلىپ, ء«بىز مەملەكەتتىك قىزمەت جۇيەسىندە مەريتوكراتيا قاعيداتىن ورنىقتىرۋعا, اشىقتىقتى قامتاماسىز ەتۋگە, جوعارى كاسىبي ەتيكانى جانە سىبايلاس جەمقورلىققا قارسى سانا-سەزىمدى دارىپتەپ, ادالدىق مادەنيەتىن قالىپتاستىرۋعا باسا ءمان بەرەمىز. بىرەگەي جيىن بارىسىندا تسيفرلاندىرۋ مەن جاساندى ينتەللەكت داۋىرىندەگى وراسان زور مۇمكىندىكتىڭ ارقاسىندا ادام كاپيتالىن كۇشەيتۋگە, مەملەكەت تاراپىنان كورسەتىلەتىن قىزمەتتەردىڭ دەڭگەيىن مەيلىنشە ارتتىرۋعا ىقپال ەتەتىن تىڭ تاسىلدەر ۇسىنىلادى دەپ سەنەمىن», دەلىنگەن.
فورۋمعا GRECO پرەزيدەنتى دەۆيد مەيەر, بۇۇ دامۋ باعدارلاماسىنىڭ قازاقستانداعى تۇراقتى وكىلى كاتارجينا ۆاۆەرنيا, چەرنوگوريا مەملەكەتتىك باسقارۋ ءمينيسترى ماراش دۋكاي, جاپونيانىڭ ۇلتتىق كادر باسقارماسىنىڭ حالىقارالىق ىستەر جانە وقىتۋ جونىندەگى باس ديرەكتورى ميو ماەدا, تۇركيا رەسپۋبليكاسى پرەزيدەنتى باس حاتشىلىعىنىڭ كادر ماسەلەلەرى جانە قىزمەت قاعيداتتارى جونىندەگى باس ديرەكتورى بيلال شەنتيۋرك, بوسنيا جانە گەرتسەگوۆينا فەدەراتسياسى مەملەكەتتىك قىزمەت اگەنتتىگىنىڭ ديرەكتورى رەفيك بەگيچ, پورتۋگاليا رەسپۋبليكاسى سىبايلاس جەمقورلىققا قارسى ۇلتتىق مەحانيزمىنىڭ (MENAC) توراعاسى جوزە انتونيۋ مۋراش لوپەش, سونداي-اق ءباا, رۋمىنيا, قىتاي, گانكونگ, ۇلىبريتانيا, ازەربايجان, ارمەنيا, يوردانيا, كيپر, قىرعىزستان, موڭعوليا, تاجىكستان, وزبەكستان, تۇركىمەنستان, فينليانديا, سينگاپۋر سياقتى ارىپتەس ەلدەر مەن وتاندىق ۋاكىلەتتى ورگاندارىنىڭ باسشىلارى, جەتەكشى ماماندار جانە ساراپشىلار قاتىسىپ جاتىر.
ءىس-شارادا اگەنتتىك توراعاسى دارحان جازىقباي فورۋمنىڭ مەملەكەتتىك قىزمەتتى دامىتۋعا باعىتتالعان يننوۆاتسيالىق شەشىمدەردى قالىپتاستىرۋداعى ماڭىزىن اتاپ ءوتتى.
سونىمەن قاتار, ەلىمىزدە جۇرگىزىلىپ جاتقان كونستيتۋتسيالىق جانە ينستيتۋتسيونالدىق رەفورمالارعا توقتالىپ, ادام قۇقىقتارى مەن ونىڭ مۇددەلەرىن ەڭ جوعارى قۇندىلىق رەتىندە بەكىتكەن حالىقتىق كونستيتۋتسيانىڭ جاڭا مەملەكەتتىك باسقارۋ فيلوسوفياسىن ايقىنداعانىن ايتتى.
دارحان جازىقباي كونستيتۋتسيادا ادام كاپيتالىنا, ءبىلىم مەن عىلىمعا, يننوۆاتسياعا باسىمدىق بەرىلگەنىن اتاپ ءوتتى. ونىڭ ايتۋىنشا, مەملەكەتتىك قىزمەت پاتريوتيزم, كاسىبيلىك, اشىقتىق, ادەپتىلىك جانە كليەنتكە باعدارلانۋ سياقتى قۇندىلىقتارعا نەگىزدەلگەن جاڭا مادەنيەتكە كوشىپ جاتىر.
