پەتروپاۆل. 29 ماۋسىم. اقىننىڭ تۋعان جەرى – Cارىتومار اۋىلىندا رەسپۋبليكانىڭ جالپى ءبىلىم بەرەتىن مەكتەپ, گيمنازيا, ليتسەيلەردىڭ 5-11-سىنىپ وقۋشىلارى اراسىندا ماعجان وقۋلارى ءوتتى. 3 اتالىم بويىنشا 40 ۇمىتكەر باق سىنادى. بۇل تۋرالى وبلىستىق ءبىلىم باسقارماسىنىڭ ماماندارى حابارلادى.
بايقاۋ باستالار الدىندا اقيىق شايىردىڭ ەسكەرتكىشىنە گۇل شوقتارى قويىلىپ, مۇراجايىنا تانىمدىق ەكسكۋرسيا جاسالدى. «ماعجان اللەياسىنا» اعاش كوشەتتەرى وتىرعىزىلىپ, تۇران» كينوستۋدياسى تۇسىرگەن «ماعجان» ءفيلمى تاماشالاندى.
«ولەڭ – مەنىڭ شولپانىم, ايىم, كۇنىم» اتتى اقىن شىعارمالارىن جاتقا وقۋ اتالىمى بويىنشا باس جۇلدەنى قوستاناي وبلىسىنان كەلگەن مەيىرىمحانوۆا نۇرسىيلا (قوستاناي) جەڭىپ الدى. بىرىنشى ورىنعا كادەنوۆا ەلدانا (وقو), ەكىنشى ورىنعا ومارعاليەۆ تيمۋربەك (اقتوبە), ەسەتجانوۆا شىنار (ماڭعىستاۋ) يە بولدى.
«تولقىنمەن تولقىن سىرلاسىپ...» اتتى م. جۇماباەۆتىڭ شىعارماشىلىعى بويىنشا زەرتتەۋ جانە شىعارماشىلىق جۇمىستار اتالىمىندا ءبىرىنشى ورىنعا يساتاي بەيبارىس پەن نۋرۆاكيلوۆ رينات (استانا قالاسى) كوتەرىلدى. ەكىنشى ورىندى ايدانا (سقو) مەن اسقار ۇلى ايتۋعان (اتىراۋ) ءبولىستى.
«اقىن دا ءبىر بالا عوي ايعا ۇمتىلعان» جاس دارىندار سايىسىندا م.جۇماباەۆ اۋدانى اكىمىنىڭ ارنايى جۇلدەسى ەلامان تولەۋتايعا (پاۆلودار) بۇيىردى. بىرىنشى ورىنعا قۇرماش داۋلەت (سقو) لايىق دەپ تانىلدى.
ءومىر ەسقالي.
دەرەك, سۋرەت: سولتۇستىك قازاقستان وبلىستىق ءبىلىم باسقارماسى.
