جالپى 2025-2026 وقۋ جىلىنىڭ قورىتىندىسى بويىنشا ەلوردا مەكتەپتەرىندە جالپى سانى 314 964 وقۋشى ءبىلىم الدى. ونىڭ ىشىندە مەملەكەتتىك مەكتەپتەردە – 260 418 وقۋشى, جەكەمەنشىك مەكتەپتەردە – 47 760 وقۋشى جانە رەسپۋبليكالىق مەكتەپتەردە – 6 786 وقۋشى.
بيىل ەلوردا مەكتەپتەرىن 16 مىڭنان استام تۇلەك ءتامامداپ, قولدارىنا اتتەستات الدى. ولاردىڭ ىشىندە 1 202 وقۋشى ۇزدىك اتتەستات يەگەرى اتانسا, 650 تۇلەككە بىلىمدەگى جوعارى جەتىستىكتەرى ءۇشىن «التىن بەلگى» يەگەرلەرى اتاندى.
مەكتەپ ءبىتىرۋ كەشتەرىن ۇيىمداستىرۋ بارىسىندا دا جاۋاپكەرشىلىك پەن ۇنەمشىلدىككە ەرەكشە نازار اۋدارىلدى. قالا مەكتەپتەرىندە 70% پايىزدان استام اتا-انالار مەن تۇلەكتەر قاۋىمى مەيرامحانالاردا سالتاناتتى كەش وتكىزۋدەن باس تارتىپ, قاراجاتتى ءتيىمدى پايدالانۋدى ءجون كوردى.
ايتا كەتەيىك, اتتەستات تابىستاۋ راسىمدەرى بارلىق مەكتەپتە مەرەكەلىك ءارى سالتاناتتى جاعدايدا ءوتتى. ۇستازدار مەن اتا-انالار تۇلەكتەرگە اق جول تىلەپ, ولاردىڭ بولاشاقتا ەل دامۋىنا ۇلەس قوساتىن بىلىكتى مامان بولىپ قالىپتاساتىنىنا سەنىم ءبىلدىردى.