ەاەو-عا مۇشە مەملەكەتتەر باسشىلارى ەۋرازيا ەكونوميكالىق فورۋمى اياسىنداعى كورمەنى تاماشالادى
سونداي اق مەملەكەتتىك قىزمەتكە ىرىكتەۋ, وتكەرۋ جانە كادرلىق پروتسەستەردى تسيفرلاندىرۋداعى رەفورمالارعا توقتالدى. ماسەلەن كونكۋرستىق راسىمدەر تولىق تسيفرلىق فورماتقا كوشىپ, ىرىكتەۋدى وتكىزۋ مەرزىمدەرى 23-30 جۇمىس كۇنىنەن 5-7 جۇمىس كۇنىنە دەيىن قىسقارتىلدى. ازاماتتاردىڭ كونكۋرسقا قاتىسۋ دەڭگەيى ءداستۇرلى ىرىكتەۋ جۇيەسىمەن سالىستىرعاندا 3,5 ەسەگە ارتقان. جاڭا زاڭدا «ب» كورپۋسى قىزمەتشىلەرى ءۇشىن گوريزونتالدى مانساپتىق ىلگەرىلەۋ, لاۋازىمدىق جالاقىلاردى كەمىندە ءۇش جىلدا ءبىر رەت مىندەتتى تۇردە يندەكستەۋ, لاۋازىم ءۇش ايدان استام ۋاقىت بويى بوس تۇرعان جاعدايدا كونكۋرستى اۆتوماتتى تۇردە جاريالاۋ قاراستىرىلعان.
«تسيفرلاندىرۋ جانە جاساندى ينتەللەكت جىلى» اياسىندا Alem.cloud ۇلتتىق سۋپەركومپيۋتەرى مەن 100-دەن استام اۆتوماتتاندىرىلعان اگەنتى بار مەملەكەتتىك جاساندى ينتەللەكت پلاتفورماسى ىسكە قوسىلدى. AI Qyzmet باعدارلاماسى اياسىندا 52 مىڭنان استام اكىمشىلىك مەملەكەتتىك قىزمەتشى وقىتۋدان ءوتتى.
مەملەكەت باسشىسىنىڭ «حالىق ۇنىنە قۇلاق اساتىن مەملەكەت» تۇجىرىمداماسىنا سايكەس ازاماتتاردىڭ پىكىرلەرى مەملەكەتتىك ورگاندار قىزمەتىنىڭ تيىمدىلىگىن ايقىندايتىن كورسەتكىش رەتىندە باعالانادى. سونداي-اق اگەنتتىك جۇزەگە اسىرىپ وتىرعان قاشىقتىقتان مونيتورينگ ناتيجەسىندە وتكەن جىلى 2 600-دەن استام ازاماتتىڭ قۇقىقتارى قالپىنا كەلتىرىلگەنى اتاپ ءوتىلدى.
سونىمەن قاتار اگەنتتىك توراعاسى حالىقارالىق ۇيىمداردىڭ ستاندارتتارىنا سايكەس الداعى 5 جىلعا ارنالعان سىبايلاس جەمقورلىققا قارسى كۇرەس بويىنشا جاڭا ستراتەگيالىق قۇجاتتى ازىرلەۋ جۇمىستارى باستالعانىن ايتتى. بۇل قۇجات سىبايلاس جەمقورلىق تاۋەكەلدەرىنىڭ الدىن الۋعا, مۇددەلەر قاقتىعىسىن ءتيىمدى باسقارۋعا جانە سىبايلاس جەمقورلىققا قارسى مادەنيەتتى دامىتۋعا باعىتتالادى.
20 ەلدەن كەلگەن 50-دەن استام ساراپشى HR پروتسەستەردى جەتىلدىرۋ, تسيفرلاندىرۋ مەن جاساندى ينتەللەكتىنى باسقارۋ ىسىنە ەنگىزۋ, سىبايلاس جەمقورلىقتىڭ الدىن الۋ مەن قىزمەتتەردىڭ ساپاسىن ارتتىرۋعا باعىتتالعان سەسسيالاردا پىكىر الماسادى.
GovHR فورۋمى – مەملەكەتتىك كادر قىزمەتىن جەتىلدىرۋگە, زاماناۋي HR قۇرالدارىن ەنگىزۋگە جانە ادامي رەسۋرستاردى باسقارۋ جۇيەسىن جاڭا ساپالىق دەڭگەيگە كوتەرۋگە باعىتتالعان ماڭىزدى حالىقارالىق الاڭ.
