فرانتسۋز باعدارلاماسى ەنگىزىلەدى

استانادا 22-25 ماۋسىم ارالىعىندا حالىقارالىق «ءبىلىم جانە عىلىم سالاسىنا قاجەتتى الەۋەتتى دامىتۋ» اتتى سەمينار-ترەنينگ وتكىزىلدى. ءىس-شارانى قازاقستان رەسپۋب­ليكاسى ءبىلىم جانە عىلىم مينيس­تر­لىگىنىڭ عىلىم كوميتەتى, سون­داي-اق, بىرقاتار حالىقارالىق ۇيىمداستىرۋشىلار: عىلىمي ەكونوميكالىق ىنتىماقتاستىق ۇيىمداستىرۋ قورى, فرانتسۋز قورى «LAMAP», يۋنەسكو, يس­لام دامۋ بانكى جانە حالىقارالىق عىلىم, تەحنولوگيا جانە يننوۆاتسيا ورتالىعى ۇيىمداستىردى. سەمينار-ترەنينگتىڭ ماقسا­تى – دارىندى بالالار مەن ورتا سى­نىپ وقۋشىلارىن عىلىم مەن ماتە­ماتيكاعا باۋلۋ ادىسناماسىمەن قامتا­ماسىز ەتۋ; عىلىم ساۋاتتىلىعىن كو­تەرىپ, ونى قوعامدا ءتۇسىنۋ; ستۋدەنت­تەردى جاڭا عىلىمي يدەيا- لارمەن اينالىسۋعا دايىنداۋ, عى­لىمي جانە ينجەنەرلىك مامان­دىقتاردىڭ تاپشىلىعىن جويۋ ماقساتىندا عىلىم جانە ينجەنەريا ماماندىقتارىن تاڭداۋ بويىنشا وقۋشىلار سانىن ارتتىرۋ. سەمينار سوڭىندا قاتىسۋ­شىلار فران­تسيا­نىڭ La main à la pàte يدەياسىمەن تانىسىپ, ونىڭ 10 قاعيداسىن ۇيرەندى. ايتا كەتۋ كەرەك, La main à la pàte باعدارلاماسى بالالاردى ءوزارا تالقىلاۋعا ۇيرەتۋ ارقىلى ولاردىڭ ماسەلە­لەردى شەشۋگە ءوزارا ىقپالىن كوتەرمەلەپ, سىندارلى ىنتىماق­تاستىققا شا­قىرادى. ءتۇرلى ساباق­تار­دىڭ كومەگى ارقىلى ەكونو­مي­كالىق  ىنتىماقتاستىق ۇيى­مى ايماقتارى ءبىلىم جانە عى­لىم سالاسىنداعى قاجەتتى عىلى­مي-زەرتتەۋ الەۋەتىن دامىتۋ ءتاجى­ريبەسىن الادى. اتالعان باعدار­لاما ەلىمىزدىڭ مەكتەپتەرىنە ەنگى­زىلەدى دەپ جوسپارلانىپ وتىر. دينارا دوسپان.