قاسيەتتى رامازان ايىنىڭ ەكىنشى جەكسەنبىسىندە اياگوزدىكتەرگە تەگىن تاكسي قىزمەتى ۇسىنىلدى. اۋدان اكىمدىگى, قالالىق مەشىت جانە جاستار ورتالىعى ۇيىمداستىرعان ىزگى اكتسيا اياسىندا قالا تۇرعىندارى مەن قوناقتارى ءبىر كۇن بويى تەگىن تاكسيمەن ءجۇردى.
تاڭسارىدەن مەشىتكە قاراي اعىلعان اياگوزدىك جاستار رامازان ايىنىڭ قۇرمەتىنە وراي قولعا الىنعان يگىلىكتى ىسكە بەلسەنە اتسالىستى. اياگوز قالالىق مەشىتىنىڭ يمامى دۋمان ءنادىر ۇلى كۇللى مۇسىلماننىڭ قاسيەتتى ايىندا اتقارىلعان قايىرىمدىلىق ىستەردىڭ ساۋابى مول بولاتىنىن جەتكىزىپ, قولعا الىنعان ىزگى ءىستىڭ بەرەكەلى بولۋىنا, ەلدىڭ ىنتىماعىن ارتتىرار شاراعا اينالۋىنا تىلەكتەستىگىن ءبىلدىردى.
جەكسەنبى – قالا تۇرعىندارىنىڭ باسىم بولىگى بوس ۋاقىتىن پايدالانىپ, بازار ارالايتىن كۇن. بۇل كۇنى اياگوزدەگى «جاقسىلىق» ورتالىق بازارىنا كەلۋشىلەر «رامازان ايى قۇرمەتىنە تەگىن تاكسي» دەگەن جازۋلارى بار اۆتوكولىكتەرگە تاڭىرقاي قاراستى. «مەشىت» جازۋى بار جاسىل ءتۇستى كەۋدەمشە كيگەن كولىك جۇرگىزۋشىلەرى بازارشىلاعان تۇرعىنداردىڭ قولدارىنداعى جۇكتەرىن كوتەرىسىپ, كولىكتەرىنە وتىرعىزىپ, دىتتەگەن جەرىنە جەتكىزىپ تاستاپ وتىردى.
اتالعان شاراعا ون ءۇش اۆتوكولىك قاتىستى. ولاردىڭ اراسىندا اياگوزدىكتەر «تاكسي اپا» اتاپ كەتكەن اقسامايلى كولىك جۇرگىزۋشىسى ورازحان ەسبايقىزى دا بار. وسىلايشا, رامازان ايىندا جۇرتقا جاقسىلىق جاساپ, حالىقتىڭ كوڭىل-كۇيىن سەرپىلتكەن اياگوزدىكتەر بۇل باستامانى بۇدان كەيىن دە جالعاستىرا بەرەتىندىكتەرىن ءبىلدىردى.
دۋمان اناش,
«ەگەمەن قازاقستان».
شىعىس قازاقستان وبلىسى,
اياگوز اۋدانى.
تاڭسارىدەن مەشىتكە قاراي اعىلعان اياگوزدىك جاستار رامازان ايىنىڭ قۇرمەتىنە وراي قولعا الىنعان يگىلىكتى ىسكە بەلسەنە اتسالىستى. اياگوز قالالىق مەشىتىنىڭ يمامى دۋمان ءنادىر ۇلى كۇللى مۇسىلماننىڭ قاسيەتتى ايىندا اتقارىلعان قايىرىمدىلىق ىستەردىڭ ساۋابى مول بولاتىنىن جەتكىزىپ, قولعا الىنعان ىزگى ءىستىڭ بەرەكەلى بولۋىنا, ەلدىڭ ىنتىماعىن ارتتىرار شاراعا اينالۋىنا تىلەكتەستىگىن ءبىلدىردى.
جەكسەنبى – قالا تۇرعىندارىنىڭ باسىم بولىگى بوس ۋاقىتىن پايدالانىپ, بازار ارالايتىن كۇن. بۇل كۇنى اياگوزدەگى «جاقسىلىق» ورتالىق بازارىنا كەلۋشىلەر «رامازان ايى قۇرمەتىنە تەگىن تاكسي» دەگەن جازۋلارى بار اۆتوكولىكتەرگە تاڭىرقاي قاراستى. «مەشىت» جازۋى بار جاسىل ءتۇستى كەۋدەمشە كيگەن كولىك جۇرگىزۋشىلەرى بازارشىلاعان تۇرعىنداردىڭ قولدارىنداعى جۇكتەرىن كوتەرىسىپ, كولىكتەرىنە وتىرعىزىپ, دىتتەگەن جەرىنە جەتكىزىپ تاستاپ وتىردى.
اتالعان شاراعا ون ءۇش اۆتوكولىك قاتىستى. ولاردىڭ اراسىندا اياگوزدىكتەر «تاكسي اپا» اتاپ كەتكەن اقسامايلى كولىك جۇرگىزۋشىسى ورازحان ەسبايقىزى دا بار. وسىلايشا, رامازان ايىندا جۇرتقا جاقسىلىق جاساپ, حالىقتىڭ كوڭىل-كۇيىن سەرپىلتكەن اياگوزدىكتەر بۇل باستامانى بۇدان كەيىن دە جالعاستىرا بەرەتىندىكتەرىن ءبىلدىردى.
دۋمان اناش,
«ەگەمەن قازاقستان».
شىعىس قازاقستان وبلىسى,
اياگوز اۋدانى.
