توراعالىقتىڭ ەكىنشى جارتىسى

ەقىۇ-عا مۇشە مەملەكەتتەر سىرتقى ىستەر مينيسترلەرىنىڭ بەيرەسمي كەزدەسۋىمەن باستالماق بۇگىن الماتىدا ەۋروپاداعى قاۋىپسىزدىك جانە ىنتىماقتاستىق ۇيىمىنا مۇشە مەملەكەتتەردىڭ سىرتقى ىستەر مينيسترلەرى باس قوسادى. سامميت دەسەڭىز دە, كەزدەسۋ دەسەڭىز دە بەيرەسمي دەيتىن انىقتاۋىشى بار. الايدا بەيرەسميلىگىنە قاراماستان, وسى كەزدەسۋ كوپ ماسەلەلەردى انىقتايتىنى جانە بار. بۇرىندارى ەقىۇ-عا كىم ءتور­اعالىق ەتىپ جاتقانىن بىلە بەر­مەي­تىنبىز, ءتىپتى ءبازبىر ەلدىڭ سىرت­قى ىستەر ءمينيسترىن ەقىۇ-نىڭ ءىس باسىنداعى توراعاسى رەتىندە ەلباسى قابىلداپ جاتقانىن ەس­تىگەندە تاڭ قالاتىنبىز. ۇيىمعا توراعالىق ەتۋ قازاقستاننىڭ ەنشىسىنە تيگەندە نەنىڭ نە ەكەنىن جاقسى تۇسىنەتىن بولدىق. بۇرىنعى ۇيىم جەتەكشىلەرىن قازاقستانعا كەلگەنىندە عانا تانىپ جاتاتىن بولساق, بۇگىندە توراعا ەلدىڭ پرەزيدەنتى, الەمنىڭ كەز كەلگەن ەلىندە قازاقستان دەگەن اتاۋدىڭ بالاماسى رەتىندە ايتىلاتىن نۇر­سۇلتان نازارباەۆتى عانا ەمەس, قازاقستان رەسپۋبلي­كا­سى­نىڭ مەملەكەتتىك حاتشىسى – سىرت­قى ىستەر ءمينيسترى قانات ساۋ­­داباەۆتى ەقىۇ-عا مۇشە قاي مەملەكەتتىڭ دە جۇگىرگەن بالاسى­نان ەڭكەيگەن قارياسىنا دەيىن جىعا تانيتىنىنا كوزىمىز جەتكەن­دەي. ەلباسى نۇرسۇلتان نازار­باەۆ­تىڭ تىكەلەي ۇسىنىسىمەن جانە باسشىلىعىمەن ەقىۇ توراعاسى رەتىندە قازاقستان جۇرگىزىپ جات­قان شارالار الەم ەلدەرى تارا­پىنان قولداۋ تاۋىپ وتىرعانى بەلگىلى. سونىڭ ىشىندە مەملەكەت­تەر اراسىنداعى داۋلى ماسەلە­لەر­دى شەشۋگە قوس تاراپتى دا يلىك­تىرۋ, قىرعىزستانداعى توڭكەرىستەن كەيىنگى جاعدايدى ساباسىنا ءتۇسىرۋ, اۋعانستانداعى احۋالدى تۇراق­تان­دىرۋ ءۇشىن قام جاساۋ, وسىدان 20 جىلداي بۇرىن ءوزىنىڭ تىكەلەي ونەگە كورسەتۋىمەن يادرولىق قاۋىپ­سىزدىكتى بارىنشا ازايتۋ جونىندە ناقتى ناتيجەلەرگە قول جەتكىزۋ, باسقا دا حالىقارالىق ۇيىمدارعا ءوز توراعالىعىن پايدالانىپ, ەۋرو­پا مەن ازيانىڭ, ەۋروپا مەن مۇسىلمان الەمىنىڭ اراسىن جا­قىن­داتۋ قازاقستاننىڭ توراعا رەتىندەگى باستاماشىلدىعىمەن جۇزەگە اسىپ جاتقانىن ماقتا­نىش­پەن ايتۋعا بولادى. سول قا­تار­دان ورىن الاتىن ءبىر شارا بۇگىن الماتىدا باستالىپ, ەرتەڭ قالا ماڭىنداعى “اقبۇلاقتا” جالعاساتىن بولىپ وتىر. باعدارلامانىڭ جۇزەگە اسۋى بارىسىندا وزگەرىستەر بولۋى دا مۇمكىن, الايدا قازىرگى بولمى­سى­نىڭ ءوزى وقيعالارىنىڭ كوپتىگىمەن تاڭداندىرادى. شارانىڭ ءبىرىنشى كۇنىندە ءىس باسىنداعى توراعانىڭ جيىرما شاقتى كەزدەسۋى كوزدەل­گەن ەكەن. ەكىنشى كۇنىندە كونفە­رەنتسيانىڭ اشىلۋىن, ونىڭ ەكى سەسسياسى كەزىندە تاعى دا سون­شالىقتى كەزدەسۋلەردىڭ وتەتىنىن ەسكەرسەك, ولاردىڭ ءبارى بىرلەسە كەلىپ, ۇلكەن سامميت تۋرالى ناقتى ماسەلەنىڭ شەشىلۋىنە مۇمكىندىك بەرسە, اتىمىزدىڭ بايگەدەن كەلگەنى دەي بەرەيىك.